Diniwroko-konmakandra foe oktober
Wiki di e bigin 3 oktober
Singi 203
10 min: Wan toe sani foe a gemeente nanga wan toe sani foe Wi Kownoekondre Dienst di fiti. Memre ala sma foe tjari na eksemplaar foe den foe a brochure When Someone You Love Dies [Ingrisitongo] na tapoe a Diniwroko-konmakandra foe a wiki di e kon.
17 min: „Now a ten doro”. Aksi-nanga-piki. Te joe e taki foe na ondrotitel „Feti baka marki na jeje fasi” tapoe bladzijde 4 nanga 5 foe Wi Kownoekondre Dienst foe november 1993, abi komentaar na ini toe.
18 min: „Hori den tijdschrift boen na prakseri ini oktober”. Taki makandra nanga den arkiman. Sori nanga toe demonstrâsi di sreka boen, fa foe gebroiki den tijdschrift foe bigin wan takimakandra. Poti krakti na tapoe o prenspari a de foe pristeri den tijdschrift na ibri doro nanga a marki foe bigin èn foe tan abi wan tijdschriften route.
Singi 212 nanga lasti begi.
Wiki di e bigin 10 oktober
Singi 104
10 min: Wan toe sani foe a gemeente. Raport foe moni afersi èn foe ala sani di a genootschap kisi leki bijdrage.
20 min: „Ouders — Wees een steun!” („Papa nanga mama — De wan jepi!”) Wan lezing foe wan owroeman di abi en gron tapoe den fosi dri artikel foe na Ontwaakt! foe 8 augustus 1994. Fiti den rai ini a materiaal na den omstandigheid foe wi. Taki sjatoe nanga wan papa noso wan mama, di ondrofeni kande fa a de foe taki nanga skoromeester noso skoromisi nanga skoro-edeman. Poti krakti na tapoe fa papa nanga mama kan de wan jepi gi den pikin foe den.
15 min: „Gebroiki a njoen brochure, so taki joe abi boen bakapisi foe en”. Taki makandra nanga den arkiman foe na artikel. Sori tapoe spesroetoe sani foe a brochure, èn gi rai di e sori fa a de foe gebroiki en foe trowstoe denwan di e sari foe di wan lobiwan foe den dede.
Singi 108 nanga lasti begi.
Wiki di e bigin 17 oktober
Singi 194
10 min: Wan toe sani foe a gemeente. Theokrasia njoensoe.
15 min: Meki wi no tapoe foe doe san boen. Lezing foe wan owroeman. A weri di wi kan kon weri na jeje fasi, kan tapoe a faja nanga a prisiri foe wi ini a diniwroko foe Jehovah. Taki baka foe wan toe fasi fa wi kan meki wi krakti na jeje fasi kon njoen baka, foe di wi e gebroiki den rai di gi ini a Waktitoren foe 15 januari 1986, bladzijde 11 (boksoe) (bladzijde 19, Bakratongo). Poti krakti na tapoe a jepi di wi kan jepi a gemeente nanga wi heri ati.
20 min: „Jepi denwan di abi belangstelling na wan lobifasi”. Taki makandra nanga den arkiman. Seti sani gi toe demonstrâsi pe den e gebroiki den rai di de ini na artikel. Tjari kon na krin san de fanowdoe foe pristeri wan abonnement. Foeroetron a de moro boen foe wakti te leki joe meki wán noso moro gobaka. Boeweisi moesoe de taki a sma abi troetroe belangstelling. Bigin nanga wan abonnement foe siksi moen. Efoe a gersi taki a sma no abi troetroe belangstelling, dan joesrefi moesoe tjari den tijdschrift te leki a sma e piki moro boen na tapoe den tijdschrift.
Singi 156 nanga lasti begi.
Wiki di e bigin 24 oktober
Singi 141
7 min: Wan toe sani foe a gemeente.
18 min: Joe e tan bisteri a srefi ipi tijdschrift? A Waktitoren nanga Ontwaakt! na boen bigi jepi foe prati a Kownoekondre boskopoe. Wi moesoe pristeri den na ibri okasi. A Kownoekondre Dienst foe maart 1984 ben gi tranga foe ibri preikiman „abi wan fasti bisteri foe tijdschrift . . . wan spesroetoe ipi foe den eksemplaar foe ibri uitgave”. Noso a kan de so, taki wi no abi den uitgave di de nownow de foe pristeri den èn taki wi moesoe bow tapoe traktaat noso brochure. A ben sa de boen gi ibri memre foe wan osofamiri foe bisteri wan srefi ipi gi ibriwan foe den aparti. Bisteri den na a afdeling foe tijdschrift. Sorgoe taki joe e teki den tijdschrift te den doro. Kari den wini di e kon foe tan bisteri a srefi ipi.
20 min: „Soekoe Gado Kownoekondre fosi — Foe di joe e tjari wan slakti-ofrandi foe prèise ala ten”. Aksi-nanga-piki. Kari wan toe marki di o gi wini èn di wisrefi kan proeberi foe doro. Taki makandra foe den fasi fa wi kan jepi trawan foe doe moro.
Singi 171 nanga lasti begi.
Wiki di e bigin 31 oktober
Singi 169
12 min: Wan toe sani foe a gemeente. Foe di fakansi e kon na ini november nanga december, gi ala sma deki-ati foe gi densrefi foe doe jepi-pionierwroko. Gi wan toe rai fa wi kan feni nofo ten foe doe dati.
15 min: Sani di de fanowdoe gi a gemeente. Noso meki wan owroeman hori wan lezing foe na artikel „Kunt u geduld oefenen?” („Joe kan tan hori pasensi?”) foe a Waktitoren foe 15 mei 1994, bladzijde 21-23 (Bakratongo).
18 min: Pristeri a Nieuwe-Wereldvertaling (Njoen-Grontapoevertaling) na ini november. Foe di foeroe sma abi wan bijbel kaba, meki wi moesoe sori den foe san ede a Nieuwe-Wereldvertaling (Njoen-Grontapoevertaling) moro boen. Sori tapoe a boekoe „De gehele schrift is door God geïnspireerd en nuttig om te onderwijzen” (bladzijde 327-328, par. 1-6). Tjari kon na krin foe san ede wi e gebroiki a nen foe Jehovah, èn gi wan toe eksempre di e sori den wini di e kon te wan sma e gebroiki modern tongo. Sori go tapoe wan toe spesroetoe sani na a bakasei foe a bijbel, so leki „Index van bijbelwoorden”, di sma kan gebroiki foe feni bekènti tekst gawgaw. A „Tabel van bijbelboeken” e sori soema ben skrifi ibri boekoe èn oten èn pe den boekoe ben skrifi, èn a e sori a ten di a boekoe e taki foe en. Sori go tapoe a Redeneren-boekoe (Taki-go-taki-kon-boekoe) (bladzijde 70, ondrotitel „Bijbelse profetieën verklaren de betekenis van de toestanden in de wereld”), èn taki makandra fa joe kan bigin wan takimakandra di e go foe bijbel èn di abi en gron tapoe Johanes 17:3 nanga Psalm 37:10, 11, 29. Seti sani so, taki wan bekwaam preikiman e demo fa wi kan pristeri a Nieuwe-Wereldvertaling (Njoen-Grontapoevertaling) nanga a boekoe De bijbel — Gods woord of dat van mensen? (Bijbel — Gado Wortoe noso di foe libisma?) ini a gebied foe wi.
Singi 136 nanga lasti begi.