Overzicht gi na theokrasia diniwroko-skoro
Overzicht nanga tapoe boekoe, di abi en fondamenti tapoe na stòf foe na theokrasia diniwrokoskoro foe den wiki foe 2 september te nanga 23 december 1991. Gebroiki wan aparti pisi papira èn piki na tapoe dati so meni aksi leki joe kan ini a ten di den gi joe pasi foe gebroiki.
[Opmerking: Na a ten foe na schriftelijk overzicht soso na bijbel mag gebroiki foe gi piki tapoe ibri aksi. Den bodoi di tanapoe na baka den aksi, de foe joe ondrosoekoe sani joe srefi. Den bodoi di e sori sortoe Waktitoren joe moesoe go, no e kari kande ala ten den bladzijde nanga den paragraaf.]
Gi piki tapoe ibriwan foe den froeklari di o kon now efoe den boen ofoe fowtoe:
1. Na Njoen Grontapoe Vertaling na a fosi vertaling di poti na nen foe Gado baka na ini den Kresten Griki Boekoe. [si blz. 327 § 2]
2. Na Cyruscilinder e meki sma kon sabi fa kownoe Cyrus ben handri ini a tori foe meki folkoe di den meki tron strafoeman go baka na a presi foe den pe den ben gebore. [si blz. 336 § 15]
3. A no soso den djoe ma so srefi fositen skrifiman toe, di sonwan foe den ben de feanti foe den djoe, ben teki Moses leki na skrifiman foe na Pentateuch. [si blz. 338 § 5]
4. So leki fa a e sori dan Sichem didon na Dina nanga tranga (Gen. 34:1-3). [Alawiki bijbel leisiprograma; loekoe w85 15/6 blz. 31.]
5. Na tori na ini Genesis 38:8-10 di e taki fa Onan ben meki en skiti lasi gowe, e taki kontrari na gebroiki foe sani foe no hori bere. [Alawiki bijbel leisiprograma; loekoe w75 blz. 127.] 6. Aladi Juda no ben handri opregti foe di a ben abi seksdemakandra nanga wan oema di a ben denki taki a ben de wan motjo, tokoe a no ben doe kontrari wan spesroetoe wet foe Gado (Gen. 38:11-18). [Alawiki bijbel leisiprograma; loekoe w73 blz. 576.]
7. Na wan joisti fasi Jehovah Kotoigi e opo tanapoe, e meki wan boigi, ofoe srefi e trowe densrefi na gron na fesi foe wan tiriman foe sori grani èn respeki gi na posisi foe en, efoe dati de na gwenti foe na kondre (Gen. 44:14). [Alawiki bijbel leisiprograma; loekoe w74 blz. 639.]
8. Baka di Moses ben kenki ala watra foe Egipti kon tron broedoe, den Egipti priester ben doe na gran wroko disi toe èn kande den ben gebroiki petiwatra foe doe den tofroewroko foe den (Ex. 7:19-24). [Alawiki bijbel leisiprograma; loekoe w83 15/12 blz. 23.]
9. Na Shekina faja ben de krin foe si na ini na Moro Santa Presi foe na tabernakel so boen leki na ini a tempel foe Salomo (Teki gersi nanga Exodus 25:21, 22.). [Alawiki bijbel leisiprograma; loekoe w67 blz. 671.]
10. Na “ongolokoe nanga takroe bakapisi” e sori soso tapoe na mama (Ex. 21:23). [Alawiki bijbel leisiprograma; loekoe w78 1/11 blz. 31, 32]
Gi piki tapoe den aksi di e kon:
11. Sortoe mankeri foeroe Bijbel vertaling abi? [si blz. 324 § 17]
12. San de den bakapisi te Bijbel vertaler e poti a letterlijk vertaling na wan sei, gi san den e kari na moi foe a tongo èn na fasi foe en? [si blz. 326 § 32]
13. Fa na Njoen Grontapoe Vertaling e hori wan lin ini en fasi foe gi na tekst baka? [si blz. 328 § 7]
14. San, sondro foe joe misi dati, e sori krin taki na Bijbel komoto foe Gado? [si blz. 342 § 25]
15. Foe san-ede Rachel ben feni en boen foe gi Lea na okasi foe a ben kan hori bere foe di a kenki nanga en, foe wantoe froktoe di den e kari lobi-apra, so leki fa a skrifi na ini Genesis 30:14, 15? [Alawiki bijbel leisiprograma; loekoe w70 blz. 255.]
16. Fa Genesis 39:9 e sori taki te joe e leri joe pikin Gado Wortoe, den sa abi winimarkifoe disi ini den libi bakaten? [Alawiki bijbel leisiprograma; loekoe w74 1/1 blz. 12, 13 § 17, 18.]
