Joe sabi o warti a de?
1 A ben de wan span momenti di a takiman tapoe a „Libilibi howpoe”-distriktkongres foe 1979 ben meki a njoensoe foe a kon na doro foe a njoen bijbelstudie jepisani Mi boekoe nanga bijbel tori bekènti. A ben de krin foe si gawgaw dati a boekoe disi ben opo a pasi foe gi bijbel leri na jongoewan so boen leki na owroewan. Den bigiwan ben breiti foe jere taki den tori ben skrifi fa den ben pasa a wan baka a trawan. Na so wan fasi foeroe sma kisi jepi foe kon sabi den bijbel tori fa den ben pasa a wan baka a trawan.
2 Wán mama foe wan boi di abi dri jari, di ben e lasi prakseri foe sani gawgaw, ben prisiri èn ben froewondroe taki a boi foe en ben studeri a boekoe 20 miniti langa sondro foe lasi prakseri. Heri esi a sani disi ben tron wan gwenti gi en. Wan jongoe trowpaar ben bigin foe gi a manpikin foe den leri foe a Mi boekoe nanga bijbel tori sjatoe baka di den bigin studeri. Di na osofamiri ben wani go njan na wan okasi, a boi ben weigri foe njan teleki den ben begi.
3 Sensi a momenti dati, den ben druk moro leki 32 miljoen exemplaar foe a boekoe disi ini 81 tongo, di ben kon na doro moro leki 15 jari pasa kaba. Wi sabi o warti a toemoesi boen bijbelstudie jepisani disi de èn wi abi na okasi foe pristeri en nanga wi heri ati na den jongoewan soleki na den owroewan na ini november.
4 Te joe e wroko na ini joe birti dan joe ben sa kan taki: „Leki wan foe den birtisma foe joe mi ben sa wani foe meki joe kon sabi a boen njoensoe foe wan pramisi di de seiker, namkoe taki no so langa moro vrede sa kon na heri grontapoe. Joe no ben sa wani ondrofeni dati? [Gi okasi foe piki] Wi ben si ala den moeiti di sma e doe foe doro a marki dati. Ma loekoe soema, akroederi bijbel, na a sma di sa tjari vrede kon di e tan. [Leisi Psalm 46:8, 9.] Te orlokoe èn den sma di e soetoe faja gi en sa pori gowe kaba, dan Gado no sa gi pasi noiti moro taki feantifasi sa de tapoe grontapoe. Wi e kisi a djaranti disi nanga den wortoe di a skrifiman foe Psalm 72:7 ben skrifi nanga jepi foe santa jeje. [Leisi.] Den sma di Gado sa kibri foe libi tapoe wan grontapoe foe vrede, sa de den sma di leri sabi en èn di e dini en. Mi boekoe nanga bijbel tori ben jepi foeroe sma foe doro so fara. Mi de seiker taki joe sa kisi foeroe deki-ati, te joe e leisi en. Na eksemplaar disi kan de foe joe foe wan bijdrage foe Sf 1350,00.
5 Wi e taki Jehovah tangi foe den Santa Boekoe foe bijbel so taki „sma di de foe Gado kon koni dorodoro, de srekasreka dorodoro gi ibri boen wroko” (2 Tim. 3:17). Wi de nanga tangi toe foe poeblikâsi a Bijbel tori-boekoe disi. Wi sabi o warti a de èn wi breiti dati wi man pristeri en na trawan.