Overzicht gi a theokrasia diniwroko skoro
Overzicht nanga tapoe boekoe, di abi en fondamenti tapoe a materiaal foe a theokrasia diniwroko-skoro foe den wiki foe 2 januari te nanga 17 april 1995. Gebroiki wan aparti pisi papira èn gi piki na tapoe dati someni aksi leki joe kan, ini a ten di den gi joe pasi foe gebroiki.
[Wan toe wortoe]: Na a ten foe a schriftelijk overzicht soso bijbel mag gebroiki foe gi piki tapoe ibri aksi. Den bodoi di tanapoe baka den aksi de foe joe ondrosoekoe sani joesrefi. Den bodoi di e sori na sortoe Waktitoren joe moesoe go, no e kari ala ten den bladzijde nanga den paragraaf.]
Gi piki tapoe ibriwan foe den froeklari di e kon now efoe den boen noso den fowtoe:
1. Ini a strei di abi foe doe nanga a soevereiniteit, troetroe na aksi de soema abi moro makti, Jehovah noso Satan. [jv bladzijde 11-12]
2. Ini a fosi jarihondro a kresten gemeente ben de gemeente di ibriwan foe den ben kan doe san den wani. [jv bladzijde 29 paragraaf 1-3]
3. Te wan sma e arki rai, dan dati e sori taki a sma swaki. [uw bladzijde 127 paragraaf 4]
4. Den wortoe „opziener” nanga „owroeman”, e sori go na a srefi sortoe posisi. [jv bladzijde 35 foetoewortoe]
5. Odo 11:25 na wan eksempre foe srefi sortoe idea ini Hebrew poewema èn Odo 10:7 na wan eksempre foe idea di de kontrari makandra. [si bladzijde 107 paragraaf 7]
6. Na ini 33 Gewoon Teri Jesus ben bigin tiri den salfoe disipel foe en, baka di a ben kisi wan opobaka èn ben teki presi na Gado en reti-anoesei (Kol. 1:13). [gt kapitel 132]
7. So wan 3000 jari bifo sabidensiman ben kon sabi foe a genetis code, Psalm 139:13-16 ben sori taki a ben sabi foe a genetis code kaba. [Alawiki bijbel leisiprograma; loekoe wO 92 15/5 bladzijde 4.]
8. Odo 8:22-31 e taki finifini foe koni nomo. [Alawiki bijbel leisiprograma; loekoe w87 15/5 bladzijde 28.]
9. Wan troe kresten no moesoe de wan sma di no wani si tra sma noso tra sani, na ai. [Alawiki bijbel leisiprograma; loekoe wSR 92 1/1 bladzijde 19.]
10. Foe di foeroe foe den fosi kresten ben gi kotoigi na fesi foe dede, meki a Griki wortoe gi „kotoigi” ben wani taki wan sani di ben fiti sma di ben de klariklari foe dede gi den sani di den ben bribi. [jv bladzijde 13]
Gi piki tapoe den aksi di e kon now:
11. Kari dri kotoigi foe Jehovah, di ben libi bifo a Froedoe. [jv bladzijde 13-14]
12. Sortoe toe reide ben sori taki Jesus ben moesoe de wan kotoigi foe Jehovah, akroederi Jesaja 43:10 nanga 61:1, 2. [jv bladzijde 19 paragraaf 4]
13. Efoe den djoe di baka ten ben tron kresten, ben sabi a nen foe Gado kaba, dan na sortoe fasi Jesus ben meki den kon sabi a nen disi? [jv bladzijde 21 paragraaf 1]
14. Ini wan pisi ten foe wan sani foe 150 jari baka di a lasti apostel dede, sortoe toe prenspari kenki ini a fasi fa sani orga, a gemeente ben teki? [jv bladzijde 35 paragraaf 2, bladzijde 36 paragraaf 2]
15. Ala di a Reformatie ben doe wan toe boen sani, tokoe kari no moro mendri leki toe fondamenti fowtoe sani di den Protestant kerki ben teki abra foe a Lomsoe kerki èn ben tan hori densrefi na dati. [jv bladzijde 39 paragraaf 2, 3]
16. Sortoe falsi leri ben trobi na opregti ati foe a tini Charles Taze Russell? [jv bladzijde 43 paragraaf 2]
17. San ben meki taki a fasi fa brada Russell ben tjari bijbel leri kon na krin, ben de heri tra fasi leki fa foeroe foe den skrifiman ini den dei foe en ben doe dati? [jv bladzijde 53 paragraaf 3]
18. Sortoe winimarki Jesus ben abi foe a sabi di a ben sabi den Psalm? [si bladzijde 105 paragraaf 30]
19. Foe san ede den getrow apostel, nanga Jakobus, na afoe brada foe Jesus, nanga moro leki 500 tra disipel, ben de seiker taki Jesus ben opo baka? [gt kapitel 131]
20. Soema ben gi Salomo a koni foe en, èn san wi moesoe kon froestan foe dati ede te wi e leisi Odo? [si bladzijde 106 paragraaf 1]
