Diniwroko Konmakandra fu Yuli

WAN SANI FU MEMRE: Wi Kownukondre Dienst sa abi wan schema fu wan Diniwroko Konmakandra gi ibri wiki. Den gemeente kan tyari kenki kon di de fanowdu fu man fisiti „A Profeiti Wortu fu Gado” Distrikt Kongres èn so srefi fu wan syatu luku baka fu 30 miniti fu den heimarki fu a programa na a Diniwroko Konmakandra fu a tra wiki. Dri bekwaam brada musu kisi a toewijzing na fesi, bifo a kongres bigin, fu taki syatu fu a kongres programa fu ibri dei, èn den musu poti prakseri na den tumusi moi prenspari edepenti. A sreka disi di den sreka bun fu luku a kongres programa syatu baka sa yepi a gemeente fu memre edepenti di den kan gebroiki na ini den eigi libi èn na ini a velddienst. Komentaar fu den arkiman nanga ondrofenitori di abi fu du nanga a kongres musu de syatu èn musu fiti.

Wiki Di E Bigin 5 Yuli

Singi 3

15 min: Wan tu sani fu a gemeente. Wan tu sani di teki puru fu Wi Kownukondre Dienst. Gi kommentaar tapu na april dienstbericht fu a kondre èn fu a gemeente. Theokrasia Nyunsu.

13 min: „Begi fu Kisi Yepi fu Yehovah”. Hori yu inleiding syatu, moro mindri leki wan miniti, èn go doro nanga wan aksi-nanga-piki takimakandra. Tyari kon na krin fa difrenti opregti begi de prenspari fu abi bun bakapisi na ini wi diniwroko. Aksi a publiki fu fruteri ondrofenitori di e sori fa begi na a reti ten ben yepi den na ini a diniwroko fu den.​—Luku De Wachttoren fu 15 oktober 1996, bladzijde 32.

12 min: Gebroiki Brochure Bun. Lezing nanga demonstrâsi. Fruteri fu san ede brochure na warti yepisani na ini wi diniwroko. Na wan bun fasi den e taki fu tori di e hari sma na ala sei, den e taki fu wán fondamenti tori na wan syatu èn krakti fasi, èn na wan sempel fasi den e fruklari Bijbel leri. Kari den brochure di wi sa pristeri a mun disi, èn sori den wan di de fu kisi nofo na ini a gemeente. Demo tu noso dri syatu pristeri di teki puru fu na ondro-edeprakseri „Aanbiedingen” na ini na Index van Wachttoren-publikaties.

15 min: „A Sreka Di Wi E Sreka Wisrefi na Fesi E Tyari Prisiri Kon”. Lezing nanga interview. Taki fu san ede a de prenspari taki wi e sreka wisrefi gi velddienst èn fa disi e yepi wi fu prisiri moro nanga den sani di wi e du. (Luku Handleiding-buku bladzijde 39, paragraaf 1-3.) Interview tu noso dri bekwaam preikiman di e fruteri fa den e sreka densrefi bifo den e go na a diniwroko èn fa dati e yepi den. Fruteri ondrofenitori fu De Wachttoren fu 15 april 1993, bladzijde 30, di e sori fa fu gebroiki a Redeneren-buku (Taki-go-taki-kon-buku) nanga bun bakapisi te yu e sreka yusrefi gi a diniwroko.

Singi 81 nanga lasti begi.

Wiki Di E Bigin 12 Yuli

Singi 85

10 min: Wan tu sani fu a gemeente. Rapport fu moni afersi.

15 min: „’A Profeiti Wortu fu Gado’ Distrikt Kongres 1999” (paragraaf 1-11). Aksi nanga piki. Leisi paragraaf 3, 8, 11. Tyari kon na krin fu san ede wi musu fisiti a heri kongres, so srefi a programa fu freida.

20 min: „Meki Wi ’¡Taki Syatu San Wi Wani Taki¡’” Meki den arkiman abi wan prati èn hori demonstrâsi. Luku ibri rai fu san wi kan taki fu meki na ososma arki wi. Meki bekwaam preikiman di abi ondrofeni demo difrenti inleiding di abi bun bakapisi. Aksi den arkiman fu gi moro rai èn taki fu ondrofenitori di e gi deki-ati èn di e sori san e wroko trutru na ini wi kontren.

