Diniwroko Konmakandra fu Yuni

Wiki Di E Bigin 7 yuni

Singi 20

10 min: Wan tu sani fu a gemeente. Wan tu sani di teki puru fu Wi Kownukondre Dienst. Theokrasia Nyunsu.

15 min: „Wi E Kisi Leri fu Yehovah”. Gebroiki wan miniti gi na inleiding èn go doro nanga wan aksi-nanga-piki takimakandra. Aksi a publiki meki den fruteri fu wan tu fu den winimarki di den kisi fu a Theokrasia Diniwroko-skoro, a Pionierskoro, a Kownukondre Diniwroko-skoro, èn so moro fara. Poti krakti na tapu fa den skoro disi yepi a pipel fu Yehovah fu abi moro bun bakapisi na ini a diniwroko fu den.

20 min: „Gebroiki Yu Ten na wan Warti Fasi”. Wan takimakandra na mindri wan Gemeente Bukustudie leider nanga wán noso tu preikiman di abi ondrofeni èn di e fruteri fa den e gebroiki a ten fu den na so wan fasi so taki den kan abi wan prati na a velddienst someni leki den man. Den e fruklari taki a de prenspari fu abi wan schema di e wroko bun èn den e poti krakti na tapu taki a de fanowdu fu abi wan schema. Den e taki fa den e wai pasi gi sani di e meki taki den lasi ten, soleki a bigin di den e bigin tumusu lati, a sreka di den no e sreka sani bun na fesi, noso a taki di den e taki tumusi furu ala di den de na ini a diniwroko. Gi praktisch rai fa fu gebroiki wi ten na wan warti fasi, ala di yu e hori a situwâsi fu a kontren na prakseri.

Singi 23 nanga lasti begi.

Wiki Di E Bigin 14 yuni

Singi 30

10 min: Wan tu sani fu a gemeente. Rapport fu moni afersi.

15 min: Sani di a gemeente abi fanowdu.

20 min: „¿Yu Kan Yepi Den?” Wan owruman e taki fu na artikel nanga a publiki. Gebroiki so srefi den rai di gi na ini na Ontwaakt! fu 8 oktober 1995, bladzijde 8-9, fu yepi papa noso mama di de den wawan. Aksi wan tu sma fu sori a warderi di den abi gi a lobi-ati yepi di den kisi fu trawan na ini a gemeente.

Singi 25 nanga lasti begi.

Wiki Di E Bigin 21 yuni

Singi 33

10 min: Wan tu sani fu a gemeente. Efu a gemeente abi den Jonge mensen vragen-buku (Yongu Sma E Aksi-buku) noso den Jeugd-buku ete, dan sori fa wi kan gebroiki den na wan bun fasi na ini a diniwroko na ini den fakansi mun, te wi sa feni tini na oso moro furu. Taki fu spesrutu sani di seti gi a velddienst tapu 1 yuli.

17 min: Gebroiki den Videobanti Nanga den Drama na Tapu Cassette Bun. ¿Wi kan gebroiki den 10 videobanti nanga den 11 drama na tapu cassette di a Genootschap gi wi, moro bun? ¿Yu nanga yu osofamiri luku ala den videobanti noso arki ala den drama? Luku wan tu fu den nen, èn sori fa den kan meki a leisi di wi e leisi Bijbel kon moro bun, fa den kan meki wi kon tranga na yeye fasi èn fa den kan de wan moi kotoigi gi a waarheid. Prei wan tu syatu pisi fu tu noso dri cassette. Aksi a publiki sortu videobanti noso sortu drama den ben feni spesrutu bun fu gi den eigi osofamiri deki-ati noso fu tyari nyun sma kon na a organisâsi. Fruteri wan tu ondrofenitori di e sori den bun winimarki. (Luku a Jaarboek 1999, bladzijde 51, 52.) Gi ala sma deki-ati fu gebroiki den videobanti nanga den drama bun.

18 min: „¿Yu E Si Soso a Fasi fa Wan Sma De na Dorosei?” Wan lezing èn wan takimakandra nanga a publiki. Poti krakti na tapu den reide di wi abi fu no taki tumusi esi taki sma di wi e miti no sa arki wi. Luku syatu a les di Yehovah ben leri Yona di na wan fowtu fasi ben krutu den sma di a ben si leki sma di no ben warti noti. (Luku A Waktitoren fu 15 augustus 1997, bladzijde 21-22, paragraaf 17-19.) Aksi a publiki fu taki fu den difrenti sma di den miti na ini a gebied, èn fa den tan abi wan positief fasi fu denki fu den èn e libi a krutu na ini na anu fu Yehovah.

Singi 34 nanga lasti begi.

Wiki Di E Bigin 28 yuni

Singi 38

12 min: Wan tu sani fu a gemeente. Memre ala sma fu gi den velddienst rapport fu yuni. Luku den publikâsi di wi sa pristeri na ini yuli. Sori den brochure di de nofo fu kisi na ini a gemeente, èn gi idea fu wán noso tu sani di wi kan poti prakseri na tapu te wi e pristeri den. Hori wan demonstrâsi di oefen bun.

13 min: Fu San Ede Yehovah E Gi Pasi Meki Sma E Frufolgu a Pipel fu En? Wan owruman e hori wan lezing di gron tapu Jehovah’s Getuigen​—Verkondigers van Gods Koninkrijk (Yehovah Kotoigi​—Preikiman fu Gado Kownukondre), bladzijde 676-677. Soleki fa Jesus ben taki na fesi, dan wi na sma di ’no wan sma wani si na ai’ (Mat. 24:9). Kande wi sa ondrofeni gens te wi abi wan prati na a diniwroko, te wi abi demakandra nanga grontapu famiriman, noso te wi abi fu du nanga wrokokompe noso skorokompe di no de Kotoigi. A takiman e fruklari na wan positief fasi fu san ede Yehovah e gi pasi meki wi kisi a frufolgu noso gens dati, èn fa te fu kaba a sa blesi wi efu wi e horidoro.

20 min: ¡Go Pe Den Sma De! Wan lezing di teki puru fu a Jaarboek 1997, bladzijde 42-48. Ala di wi musu go doro fu abi wan prati na a oso-fu-oso wroko doronomo, toku wi e suku fayafaya okasi fu gi informeel kotoigi​—ala ten, na ala presi. Fruteri ondrofenitori fu a Jaarboek di e sori taki trawan du disi nanga bun bakapisi di den ben de na ini wan bus, ben e waka na tapu strati noso na sekanti, ben e go na wagi di parkeer, ben e go na presi pe den truck e stop, ben e gebroiki a telefon, èn ben e skrifi brifi. Efu ten de ete, aksi a publiki fu fruteri wan tu ondrofenitori fu densrefi. Gi ala sma deki-ati fu meki bun gebroiki fu ibri okasi fu gi kotoigi na ala presi pe sma de.

Singi 57 nanga lasti begi.