Diniwroko-konmakandra foe juni
WAN SANI FOE MEMRE: Na ini juli, augustus nanga september, Wi Kownoekondre Dienst sa poti wan schema gi a diniwroko-konmakandra foe ibri wiki gi den moen dati. Gemeente kan tjari kenki kon na ini den schema di de fanowdoe foe man fisiti a „Boskopoeman foe a vrede foe Gado”-distriktkongres èn baka dati so srefi gi wan 30 miniti sjatoe loekoe baka foe den heimarki foe a programa tapoe a diniwroko-konmakandra foe a wiki baka dati. A fesiman opziener moesoe gi fosi a kongres, den toewijzing foe a sjatoe loekoe baka foe ibri dei foe a distriktkongres programa, na toe noso dri bekwaam brada di sa man foe poti prakseri na tapoe toemoesi moi prenspari edepenti. A sjatoe loekoe baka disi di sreka boen sa jepi a gemeente foe memre edepenti foe kan gebroiki na ini den eigi libi, èn foe gebroiki na ini a velddienst. Komentaar foe den arkiman nanga ondrofenitori di abi foe doe nanga a kongres moesoe de sjatoe èn sondro draidrai.
Wiki di e bigin 3 juni
Singi 181
10 min: Wan toe sani foe a gemeente. Wan toe sani di teki poeroe foe Wi Kownoekondre Dienst. Taki wan sani foe a velddienst raport foe ala moen foe a kondre èn so srefi di foe a gemeente.
15 min: „Waka baka a bribi foe den”. Aksi-nanga-piki takimakandra. Taki sjatoe foe den boeweisi foe bribi di de na ini a boksoe tapoe bladzijde 13 na ini a De Wachttoren foe 15 september 1991. Interview wán noso toe preikiman foe kon sabi san jepi den foe tan abi wan doronomo prati na ini Kownoekondre aktiviteit gi someni jari.
20 min: „Panja a sabi di e tjari sma go na têgo libi”. (paragraaf 1-3). Doe paragraaf 1. (Poti den sani na ini di taki na ini A Waktitoren foe 1 januari 1996 tapoe bladzijde 24, 25, paragraaf 11, 12.) Froeteri taki a njoen fasi fa den meki a lasti bladzijde foe Wi Kownoekondre Dienst now, na foe jepi wi foe sreka moro boen foe kan tjari gobaka. Foe di foeroe tron na wan koni sani foe tjari gobaka na ini wán noso toe dei, na presi foe wakti moro langa, dan wi sa loekoe den pristeri di gi leki rai gi na oso-foe-oso wroko èn so srefi gi a tjari foe gobaka, tapoe a srefi diniwroko-konmakandra. Taki sjatoe foe paragraaf 2 nanga 3 èn hori wan demonstrâsi foe ibri wan foe den paragraaf disi. Den pristeri di libi na ini na artikel sa doe na ini den toe tra diniwroko-konmakandra di e kon.
Singi 143 nanga lasti begi.
Wiki di e bigin 10 juni
Singi 63
7 min: Wan toe sani foe a gemeente. Raport foe moni afersi.
8 min: Gi leri na pikin na ini velddienst. Wan lezing di wan owroeman sa hori. Sensi pikin-nengreten den pikin foe wi moesoe de aktief nanga wi na ini velddienst. A leri nanga bekwaamfasi di den e kisi, sa gi den wan tranga fondamenti gi a bribi nanga a faja foe den, gi den jari di de na den fesi. A prenspari taki den e froestan a fanowdoe foe teki a diniwroko serjoesoe èn tjari densrefi soleki fa a e fiti. Den pikin no moesoe grofoe èn no moesoe meki babari; velddienst a no wan ten foe prei. A moro boen gi den foe wroko nanga sma di moro bigi. Den moesoe kisi jepi foe abi wan prati na ini a hori foe pristeri soleki fa den man foe doe. (Loekoe De Wachttoren foe 1 augustus 1988, bladzijde 15 paragraaf 20). Papa nanga mama abi a frantiwortoe foe tiri den pikin foe den; den no moesoe seni den pikin go na velddienst konmakandra sondro wan sma di moro bigi de foe loekoe den. Prèise den pikin te den e tjari densrefi tapoe wan boen fasi.
10 min: „Panja a sabi di e tjari sma go na têgo libi”. (paragraaf 4, 5). Baka wan sjatoe inleiding, demo den pristeri na ini den paragraaf 4 nanga 5, di gi fa foe bigin taki nanga sma a fosi leisi èn tjari gobaka. Gi den preikiman deki-ati foe go wantenwanten baka na ala sma di teki a Sabi-boekoe.
20 min: „Fa foe meki disipel nanga jepi foe a Sabi-boekoe”. Bigin nanga wan toe sjatoe wortoe di abi en gron tapoe paragraaf 1 nanga 2. Doe paragraaf 3-11 nanga jepi foe aksi-nanga-piki takimakandra. Froeteri taki a pisi di libi foe na inlegvel sa doe tapoe den diniwroko-konmakandra na ini juli nanga augustus. Gi ala sma deki-ati foe kibri en.
Singi 92 nanga lasti begi.
Wiki di e bigin 17 juni
Singi 157
10 min: Wan toe sani foe a gemeente.
15 min: „Switi takimakandra kan doro na ati”. Aksi-nanga-piki takimakandra. Gi wán noso toe preikiman a kari foe froeteri ondrofenitori di e gi deki-ati, di e sori fa den kisi wan boen bakapisi foe di den pristeri densrefi tapoe wan switi fasi.
20 min: „Panja a sabi di e tjari sma go na têgo libi”. (paragraaf 6, 7). Poti krakti na tapoe den marki foe tjari wan gobaka: Kweki belangstelling, bigin wan studie, taki krinkrin oten joe sa go baka. Baka te joe loekoe den pristeri na ini paragraaf 6 nanga 7 sjatoe baka, hori wan demonstrâsi foe ibri wan foe den paragraaf, di moesoe sori fa foe bigin wan studie. Leisi paragraaf 17 tapoe bladzijde 26 foe A Waktitoren foe 1 januari 1996.
Singi 211 nanga lasti begi.
Wiki di e bigin 24 juni
Singi 6
10 min: Wan toe sani foe a gemeente.
15 min: Sani di a gemeente abi fanowdoe. (Noso hori wan lezing foe „Het woord der waarheid juist hanteren”, di abi en gron tapoe De Wachttoren foe 1 januari 1996, bladzijde 29-31.)
20 min: „Jepi den wan di de inaktief foe kon de aktief baka”. Lezing nanga takimakandra di wan owroeman sa hori. Gi deki-ati foe gebroiki na artikel di teki foe De Wachttoren foe 1 augustus 1992 „Keert tot mij terug, en ik wil tot u terugkeren”, foe gi sma di de inaktief deki-ati. Kari wan toe foe den edepenti.
Singi 71 nanga lasti begi.