Diniwroko-konmakandra foe december

Wiki di e bigin 2 december

Singi 180

10 min: Wan toe sani foe a gemeente nanga Wan toe sani di teki a mindri trawan na ini Wi Kownoekondredienst. Poti prakseri tapoe den artikel na ini den njoen tijdschrift di kan gebroiki a satra di e kon na a tijdschrift wroko.

20 min: „Handri a wortoe foe waarheid na wan bekwaamfasi”. Aksi nanga piki takimakandra foe na artikel. Poti krakti a tapoe fa a de prenspari foe gebroiki a bijbel na den doro. Demo na pristeri di den gi leki rai baka te joe taki foe paragraaf 5. Demo so toe sjatoe fa den kan pristeri na bijbel nanga a Tori foe Takimakandra. Tjari kon a krin taki den preikiman sontron kan wani foe pristeri soso a Gado wortoe-boekoe na sma di kande no wani wan bijbel ete.

15 min: „Na Njoen-Grontapoe vertaling — Wetenschappelijk èn eerlijk”. Takimakandra foe na artikel na ini Na Waktitoren foe 1 maart 1991. Poti prakseri tapoe penti di kan gebroiki boen foe pristeri a bijbel ini a dienst.

Singi 23 nanga lasti begi.

Wiki di e bigin 9 december

Singi 161

10 min: Wan toe sani foe na gemeente. Gi deki-ati foe na jepi-pionierdienst ini december.

25 min: „Pristeri na boen njoensoe — Foe di joe e pristeri oso-bijbelstudie”. Aksi nanga piki takimakandra. Meki wan preikiman nanga ondrofeni demo fa wan bijbelstudie ben sa kan opo na wan sma di sori belangstelling gi na bijbel di den ben pristeri en. Gi deki-ati na den brada èn sisa foe soekoe ibri pikin marki foe belangstelling, efoe a sma ben teki boekoe ofoe no.

10 min: Aksiboksoe. Owroeman e taki foe penti nanga den arkiman. Gi deki-ati foe kon de froetrow nanga na inlegvel foe Wi Kownoekondredienst december 1990.

Singi 167 nanga lasti begi.

Wiki di e bigin 16 december

Singi 96

10 min: Wan toe sani foe a gemeente, moni afersi nanga brifi di a Genootschap seni foe piki taki den kisi den bijdrage di a gemeente ben seni go. Prèise den brada nanga sisa foe a prati di den abi ini a gi foe den bijdrage. Meki bekènti san seti gi velddienst gi a kaba foe a wiki.

20 min: „Na seti foe na gemeenteboekoestudie — Pisi 5”. Aksi nanga piki takimakandra foe a dienstopziener. Aksi kommentaar foe a fasi fa sonwan ben abi wini foe a seti disi, ofoe hori aksi-takimakandra nanga wan ofoe toe sma di feni jepi nanga a fisiti foe a dienstopziener.

15 min: Fanowdoe foe a gemeente noso „Kownoekondrepreikiman e gi njoensoe.” Lezing. Meki gebroiki foe ondrofeni ini a pisi disi na ini Na Waktitoren [Bakratongo] foe sori fa a bijbel e wroko na wan krakti fasi ini a libi foe libisma. Joe ben sa kan gebroiki den tori na ini den uitgave foe 1 april nanga 1 augustus 1991.

Singi 75 nanga lasti begi.

Wiki di e bigin 23 december

Singi 105

10 min: Wan toe sani foe na gemeente. Theokrasia njoensoe. Gi ala sma deki-ati foe abi prati na a velddienst sonde 1 december. Memre den brada nanga sisa foe teki nofo foe a njoen boekoe A moro bigi man di oiti ben libi.

20 min: „De nanga joe heri-ati ini a velddienst — Pisi 5”. Aksi nanga piki takimakandra foe na artikel disi. Gi deki-ati na ala sma foe gebroiki den toemoesi moi rai di ben gi. Abi aksi-takimakandra nanga wan fajafaja preikiman noso pionier di kan froeteri sortoe eigi wini en leki man noso oema ben ondrofeni foe di a ben abi wan dorodoro prati na a diniwroko.

15 min: Pristeri a njoen boekoe, A moro bigi man di oiti ben libi. Sori wan demonstrâsi di oefen boen, foe san e kon now: Baka te a kari en nen a preikiman ben sa kan taki: „Efoe wi ben sa aksi soema ben de a moro bigi man di oiti ben libi na grontapoe, wi ben sa kisi foeroe difrenti piki. Foe ala den libisma di den ben kari bigi ini a historia, no wan foe den ben abi someni krakti tapoe a libi foe so foeroe libisma leki Jesus Krestes. A ben gi wi wan eksempel di boen foe waka na baka. Loekoe pikinso san en disipel Petrus ben taki foe en. [Leisi 1 Petrus 2:21.] Jesus srefi ben meki krin foe san-ede a de prenspari foe gi jesi na en. Na troe anbegi foe na Tata sma kan doe soso nanga jepi foe Jesus, so leki a ben taki na ini Johanes 14:6. [Leisi.] Omeni wi sabi foe Jesus leki libisma? Foe san a ben e gi leri? Fa a ben e libi èn fa a ben de nanga tra sma? A boekoe disi, A moro bigi man di oiti ben libi, sa piki disi èn foeroe moro aksi.” Meki sma si spesroetoe penti na ini a boekoe. Ini na inleiding joe ben sa kan sori na ososma wan toe sani di sma taki, so leki a di foe H.G. Wells nanga Napoleon. Meki den si den kefarlek moi kloroeprenki, so leki na ini kapitel 26 nanga 44. Kande na ososma sa feni en wan toemoesi moi sani taki na Moro bigi man-boekoe meki kaba ini someni tongo.

Singi 205 nanga lasti begi.