Diniwroko Konmakandra fu Augustus

Wiki Di E Bigin 2 Augustus

Singi 73

10 min: Wan tu sani fu a gemeente. Wan tu sani di teki puru fu Wi Kownukondre Dienst. Gi kommentaar tapu a mei dienstbericht fu a kondre èn fu a gemeente. Gi ala preikiman a deki-ati fu teki prati na a velddienst na ini a mun augustus.

17 min: „Abi Furu Lespeki gi a Moi Nen fu Yehovah”. Hori yu inleiding moro syatu leki wan miniti, èn go doro nanga wan aksi-nanga-piki takimakandra. Poti krakti na tapu den tekst di kari.​—Luku Libi foe têgo-buku, bladzijde 184-185.

18 min: „Grontapu Skoroleri Nanga den Marki fu Yu na Yeye Fasi”. Wan papa e taki fu na artikel nanga en manpikin noso umapikin. Den e luku so srefi materiaal di abi fu du nanga a tori, na ini Ontwaakt! fu 22 december 1995, bladzijde 7-11.

Singi 63 nanga lasti begi.

Wiki Di E Bigin 9 Augustus

Singi 58

8 min: Wan tu sani fu a gemeente. Rapport fu moni afersi.

12 min: Pionier E Yepi Trawan​—¿Fa sani ben go? Wan lezing nanga interview di a dienstopziener e hori. Luku den tiri di ben gi na ini Wi Kownukondre Dienst fu september 1998, bladzijde 4. Fruteri fa unu ben orga disi na un gemeente, èn fruteri fa den wan di ben kisi yepi ben go na fesi te nanga now. Interview wán noso tu pionier èn wan tu fu den preikiman di ben kisi yepi fu den. Gi den wan di musu kisi yepi tu, deki-ati fu meki bun gebroiki fu a seti disi.

25 min: „¿Yu Abi na Okasi Now fu Go Pionier?” Aksi-nanga-piki takimakandra di wan owruman e hori. Sori na wan positief fasi den okasi di de gi moro preikiman fu go pionier. Interview pionier di kan fruteri fu den eigi ondrofeni fa den ben man wini den problema di ala sma kan abi èn ben man go doro. Taki finifini fu na „Eksempre fu Gewoon Pionier Schema”, èn sori fa a sreka di wi musu sreka sani bun na fesi kan meki wi man doro den yuru di de fanowdu. Meki bekènti taki iniwan sma di wani abi wan pionier formulier kan kisi wan na baka a konmakandra.

Singi 90 nanga lasti begi.

Wiki Di E Bigin 16 Augustus

Singi 13

10 min: Wan tu sani fu a gemeente. Soso tu weekend tan abra ete na ini augustus, fu dati ede, gi ibri sma a deki-ati fu abi wan prati na a diniwroko bifo a mun kaba. Luku a „Nyun Spesrutu Dei-konmakandra Programa”.

15 min: Sani di a gemeente abi fanowdu.

20 min: ¿Yu E Meki Disipel Tu? Wan takimakandra nanga den arkiman. Fu di wi e prati furu publikâsi, meki a marki fu wi musu de fu bigin bijbelstudie so taki wi kan yepi sma fu feni wini fu den publikâsi di den e kisi. Meki preikiman fruteri den problema di e tapu den fu hori moro studie: (1) A muilek fu feni sma di wani studeri. (2) Son sma di abi belangstelling e taki dati den abi tumusi furu fu du fu studeri. (3) Baka te a studie bigin kaba, dan a muilek fu feni a sma na oso fu hori a studie doronomo. Poti prakseri tu na tapu den firi di wan tu preikiman abi kande fu a bijbelstudie wroko: (1) ’Mi no feni taki mi de bekwaam fu gi leri.’ (2) ’Mi no abi ten fu hori wan alawiki studie.’ (3) ’Mi e tweifri fu poti wan plekti na tapu misrefi gi wan tra sma.’ (4) ’Mi de tevrede fu du tra fasi fu a diniwroko.’ Gi positief rai fa fu wini den problema disi so taki den srefi kan abi wan prati tu na ini a wroko fu meki disipel. Meki preikiman di abi bun bakapisi fruteri a prisiri di den e ondrofeni na ini a bijbelstudie wroko.​—Luku na inlegvel fu Wi Kownukondre Dienst fu april 1998, paragraaf 3-8, 15.