17. Foe san-ede Gado ben meki Moses aksi Farao primisi foe go meki wan rèis foe dri dei na ini a sabana, ala di a ben abi na prakseri dati den Israelsma ben o libi Egipti sondro foe drai kon baka? (Ex. 3:18) [Alawiki bijbel leisiprograma; loekoe w82 1/4 blz. 32.]
18. Efoe a nen foe wan sma tanapoe na ini ”Gado boekoe foe libi” dati e djaranti a sma têgo libi? (Ex. 32:32, 33) [Alawiki bijbel leisiprograma; loekoe w87 1/9 blz. 29.]
19. Fa wi kan froeklari taki “Jehovah ben taki fesi na fesi nanga Moses”? (Ex. 33:11) [Alawiki bijbel leisiprograma; loekoe w73 blz. 416.]
Gi na wortoe ofoe na pisi foe na prakserilin di de fanowdoe foe klari ibriwan foe den froeklari di e kon now:
20. Wan foe den reide foe a meki foe fowtoe na ini den vertaling foe Hebrew werkwortoevorm de na grammatica prakseri di den e kari ini a ten disi ․․․․․․․ [si blz. 330 § 14]
21. Ini 1989 Na Njoen Grontapoe Vertaling ben kon a doro ini ․․․․․․․ tongo nanga moro leki ․․․․․․․ boekoe di den ben stampoe. [si blz. 331 § 21]
22. So leki fa wan archeoloog ben taki, dan na centraal kontren foe pe tongo komoto èn panja go no alasei ben de ․․․․․․․ [si blz. 339 § 13]
23. Na wan enkri gron tapoe san wan sma abi na reti foe brokotrow èn mag trow baka na ․․․․․․․ [pe kap. 29 § 28]
24. A nen Silo wani taki ․․․․․․․ èn na profeitifasi a ben sori tapoe ․․․․․․․ (Gen. 49:10) [Alawiki bijbel leisiprograma; loekoe re blz. 83, 84.]
25. Na ․․․․․․․ froebontoe ben jepi foe seti “wan kownoekondre foe priester en wan santa pipel” (Ex. 19:6). [Alawiki bijbel leisiprograma; loekoe w89 1/2 blz. 18, 19.]
Teki na joisti piki ini ibriwan foe den froeklari di e kon now:
26. Den sani san den archeoloog e feni na Gihon kan boeweisi na bijbeltori foe (na toren foe Babel; na watra-tunnel foe na foto foe David; na fadon foe Sisak na ini Juda). [si blz. 332 § 4]
27. Na (Titusbo; na skrifi ini ston foe Pontius Pilatus; Areopagus) de te now ete na ini Atene, di sori taki a situwâsi di den e taki foe en ini Tori foe den Apostel 17:16-34 de troe. [si blz. 336 § 19]
28. Den njoenmodoten ondrosoekoe di den datra doe e sori taki atibron kan hei a broedoe foe sma èn kan gi atisiki, ede-ati, broedoe-noso, drai-ede, èn lasi sten, e kroederi nanga (Odo 14:30; Job 19:20; Psalm 12:3). [si blz. 340 § 15]
29. Den wortoe “a mindri den toe neti joeroe” e sori tapoe na ten foe (mamanten te go miti sondongo; foe sondongo te a kon doengroe; mofoneti foe wan kalender dei te go miti na trawan) (Ex. 12:6). [Alawiki bijbel leisiprograma; loekoe w74 blz. 158.]
30. Den sani di den e taki foe en na ini Exodus 40:34 ben (boeweisi dati Jehovah ben feni na tabernakel boen; wan sani foe memre taki Jehovah no de foe si; wan boeweisi foe sari ten di ben de foe kon). [Alawiki bijbel leisiprograma; loekoe hs blz. 69 § 30.]
Soekoe na joisti tekst gi ibriwan foe den froeklari di skrifi dja na ondro:
Ex. 14:21; Deut. 23:9-14; 2 Kown. 3:4, 5; Ps. 19:7-10; Ps. 77:11, 12
31. Na ston foe Mesa (Moabitis ston) e boeweisi na bijbel tori disi. [si blz. 333 § 6]
32. Na bijbel rai ini a tori foe krinfasi boen na datrasei. [si blz. 340 § 17]
33. David ben taki foe a warderi di komoto foe en ati èn di a ben abi gi na koni foe Gado. [si blz. 350 § 7]
34. Foe kan kisi winimarki foe Den Boekoe, dan doronomo wi moesoe prakseri dipi foe Gado Wortoe. [si blz. 351 § 12]
35. Aladi sma ben gi froeklari di joe ben sa kan bribi, disi seiker de wan afersi pe Gado ben boemoei, na presi foe soso wan sortoe natuur wondro. [Alawiki bijbel leisiprograma; loekoe wE81 15/8 blz. 18.]