Diniwroko-konmakandra foe juli
Wiki di e bigin 1 juli
Singi 90
12 min: Wan toe sani foe a gemeente. Wan toe sani di teki poeroe foe Wi Kownoekondre Dienst. Taki foe a velddienst bericht foe a kondre nanga di foe a gemeente foe a moen april.
15 min: „Hori wisrefi na a serjoesoe pramisi foe wi ibri dei”. Aksi-nanga-piki takimakandra. Taki foe den sani toe di teki foe Inzicht, Volume 1, bladzijde 772, paragraaf 7 nanga bladzijde 773 paragraaf 1, di e sori foe san ede wan serjoesoe pramisi na wan froeplekti.
18 min: „Waka baka Jehovah foe di joe abi opregti broko-ede nanga trawan” (paragraaf 1-3). Gebroiki a fosi paragraaf foe tjari a thema foe na artikel kon na krin. Loekoe sortoe brochure de na ini a gemeente di kan opo a belangstelling foe sma na ini joe gebied. Baka dati, doe paragraaf 2 nanga 3 nomo, èn demo fa a fosi fisiti èn a gobaka kan doe nanga a brochure Bekommert God zich werkelijk om ons? Sori fa preikiman ben sa kan meki den eigi pristeri gi wan tra brochure di ben sa kan fiti gi a gebied.
Singi 112 nanga lasti begi.
Wiki di e bigin 8 juli
Singi 43
10 min: Wan toe sani foe a gemeente. Raport foe moni afersi.
15 min: „Waka baka Jehovah foe di joe abi opregti broko-ede nanga trawan” (Paragraaf 4 nanga 5). Taki nomo foe paragraaf 4 nanga 5 èn wan toe foe den heimarki foe a brochure Wanneer iemand die u dierbaar is, sterft. Baka dati, demo den pristeri di gi leki rai foe a fosi fisiti èn a gobaka.
20 min: „Moro brada de fanowdoe gi a pionierwroko”. Aksi-nanga-piki takimakandra. Efoe ten de ete, loekoe den rai di gi fa foe sorgoe gi den fanowdoe na moni sei, soleki fa a skrifi na ini De Wachttoren foe 15 september 1993, bladzijde 28-31.
Singi 16 nanga lasti begi.
Wiki di e bigin 15 juli
Singi 162
10 min: Wan toe sani foe a gemeente.
20 min: „Joe proeberi foe gi kotoigi na bakadina kaba?” Wan lezing pe den arkiman abi wan prati, èn wan toe intervieuw. Froeteri san wi e si te brada nanga sisa e wroko a gebied foe a gemeente na bakadina. Taki toe foe den ondrofeni di e sori den boen bakapisi foe gi kotoigi na bakadina. Meki a schema foe na ibri wiki velddienst konmakandra foe a gemeente bekènti.
15 min: „Waka baka Jehovah foe di joe abi opregti broko-ede nanga trawan” (paragraaf 6-8). Gebroiki a lasti paragraaf foe na artikel foe gi ala sma deki-ati foe tjari gobaka wantewante na den wan pe den ben libi den brochure. Foe di joe e gebroiki paragraaf 6 nanga 7, demo fa foe pristeri a Doel van het leven-brochure na a fosi fisiti èn fa foe bigin wan studie na ini a fosi kapitel foe a Sabi-boekoe na a gobaka. Memre den preikiman taki den kan meki den eigi pristeri gi tra brochure, foe di den e teki den pristeri di gi leki rai na ini Wi Kownoekondre Dienst leki eksempre.
Singi 64 nanga lasti begi.
Wiki di e bigin 22 juli
Singi 108
10 min: Wan toe sani foe a gemeente. Taki sjatoe foe den moro njoen uitgave foe den tijdschrift, foe di joe e sori den edeprakseri di e hari belangstelling, di wi ben sa kan gebroiki foe pristeri den na den ososma.
15 min: Soekoe foe abi a foeroeten diniwroko leki marki. Takimakandra foe wan owroeman nanga wan noso toe tini, di abi en gron tapoe De Wachttoren foe 15 december 1988, bladzijde 25-27. Den jongoewan e proeberi foe bosroiti sortoe marki den sa feti na baka, te den kaba skoro. Den e sori belangstelling na ini den winimarki na materia sei di grontapoe wroko e gi. Na owroeman e sori foe san ede a ben sa de moro boen foe feti na baka a pionierwroko. Den tini e agri, ma den e tweifri taki den kan pionier èn sorgoe densrefi na materia sei. Na owroeman e froeteri den ondrofenitori foe a Wachttoren-artikel, di e sori taki pionierwroko na wan marki di sma man doro èn di e tjari prisiri kon. A takimakandra e tapoe te den tini e taki fa den e warderi den sani di na owroeman ben taki èn a bosroiti foe den foe prakseri serjoesoe foe feti na baka a marki foe abi wan prati na ini a Kownoekondre diniwroko dorodoro.
20 min: „Fa foe meki disipel nanga a Sabi-boekoe”. Wan lezing di e taki foe paragraaf 12-16 foe na inlegvel foe juni. Hori so srefi toe demonstrâsi foe bijbelstudie di e go na fesi. A fosiwan e sori fa foe leri a studenti foe sreka a lès foe di a e hari strepi noso kloroe den moro prenspari wortoe èn e hari lin na ondro a pisi di e gi langalanga piki tapoe na aksi di skrifi. A di foe toe e sori san joe ben sa kan taki foe gi a bijbelstudenti deki-ati foe fisiti a poebliki konmakandra, èn a Waktitoren-studie.
Singi 116 nanga lasti begi.
Wiki di e bigin 29 juli
Singi 212
10 min: Wan toe sani foe a gemeente. Taki foe a „Njoen kring-konmakandra programa”.
20 min: San sa jepi wan sma foe feni wan bijbelstudie? Wan owroeman e tiri wan takimakandra foe toe noso dri preikiman di abi boen bakapisi nanga bijbelstudie èn di e taki foe fasi foe abi moro boen bakapisi foe bigin nanga studie: (1) Begi foe kisi a jepi foe Jehovah. (2) Abi wan doronomo prati na ini den difrenti fasi foe a diniwroko, foe kan feni den sma di abi belangstelling. (3) Skrifi ala sani foe sma di sori belangstelling, èn go baka wantewante. (4) Pristeri wan studie na sma di sori belangstelling ala ten. (Loekoe na ondro-edeprakseri „Opo bijbelstudie” na ini na inlegvel foe Wi Kownoekondre Dienst disi.) (5) Bow froetrow tapoe a man di joe man gi leri foe di joe e gebroiki den fo rai di skrifi tapoe bladzijde 14-17 foe De Wachttoren foe 1 november 1984.
15 min: Sani di a gemeente abi fanowdoe. Noso wan owroeman di e hori wan lezing foe „Vertroosting en aanmoediging — Edelstenen met vele facetten” (Trowstoe nanga deki-ati — Diriston nanga foeroe fasi) foe De Wachttoren foe 15 januari 1996, bladzijde 21 te nanga 23.
Singi 165 nanga lasti begi.