Singi 82 nanga lasti begi.

Wiki Di E Bigin 19 Yuli

Singi 79

8 min: Wan tu sani fu a gemeente.

18 min: „’A Profeiti Wortu fu Gado’ Distrikt Kongres 1999” (paragraaf 12-21). Aksi nanga piki. Leisi paragraaf 14, 15, 17, 21. Poti krakti na tapu a prenspari di a de prenspari fu gi yesi na den tirilin fu a Genootschap fu tyari wi eigi nyanyan kon na a kongres ibri dei. Gebroiki den tekst fu tyari kon na krin fu san ede wi musu poti prakseri na den krosi fu wi, a fasi fa wi e sorgu wisrefi èn a fasi fa wi e tyari wisrefi, so srefi fa wi musu hori a konmakandrapresi krin.

19 min: ¿Mi Musu Go na ini wan Organisâsi? Takimakandra nanga a publiki, di abi en gron tapu a Redeneren-buku (Taki-go-taki-kon-buku), bladzijde 333-338. Furutron wi e miti sma di e arki a Kownukondre boskopu ma di no wani „go na ini” wan relisi organisâsi. Luku san „organisâsi” wani taki èn den seibi eigifasi fu kon sabi Yehovah en organisâsi di wi kan si. Fruteri fu san ede a no de leki den trawan èn fa a kon di wi e kon makandra nanga en e tyari trutru blesi kon.

Singi 73 nanga lasti begi.

Wiki Di E Bigin 26 Yuli

Singi 95

12 min: Wan tu sani fu a gemeente. Memre ala sma fu gi den velddienstrapport fu yuli. Aksi Boksu.

8 min: „Nyun Kring Konmakandra Programa”. Wan lezing. Meki a datum fu a kring konmakandra di o kon, bekènti. Gi nyunwan deki-ati fu prakseri fu teki dopu. Gi ala sma tranga fu fisiti ibri pisi fu a programa.

16 min: ¿Wi E Meki Disipel? Dienstopziener e taki nanga wan noso tu dinari ini a diniwroko fu penti fu De Wachttoren fu 15 februari 1996, bladzijde 19-22. Tyari reide di gron tapu Bijbel kon na krin fu san ede wi musu suku sma di warti en, na ini wi kontren èn meki den tron disipel (Mat. 10:11). Disi na den wan di e soktu fu den ogri èn godelowsu situwâsi na den lontu èn di trutru e suku Yehovah bifo a dei fu en atibron doro (Esek. 9:4; Sef. 2:2, 3). ’Den wan di abi a yoisti yeye gi a têgo libi’ de na den mindri (Tori. 13:48). Wi kisi a komando fu meki disipel, fu leri sma ala den sani di Yesus ben komanderi (Mat. 24:14; 28:19, 20). Ala di wi kan wiki a fosi belangstelling fu den sma di wi e miti te wi e wroko oso fu oso, ala di wi e gi okasi kotoigi, èn e du stratiwroko, toku a de so taki wi e meki disipel ini a diniwroko te wi e go luku den sma baka di abi belangstelling, fu di wi e tyari gobaka èn e hori bijbelstudie. Sori tapu rai di wi kan gebroiki trutru fu du disi.

9 min: San Na den Plan fu Yu fu a Fakansi? Wan osofamiri e luku syatu sortu sani den seti fu fisiti a kongres, fu go na ini a yepi-pionierwroko, fu go nanga fakansi, èn fu abi ontspanning. (Luku Wi Kownukondre Dienst fu yuli 1998, bladzijde 7.) Den e taki sortu plan den sa meki fu gi okasi kotoigi èn den e demo fa den o bigin wan takimakandra. Poti krakti na tapu a fanowdu di a de fanowdu fu studeri Bijbel nanga yusrefi èn nanga yu osofamiri, fu go na den gemeente konmakandra te yu de nanga fakansi na wan tra presi èn fu gi yu velddienstrapport na a gemeente pe yu e libi. Na osofamiri e memre den moi ondrofenitori di den ben abi di den ben fisiti tra gemeente èn den e memre a prisiri di den ben kisi. Den e taki fu fasi fa den kan ontfanga fisitiman di e kon na a gemeente bun.

Singi 72 nanga lasti begi.