Meki wan bun schema gi na osofamiri

¹ Di Yesus ben e hori a Bergitaki, dan a gi den arkiman fu en a deki-ati: „Fu dati ede, tan suku a kownukondre nanga en regtfardikifasi fosi” (Mat. 6:33). Efu yu wani seti sani na ini na osofamiri na so wan fasi taki yeye afersi e kon tapu a fosi presi, dan a ben o bun fu meki wan schema èn skrifi dati na tapu papira. Teki wan tu miniti fu meki wan schema gi ibri wiki gi yu eigi osofamiri. Yu kan gebroiki a schema na tapu bladzijde 6 fu na inibere pisi disi, pe nowan sani no skrifi na tapu ete. Kande son osofamiri sa wani fu seti a schema dati makandra, fu di den e koti den pisi na ondrosei èn e plak den sani dati na tapu a schema. Noso trawan sa wani skrifi den sani di den o du na tapu a schema.

² A schema na ondrosei, na wan eksempre fa fu meki yu schema. Yu sa si taki a schema abi soso fo fu den moro prenspari sani na tapu, namku: (1) fu fisiti den gemeente konmakandra, (2) fu preiki makandra leki osofamiri, (3) fu studeri leki osofamiri, èn (4) fu luku a deitekst makandra. Te yu e poti den fo sani disi na tapu a schema fu yu, dan dati sa yepi yu fu „sabi san na den moro prenspari sani” (Fil. 1:10). Yu kan feni moro bodoi di abi fu du nanga den fo sani disi, na tapu bladzijde 4 nanga 5.

³ A schema gi na osofamiri fu yu no musu abi den fo sani disi nomo na tapu. Efu unu leki osofamiri e sreka unsrefi gi wan tu fu den konmakandra, dan skrifi dati tu na tapu a schema. Efu unu e leisi wan pisi fu Bijbel makandra baka di unu luku a deitekst, noso efu unu e leisi Bijbel na wan tra ten, dan skrifi dati sosrefi na tapu a schema. Efu unu gwenti fu du wan spesrutu sani fu meki prisiri leki osofamiri, dan kande yu ben sa wani skrifi dati na tapu a schema tu.

⁴ Seti a schema gi yu osofamiri na so wan fasi taki ala sma na ini na osofamiri e kisi san den abi fanowdu. Ten na ten yu musu luku efu a schema fu yu e wroko bun, èn kenki sani na a schema efu dati de fanowdu.

[Karta tapu bladzijde 3]

Wan eksempre fu wan schema gi na osofamiri

Mamanten Bakadina Mofoneti

Son. Deitekst

Publikitaki nanga

Waktitoren-studie

Mun. Deitekst Osofamiri-studie

Tud. Deitekst Gemeente

Bukustudie

Drid. Deitekst

Fod. Deitekst Theokrasia

Diniwroko-skoro

nanga Diniwroko

Konmakandra

Fre. Deitekst

Sat. Deitekst

Preiki leki

osofamiri

(Tijdschrift dei)

[Karta na tapu bladzijde 6]

Schema gi na osofamiri

Mamanten Bakadina Mofoneti

Son.

Mun.

Tud.

Drid.

Fod.

Fre.

Sat.

.................................................................