Wan toe sani
◼ Poeblikâsi di wi sa gebroiki na ini januari: Iniwan boekoe foe 192 bladzijde di tjari kon na doro bifo 1982 èn di a gemeente abi ete. Gemeente di no abi den boekoe disi kan pristeri Ware vrede en zekerheid — Hoe kunt u die vinden? (Troe vrede nanga seikerfasi — Fa joe kan feni en?) Februari: De Openbaring — Haar grootse climax is nabij! (Na Openbaring — En moro bigi heimarki de krosibei!) Maart: Joe kan libi foe têgo na ini wan paradijs na grontapoe. April: A Waktitoren nanga Ontwaakt! Gi gebied di den gemeente e wroko foeroe, den kan gebroiki iniwan brochure (boiti na Onderwijs-brochure nanga School-brochure). Efoe sma pe joe e tjari gobaka abi belangstelling, joe kan pristeri abonnement. WAN TOE WORTOE: Den gemeente di no bisteri den poeblikâsi ete, di wi o pristeri soleki fa skrifi na tapoesei, moesoe bisteri den tapoe a Boekoe bisteri-formulier (S-14) foe a moen di e kon.
◼ Gemeente moesoe sreka sani di fiti gi a Memrefesa, di sa hori a jari disi tapoe toedewroko 2 april, baka te son dongo. Ala di a de wan boen sani taki ibri gemeente e hori den eigi Memrefesa, disi no kan ala ten. Pe wan toe gemeente gwenti foe gebroiki a srefi Kownoekondre zaal, kande wán noso moro gemeente kan gebroiki wan tra presi tapoe a neti dati. A Memrefesa no moesoe bigin so lati taki njoen sma di abi belangstelling e feni en moeilijk foe de drape. Moro fara, a programa no moesoe lai sani so taki ten no de bifo noso baka a fesa, foe gi den fisitiman odi, foe sreka sani foe tan gi son sma jepi na jejefasi, noso foe njan boen foe a gi di wi e gi makandra deki-ati. Baka te den owroeman loekoe ala den sani finifini, den moesoe bosroiti san na den moro boen sani di moesoe sreka foe jepi den wan di e fisiti a Memrefesa, so taki den sma disi kan kisi winimarki dorodoro foe a fesa.
◼ A spesroetoe poebliki taki na ini a ten foe a Memrefesa foe 1996, sa hori tapoe sonde 21 april. A thema foe a taki sa de „Tan sondro flaka na mindri wan kroektoe geslakti”. Den gemeente sa kisi wan schema. Den gemeente di abi fisiti foe a kring-owroeman, di abi wan kringkonmakandra, noso wan spesroetoe dei konmakandra na a kaba foe a wiki dati sa abi a spesroetoe taki a tra wiki. No wan gemeente moesoe hori a spesroetoe taki fosi 21 april.
◼ Bigin foe februari, èn no moro lati leki 3 maart, a njoen poebliki taki gi kring-owroeman sa de „Wan loyaal gemeente na ondro a tiri foe Krestes”.
◼ Njoen poeblikâsi di de foe kisi:
Bakratongo, Fransitongo, Ingrisitongo: Sabi di e tjari joe go na têgo libi. Sneisitongo: Ware vrede en zekerheid — Hoe kunt u die vinden?; Sabi di e tjari joe go na têgo libi; De Heilige Schrift (bi2) (a abi na ini de Nieuwe-Wereldvertaling van de Christelijke Griekse Geschriften). Sranantongo: Joe kan libi foe têgo na ini wan paradijs na grontapoe.