A Jariboekoe—Wan fonten foe kisi deki-ati
1 Den njoensoe nanga den ondrofenitori di abi foe doe nanga den toemoesi moi wroko foe Jehovah, ben gi Gado en dienstknekti feni kowroe-ati ala ten (Job 38:4, 7; Odo 25:25; Luk. 7:22; Tori. 15:31). Foe dati ede a Jariboekoe foe Jehovah Kotoigi na wan fonten foe kisi deki-ati.
2 Ibri Jariboekoe e pristeri njoensoe foe heri grontapoe, di e bow sma èn di e taki foe den aktiviteit nanga den sani di Jehovah Kotoigi e doe. Ondrofenitori di e tranga sma bribi, e poti krakti tapoe a tiri foe Jehovah, a kibri di a e kibri en pipel èn a blesi di a e blesi den. A Jariboekoe e froeteri foe man nanga oema di abi man-ati, di ben libi den famiri, mati nanga den eigi kondre na baka foe tjari bijbel waarheid gi sma na ala den difrenti pisi foe grontapoe èn na moro foeroe foe den èilanti foe a se.
3 A Jariboekoe ben boeweigi foeroe sma di leisi en, foe doe moro foeroe ini a wroko foe Gado. Wan leisiman ben skrifi: „Mi no kan leisi en esi nofo. San mi leisi te leki now, ben gi mi foeroe deki-ati. A e meki mi firi taki mi ben kan doe moro ini a preiki foe a boen njoensoe te mi e si san trawan e doe na ondro kwinsi.”
4 Ibri jari, bigin foe 1927 te tide, a Jariboekoe foe Jehovah Kotoigi ben de wan troetroe fonten foe njoensoe nanga ondrofenitori di e gi krakti. Joe abi wini dorodoro foe na aparti fonten disi foe deki-ati? Foe doe so, sorgoe taki joe leisi a Jariboekoe so esi joe kisi en. Dan go loekoe baka spesroetoe pisi ini en, foe kisi a deki-ati di joe nanga joe famiri abi fanowdoe a heri jari doro.