Gi a wortoe noso a pisi foe a prakseri di de fanowdoe foe klari ibriwan foe den froeklari di e kon now:
21. Den wan di ben kisi foe jere den wortoe foe Jesus na Tori foe den apostel 1:8 ben de kotoigi foe ․․․․․․․ kaba, èn now den ben o kisi wan tra grani foe de kotoigi foe ․․․․․․․ [jv bladzijde 26 paragraaf 1, 2]
22. Brada Russel ben de seiker taki sma ․․․․․․․ a konbaka foe Jesus ․․․․․․․, èn a e hari a prakseri foe sma, foe si taki langa ten bifo a ten foe Russel, Masra Isaac Newton ben skrifi taki Krestes ben o kon baka èn ben o tiri „․․․․․․․”. [jv bladzijde 46 foetoewortoe]
23. Ini a barinen taki foe Petrus na a Pinksterfesa foe a jari 33 Gewoon Teri, ibritron baka Petrus ben teki wortoe foe den ․․․․․․․ foe taki; tapoe na okasi dati so wan ․․․․․․․ sma ben teki dopoe èn den ben tron sma foe a gemeente. [si bladzijde 105 paragraaf 25, 26]
24. Den Psalm ben skrifi na fesi taki sma ben sa gi Jesus ․․․․․․․ foe dringi, taki sma ben sa iti lot gi den dorosei ․․․․․․․ foe en, èn taki a ben sa gersi taki ․․․․․․․ libi Jesus. [si bladzijde 105 paragraaf 30]
25. Sma ben kon sabi a krestendom leki ․․․․․․․, bikasi a ben de wan fasi foe libi di ben drai lontoe a bribi ini ․․․․․․․ èn a waka di sma e waka finifini ini den foetoestap foe en. [jv bladzijde 29 paragraaf 5]
Teki a joisti piki ini ibriwan foe den froeklari di e kon now:
26. Di sma ben spikri Jesus na a pina-oedoe, den ben gi en win nanga mire foe dringi, ma Jesus ben weigri foe dringi dati, bikasi (a Wet no ben gi pasi foe doe dati; a ben de wan Nasireisma; a ben wani foe gebroiki en froestan krinkrin). [gt kapitel 125]
27. Foe wasi den krosi foe wi èn foe meki den kon weti ini a broedoe foe a Pikin Skapoe, wani taki dati wi e (tapoe foe doe sondoe; erken taki wi abi a verdienste foe Jesus ofrandi di e verzoen sondoe, fanowdoe; taki wi e gi wi libi abra na Gado èn taki wi e teki dopoe). [uw bladzijde 106 paragraaf 7]
28. No moro mendri leki feifi tron (Herodes; Pilatus; Feliks) ben froeklari taki Jesus no ben abi fowtoe, èn baka dati a ben broko kindi gi san den djoe ben tan aksi doronomo, èn a ben gi Jesus abra na den foe den kiri en. [gt kapitel 124]
29. Ala den getrow foetoeboi foe Gado di dede èn di ben tan dede bifo a Pinksterfesa foe (36; 35; 33) Gewoon Teri, no ben salfoe nanga santa jeje foe libi na hemel. [uw bladzijde 111 paragraaf 5]
30. Satan e strei taki a sani di e troesoe ala libisma na (lobi; a wani di den no wani si trawan na ai; a wani di den wani kisi wini gi densrefi nomo) èn taki a moro prenspari sani nanga san den e broko den ede na (a nen foe Gado; trawan; densrefi). [uw bladzijde 124 paragraaf 14]
Soekoe a joisti tekst gi ibriwan foe den froeklari dja na ondro:
Odo 3:27, 28; Joh. 19:4-6; 19:25-27; Rom. 15:2, 3; Openb. 7:16, 17
31. Kresten abi a frantiwortoe foe sorgoe gi a papa nanga mama foe den di kon owroe. [gt kapitel 126]
32. Na wan oprègtifasi wi e broko wi ede nanga san tra sma sa denki foe a fasi fa wi e tjari wisrefi, dati meki wi de klariklari foe no plisi wisrefi nomo. [uw bladzijde 130 paragraaf 10, 11]
33. Awinsi o ten wi abi na okasi foe doe boen gi trawan, efoe na skin sei noso na jejefasi, dan wi moesoe teki na okasi dati foe jepi a sma na wi sei, spesroetoe wi brada na jejefasi. [Alawiki bijbel leisiprograma; loekoe wSR93 1/12 bladzijde 26, 27.]
34. Te wan sma abi wan tiri wartifasi nanga bedarifasi te a tanapoe na fesi foe moeilek ten, dan dati kan gi glori na Jehovah èn a kan meki taki sma o kisi lespeki gi en toe. [gt kapitel 123]
35. Now kaba wi e bigin njan boen foe den pramisi di e sori fa sani o de èn di, na wan fasi di fiti, wi e kari „wan paradijs na jejefasi”. [uw bladzijde 107, 108 paragraaf 9-11]