Singi 57 nanga lasti begi.

Wiki Di E Bigin 23 Augustus

Singi 36

10 min: Wan tu sani fu a gemeente.

15 min: Yepi Nyun Sma Di Abi Belangstelling fu Warderi a Santafasi fu Trow. Wan owruman e taki nanga den arkiman fu a Redeneren-buku, bladzijde 202-204. Wi e miti paar di e arki a Kownukondre boskopu, ma den no e go esi na fesi bika den e libi nanga makandra sondro fu trow na lanti. Taki fa fu yepi den fu frustan fu san ede Kresten musu hori wan krin trowlibi hei. (Luku Ontwaakt! fu 8 yanuari 1992, bladzijde 26-27.) Gi rai san wi kan taki nanga takt fu yepi den sortu paar disi fu si fu san ede den no kan de wan pisi fu a gemeente teleki den trow na lanti.

20 min: „San Yu Sa Taigi wan Budasma?” Aksi-nanga-piki takimakandra. Nofotron wi e aksi wisrefi san wi musu taki te wi e miti sma na ini wi kontren di e taki dati den no abi wan Kresten relisi èn di abi idea, du, nanga seremonia di wi no sabi. Na artikel disi na a fosiwan fu feifi di sa taki fu a tori disi. Demo wan pristeri di oefen bun. Efu yu wani sabi moro fu a Buda bribi, luku na inlegvel fu Wi Kownukondre Dienst fu februari 1998; Redeneren-buku, bladzijde 21; èn De mens op zoek naar God (A Suku Di Libisma E Suku Gado), kapitel 6.

Singi 55 nanga lasti begi.

Wiki Di E Bigin 30 Augustus

Singi 59

10 min: Wan tu sani fu a gemeente. Memre ala sma fu gi den velddienstrapport fu augustus. Den Gemeente Bukustudie fesiman musu luku efu ibri sma na ini den grupu gi den velddienstrapport, so taki ala rapport kan teri bifo 6 september.

17 min: Wi Lobi Wi Brada Nanga Sisa. Wan lezing fu wan owruman, so srefi wan takimakandra nanga den arkiman, di e taki fu A Waktitoren fu 1 december 1995, bladzijde 15-17, paragraaf 7-11. Taki fu den wini di ala sma e kisi te wi e leri sabi wi brada nanga sisa bun, e gi makandra deki-ati, èn e yepi makandra fu horidoro na ini tesi. Sori fa disi kan du moro bun. Aksi den arkiman fu fruteri ondrofenitori di e sori fa den ben kisi kowru-ati èn krakti fu a lobi-ati deki-ati di trawan ben gi den.

18 min: Gi Wan Reide fu a Howpu fu Yu. Wan owruman e interview wán noso tu tini di de bun eksempre èn di de na wan lanti skoro. Doronomo den e miti situwâsi pe grontapu speri wani sabi fu san ede den tini fu wi no wani fu du den sani di den speri e du. Ala di den yonguwan fu wi e gebroiki den sortu okasi disi fu fruklari a overtoigi fu Bijbel di den abi, toku den musu de kànkan te den e kakafutu. A grupu e taki fa den ben sa kan piki te sma ben o wani gi den tabaka noso drug. Luku a fasi fu rideneri na ini a Jonge mensen vragen-buku (Yongu Sma E Aksi-buku), bladzijde 277-281. Fruklari fa a e kibri den èn a de wan bun kotoigi te den e opo èn taki gi a bosroiti fu du san bun.

Singi 52 nanga lasti begi.