Diniwroko-konmakandra foe mei
Wiki di e bigin 3 mei
Singi 209
10 min: Wan toe sani foe a gemeente nanga Wan toe sani di teki foe Wi Kownoekondre Dienst.
20 min: „Teki prati nanga boen bakapisi na wi diniwroko di e kibri libi.” Lezing nanga demonstrâsi. Baka wan sjatoe inleiding, dan joe kan aksi a prakseri gi dri demonstrâsi di komoto na paragraaf 2-5. Aksi, baka ibri demonstrâsi, fa den arkiman ben sa man fiti a pristeri ini den difrenti situwâsi foe a gemeente gebied. Tapoe nanga a gi foe deki-ati foe abi foeroe prati ini a diniwroko a kaba foe a wiki disi.
15 min: A prensparifasi foe a jejefasi foe na osofamiri. Lezing foe wan owroeman. Taki foe a fanowdoe foe na osofamiri loekoe a deitekst makandra, èn froeteri fa den ben sa man doe disi na ondro ala sortoe situwâsi nanga den schema foe na osofamiri. Poti krakti toe tapoe a fanowdoe foe na osofamiri foe begi makandra, no moro mendri leki, wán leisi wan dei. Den ben kan doe disi bifo den e go sribi. Den ben kan gebroiki den srefi gronprakseri disi ini osofamiri di prati, osofamiri nanga wan papa noso wan mama, di de en wawan èn den osofamiri di no abi pikin. A sreka di wan osofamiri e sreka densrefi, e prei wan ròl toe efoe den wani njanboen foe den gemeente konmakandra ala wiki, èn foe man tranga a bribi foe trawan.—Hebr. 10:23-25.
Singi 104 nanga lasti begi.
Wiki di e bigin 10 mei
Singi 27
10 min: Wan toe sani foe a gemeente. Ondrofenitori di no so langa pasa sma ben njanboen foe den, foe di den ben wroko nanga tijdschrift nanga brochures. Foeroe preikiman ben miti nofo belangstelling foe gi den gron foe pristeri wan abonnement? (Wan lijst foe den ondrofenitori disi moesoe meki a fesi nanga jepi foe a brada di e sorgoe foe den abonnement ini a gemeente).
15 min: „Kakafoetoe gi a tjalensi foe na oso-foe-oso wroko.” Aksi-nanga-piki-takimakandra. Leisi èn gebroiki den tekst di skrifi.
20 min: „Njanboen dorodoro foe ’A leri foe Gado’-distrikt kongres.”—Fosi pisi. Takimakandra nanga den arkiman foe paragraaf 1-16. Den preikiman moesoe taki foe den penti di fiti nanga den bijbelstudenti foe den, di e go fisiti a kongres.
Singi 134 nanga lasti begi.
Wiki di e bigin 17 mei
Singi 16
10 min: Wan toe sani foe a gemeente, so srefi raport foe moni afersi nanga a piki foe a Genootschap taki den ben kisi den bijdrage di oenoe ben seni gi den. Prèise den brada nanga sisa foe a horibaka na monisei gi a gemeente so boen leki gi a wroko foe a genootschap na heri grontapoe.
20 min: „Go nanga prisiri baka foe jepi sma di abi belangstelling.” Takimakandra nanga den arkiman nanga demonstrâsi. Poti krakti tapoe a fanowdoe foe skrifi ala belangstelling di ben feni. Seti toe demonstrâsi foe a materiaal na paragraaf 3-6. Disi moesoe sori a situwâsi foe a gebied èn fiti dati so leki a de fanowdoe.
15 min: „Njanboen dorodoro foe a ’Leri foe Gado’-distrikt kongres 1993.”—Di foe toe pisi. Taki nanga den arkiman foe paragraaf 17-19 èn taki finifini foe den „Jepi sani foe memre sani foe a distriktkongres”. Taki toe foe den jepi sani foe memre sani di fiti, èn di wi kan feni ini A Waktitoren foe 15 juni 1989, bladzijde 16-39, noso gi den osofamiri groepoe a deki-ati foe den go loekoe den penti ini den artikel disi baka bifo den fisiti a kongres.
Singi 54 nanga lasti begi.
Wiki di e bigin 24 mei
Singi 141
10 min: Wan toe sani foe a gemeente. Theokrasia njoensoe.
20 min: „Jongoewan—tiri den stap foe joe na wan konifasi.” Aksi-nanga-piki-takimakandra. Baka paragraaf 3, joe kan hori wan sjatoe demonstrâsi nanga wan moro jongoe preikiman di e aksi wan moro owroewan foe wroko nanga en ini a velddienst. A moro owroe preikiman e feni dati boen nanga ala prisiri èn e aksi foe den taki foe den sani di den e go pristeri, bifo den go wroko makandra.
15 min: Fanowdoe foe a gemeente. Noso lezing foe wan owroeman di e taki „Foe san ede a de so makriki foe lei?”, komoto foe A Waktitoren foe 15 december 1992, bladzijde 21-23 (Bakratongo).
Singi 223 nanga lasti begi.
Wiki di e bigin 31 mei
Singi 207
10 min: Wan toe sani foe a gemeente. Gi prakseri foe penti foe takimakandra di teki na ini a Moro Bigi Libisma-boekoe èn di den ben kan gebroiki in juni. Gi den preikiman deki-ati foe go loekoe den velddienst prakseri di de tapoe a lasti bladzijde foe Wi Kownoekondre Dienst foe juni 1993.
20 min: „Joe sa go ini a jepipionierdienst a jari disi?” Aksi-nanga-piki takimakandra nanga wan toe sma di ben de ini a jepipionierdienst den jari di pasa. Gi jongoewan nanga trawan di den situwâsi e gi den pasi, deki-ati foe loekoe efoe den ben kan gebroiki den fakansi ten na wan boen fasi. Kande sonwan kan jepi foe wroko ini den moen dati, ini gebied di ben wroko wanwantron nomo. Gi den wan di e kaba nanga den skoro, deki-ati foe teki a gewoon pionierwroko noso foe wroko foe miti a marki dati.—2 Kor. 9:6b.
15 min. Gado e gi wi pardon foe den sondoe foe wi? Toe owroeman e sreka gi wan herder fisiti. Den e taki makandra fa den kan jepi wan brada di e broeja ete foe sondoe foe fositen di a ben doe èn di e aksi ensrefi efoe Gado ben gi en pardon. Den owroeman e loekoe a materiaal ini a Taki-go-taki-kon-boekoe tapoe bladzijde 65-68 nanga a Insight-boekoe toe, bladzijde 861-862, Pisi 1 (Ingrisitongo). Den e taki foe a fanowdoe foe den handri switi nanga a brada disi èn poti krakti tapoe a sari-atifasi foe Jehovah nanga a klari di a de klariklari foe gi pardon. Den e poti na den prakseri toe, foe poti krakti tapoe a fanowdoe, foe a brada ensrefi doe moeiti, foe di a taki wawan di en e taki dati a abi berow, no nofo. Den owroeman sa pristeri densrefi foe teki notisi foe a brada ten na ten, ala di den e go doro foe gi en jepi na jejesei.
Singi 214 nanga lasti begi.