Diniwroko-konmakandra foe januari
Wiki di e bigin 5 januari
Singi 5
8 min: Wan toe sani foe a gemeente. Wan toe sani di teki poeroe foe Wi Kownoekondre Dienst.
17 min: „A Wortoe foe Gado e gi wi tiri”. Wan takimakandra foe na artikel nanga a poebliki. Poti prakseri na tapoe den prenspari sani di moesoe doe gi wan boen pristeri: (1) Gi wan switi odi, (2) taki wan sani noso poti wan aksi foe wan tori di abi a belangstelling foe sma nownow, (3) sori go na wan tekst di fiti, èn (4) wiki belangstelling gi a poeblikâsi di joe e pristeri. Meki wan bekwaam preikiman demo wan fosi pristeri èn a gobaka foe a pristeri dati.
20 min: Sreka joesrefi nownow foe hori a wet foe Gado di abi foe doe nanga broedoe, hei. Wan bekwaam owroeman e taki foe a de di a de prenspari foe skrifi a Vooraf opgestelde medische richtlijn/ontheffingskaart (broedoekarta). Rai di gi na ini Psalm 19:7 nanga jepi foe Gado santa jeje, e sori taki Tori foe den Apostel 15:28, 29 na wan fasi fa Gado e sori san na a volmaakti wet foe en ini a tori foe broedoe. Loyaal anbegiman e doe moeiti foe hori a wet dati hei. Den document disi e meki sma sabi a bosroiti di joe abi foe doe dati èn a e taki gi joe te joe no man taki gi joesrefi. (Teki gersi Odo 22:3.) Wan njoen karta e gi wan froeklari foe a bosroiti foe joe nownow taki joe e weigri foe teki broedoe. Na baka a konmakandra disi, den dopoe Kotoigi di wani wan njoen karta sa kisi wan, èn den wan di abi jongoe pikin di no dopoe sa kisi wan Identiteit-karta gi ibriwan foe den pikin. Oenoe no moesoe skrifi na tapoe den karta disi tide neti. Den moesoe skrifi finifini na oso, ma joe NO moesoe skrifi joe nen na ondro ete. Na baka a Gemeente boekoestudie foe a wiki di e kon èn na ondro a tiri foe a brada di e hori a boekoestudie, den nen moesoe skrifi na ondro, den kotoigi moesoe skrifi den nen èn a datum moesoe skrifi na tapoe ala den karta. Disi sa sorgoe taki ala sma di de foe en boekoestudie groepoe èn di wani skrifi na tapoe a broedoekarta disi sa kisi a jepi di den abi fanowdoe. Den sma di e poti den nen na ondro a karta leki kotoigi, moesoe si troetroe taki a sma di abi a karta skrifi en nen na ondro a karta. Ibriwan sma di no de na a ten dati èn di wani skrifi na tapoe a karta foe den èn di wani skrifi den nen na ondro, sa kisi jepi foe den brada di e hori den boekoestudie/den owroeman na a tra diniwroko-konmakandra teleki ala den dopoe preikiman skrifi a karta foe den na wan joisti fasi. (Loekoe a brifi baka foe 15 oktober 1991.) Preikiman di no dopoe ete kan kenki a fasi fa sani skrifi na tapoe a karta disi akroederi den eigi situwâsi èn overtoigi èn skrifi den eigi bodoi foe gebroiki en gi densrefi èn gi den pikin foe den.
Singi 83 nanga lasti begi.
Wiki di e bigin 12 januari
Singi 28
10 min: Wan toe sani foe a gemeente. Raport foe moni afersi.
15 min: „Gebroiki den strooibiljet boen”. Takimakandra nanga a poebliki. Taki so srefi foe na ondrofenitori na ini a Waktitoren foe 1 december 1996, bladzijde 12, paragraaf 15.
20 min: „Jehovah e gi a krakti di e pasa san de normaal”. Aksi-nanga-piki takimakandra. (Loekoe wSR90 1/7 31, paragraaf 15-16.) Sreka sani meki wan toe sma froeteri ondrofenitori di e gi deki-ati èn di e sori fa Jehovah gi den krakti.
Singi 36 nanga lasti begi.
Wiki di e bigin 19 januari
Singi 57
10 min: Wan toe sani foe a gemeente.
15 min: Sani di a gemeente abi fanowdoe.
20 min: Osofamiri studie di e gi prisiri. Wan trowpaar e taki foe den sani di na osofamiri foe den abi fanowdoe na jejefasi. Den e broko den ede nanga den grontapoe sani di abi wan negatief krakti na tapoe den pikin foe den, èn den feni taki a de fanowdoe foe tranga a jejefasi foe den pikin foe den, ma den e erken taki na osofamiri studie foe den hori wanwan leisi nomo èn nofotron a no ben abi boen bakapisi. Nanga makandra den e loekoe den rai di gi foe hori wan osofamiri studie na wan fasi di wani taki wan sani, di ben gi na ini a Waktitoren foe 1 augustus 1997, bladzijde 26-29. Den alatoe abi a fasti bosroiti foe go doro foe kibri a jeje gosontoe foe den pikin foe den.
Singi 62 nanga lasti begi.
Wiki di e bigin 26 januari
Singi 83
12 min: Wan toe sani foe a gemeente. Loekoe a pristeri gi februari. Kari wán noso toe penti foe a Schepping-boekoe di sa jepi wi foe pristeri a boekoe.
15 min: „Sori lespeki gi Jehovah en anbegi presi”. Aksi-nanga-piki takimakandra. Wan owroeman sa hori dati èn a sa sori na wan switi fasi fa a e fiti a gemeente.
18 min: Meki raport foe a sani di wi e doe na ini a kotoigiwroko na heri grontapoe. (Di abi en gron tapoe a Bediening-boekoe, bladzijde 102-104, 108-112.) Wan lezing èn wan takimakandra di a sekretarsi e hori. Baka te a sori a bijbel eksempre foe meki wan raport foe a wroko foe wi doronomo, a e aksi toe dinari na ini a diniwroko foe taki foe na ondro edeprakseri „Waarom wij onze velddienst rapporteren” (Foe san ede wi e meki wan raport gi wi velddienst). Dan a sekretarsi e poti krakti na tapoe a prensparifasi foe gi wi velddienst raport wantewante èn skrifi en boen. A e gi reide foe san ede a abi winimarki foe poti marki gi wisrefi, èn na a kaba a e taki sani di e gi deki-ati foe den blesi di e kon gi den wan di abi wan dorodoro prati na ini a kotoigiwroko.
Singi 92 nanga lasti begi.