Wan toe sani

◼ Poeblikâsi di wi sa gebroiki ini januari: Iniwan boekoe di abi 192 bladzijde di ben kon na doro bifo 1982 èn di kande a gemeente abi. Den gemeente di no abi den owroe boekoe disi, sa pristeri Ware vrede en zekerheid​—Hoe kunt u die vinden? (Troe vrede nanga seikerfasi​—Fa joe kan feni en?) Februari: Wi sa pristeri U kunt voor eeuwig in een paradijs op aarde leven (Joe kan libi foe têgo ini wan paradijs na grontapoe). Wi moesoe tjari gobaka na sma pe wi libi a boekoe disi na baka èn wi moesoe meki moeiti foe bigin nanga wan bijbelstudie. Maart: De Openbaring​—Haar grootse climax is nabij! (Na Openbaring​—En moro bigi heimarki de krosibei!) April nanga mei: Den tijdschrift A Waktitoren nanga Ontwaakt! Gi gebied pe den preikiman e wroko foeroetron, den kan gebroiki iniwan brochure (boiti a School-brochure [Skoro-brochure]). Pe den preikiman feni belangstelling na den gobaka, den kan pristeri abonnement. WAN TOE WORTOE: Den gemeente di no bisteri den poeblikâsi ete di wi o pristeri so leki fa a skrifi na tapoesei, moesoe bisteri den tapoe a Boekoe bisteri-formulier (S-14) foe a moen di e kon. Den poeblikâsi di kon na doro bifo 1982 so leki fa skrifi na tapoesei, no de foe kisi na a bijkantoro ini Sranan.

◼ Gemeente moesoe seti sani di fiti gi a Memrefesa, di sa hori a jari disi tapoe freida 14 april, baka te son dongo. Ala di ibri gemeente wani foe hori den eigi Memrefesa, disi no kan ala ten. Pe wan toe gemeente e gebroiki a srefi Kownoekondrezaal, kande a sa de boen gi wán noso moro gemeente foe gebroiki wan tra presi gi a neti dati. A Memrefesa no moesoe bigin so lati taki den wan di no langa pasa kisi belangstelling, no feni en makriki foe man fisiti en. Moro fara, a schema no moesoe de so span taki ten no de bifo noso baka a fesa, foe gi den fisitiman wan odi, foe seti sani foe jepi son wan moro fara na jeje fasi, noso foe njan boen foe a gi di sma e gi makandra deki-ati. Baka te den owroeman loekoe ala den sani finifini, dan den moesoe teki wan bosroiti sortoe seti sa de moro boen foe jepi den sma di fisiti a Memrefesa, so taki den sma disi njan boen srefisrefi foe na okasi.

◼ Tapoe sonde 23 april 1995, wan spesroetoe poebliki taki sa hori ini ala den gemeente. A titel sa de „A kaba foe falsi relisi de krosibei”. Sorgoe taki joe e gi ala den sma wan kari, di ben kon na a Memrefesa a jari disi. Den brada sa meki moeiti spesroetoe foe jepi den miljoenmiljoen sma di e kisi wan oso bijbelstudie. Tapoe a dei dati, baka a konmakandra, dan bodoi sa gi, di sa poesoe den fisitiman nanga den brada foe wi foe abi wan prati ini a prati foe wan spesroetoe traktaat. Na a srefi ten, a traktaat sa sori tapoe den problema di ibriwan sma e ondrofeni èn taki a de fanowdoe foe teki wan fasti bosroiti èn handri akroederi a Wortoe foe Gado.

◼ Foe bigin nanga februari, èn no moro lati leki 5 maart, a njoen poebliki taki gi kring-owroeman sa de „A leri foe Gado e wini na heri grontapoe”. Disi sa de wan pristeri foe dia, di e poti krakti tapoe na internationaal „Leri foe Gado”-distriktskongres di ben hori ini a dienstjari 1993 te nanga 1994. Na den kondre pe den dia disi no sa de foe si nownow, ma na wan tra ten, den kring-owroeman sa hori a lezing „Froetrow tapoe a Gado di e gi ala sortoe foe trowstoe”. Den kring-owroeman sa go doro nanga a lezing disi, te leki den kisi den dia foe sori. Te ala den gemeente kisi a dia lezing disi, dan den kring-owroeman sa go doro nanga a lezing „Froetrow tapoe a Gado di e gi ala sortoe foe trowstoe” èn a sa doe disi te leki a njoen lezing gi kring-owroeman kon tapoe a schema ini a bigin foe 1996.

◼ Tapoe a dienstvergadering foe a wiki foe 9 januari, ala den preikiman di dopoe, èn di de tapoe a konmakandra dati, sa kisi wan persoonlijk eksemplaar foe a Broedoe karta èn den sa kisi wan Identiteit karta gi den pikin foe den.

◼ Den gemeente moesoe bigin bisteri den jaargang foe De Wachttoren nanga Ontwaakt! foe 1994, so esi leki a kan èn no moro lati leki 1 januari 1995. Den jaargang disi sa de foe kisi ini Bakratongo nanga Ingrisitongo. So langa den brada no man seni den jaargang disi gi a gemeente, dan den sa skrifi tapoe a papira foe a gemeente ’oenoe sa seni en ete’. Den jaargang na poeblikâsi di e seni kon, soso te sma aksi en spesroetoe.​—Loekoe Wachttoren Publikatielijst, par. 21 en 22.