Njoen regeling gi na détekst nanga Jari boekoe
1 Eri boen kenki e kon na na sé foe den regeling foe den détekst nanga na Jariboekoe. Bigin foe 1986 na Jariboekoe sa abi soso na theocratis historia foe toe noso dri kondre èn na ibri jari dienstbericht foe na heri grontapoe. Den détekst nanga kommentaar sa kon na ini wan aparti, 128 bladzijde pikin boekoe, nanga na nen ’Ondrosoekoe na Skrifi ibridé’ — 1986.
2 Disi de agen wan stap foe a Genootschap ini na sé foe gi njoensoe wantenwanten na ini difrenti tongo. Sensi a bigin foe a jari disi na kon na doro na a srefi ten foe Na Wachttoren ben meki a kan gi a moro bigi pisi foe Jehovah Kotoigi taki ibri wiki den ben e studeri na srefi materiaal. Bigin foe 1 januari 1986 na heri grontapoe wi sa kon de wan ini a loekoe foe na dagtekst.)Na o sortoe bigi grani fasi disi njoen regeling sa jepi foe meki na kristen wanfasi kon moro tranga! — Teki gersi 1 Korintesma 1:10.
3 Na njoen détekst boekoe disi kan druk moro froekoe leki na Jariboekoe èn biten a kan seni go na ala den gemeente ini na heri grontapoe sodati ibri wan sma kan abi en kaba na a bigin foe na kalenderjari. Na prijs lagi sodaniki dati ibriwan sma ini na gemeente kan bai wan persoonlek eksemplaar gi ensrefi èn na sowan fasi osofamiri nanga groepoetakmakandra foe na détekst kan feni presi moro koemakriki. Boiti dati foe di a boekoe pikin so a de koemakriki foe tjari en go na komakandra, wroko, skoro, noso tra presi.
4 Gemeente bisteri foe ’Ondrosoekoe den Boekoe ibridé’ — 1986 moesoe seni tapoe 1 juli, noso so gaw leki a kan baka dati, tapoe na gewone Bisteri formulier foe boekoe (S-14) go na a Genootschap. Soso na totale aantal di den prékiman nanga tra geïnteresseerde sma sa abi fanowdoe moesoe bisteri troetroe. Bisteri di e kon bakaten foe moro no man foe seni kon. Na boekoe disi sa de foe kisi biginbigin ini Deenstongo, Doisritongo, Ingrisitongo, Fintongo, Fransitongo, Grikitongo, Italiantongo, Japantongo, Koreantongo, Bakratongo Norwegentongo, Potogisi, Samoantongo, Spanjorotongo nanga Zwedentongo. Bakasé foe den bisteri disi den sa skrifi tapoe den faktuur foe a gemeente „bakaten”, te leki a boekoe de foe kisi èn kan seni kon. Te den e meki a kan taki a boekoe de foe kisi na ini tra tongo, dan wan bodoi sa de foe si. Na prijs foe prékiman nanga publiki de Sf 0,60 nanga gi pionier Sf 0,40.
5 Na Jariboekoe 1986 sa kostoe now Sf 1,50 èn a moesoe bisteri makandra nanga na dé tekst boekoe. Soboen skrifi krin tapoe ibri bisteribiljet omeni eksemplaar ’Ondrosoekoe den boekoe ibridé’ èn omeni eksemplaar foe na Jariboekoe oenoe winsi foe kisi.