Diniwroko Konmakandra fu November

Wiki Di E Bigin 1 november

Singi 67

10 min: Wan tu sani fu a gemeente. Wan tu sani di teki puru fu Wi Kownukondre Dienst. Luku syatu na artikel: „¡Luku a Krakti fu Bijbel!”

15 min: „A Preiki Di Wi E Preiki E Meki Taki Wi De Tra Fasi”. Hori yu inleiding no moro langa leki wan miniti, èn go doro nanga wan aksi-nanga-piki takimakandra. Gebroiki a Sabi-buku, bladzijde 173, paragraaf 8, èn fruteri syatu san wi ben sa kan taki fu gi wan bijbelstudenti deki-ati fu a du moro fu abi wan prati na a diniwroko.

20 min: „Suma Ben Sa Kan Teki wan Bijbelstudie?” Wan lezing nanga demonstrâsi. Akruderi paragraaf 4, gi rai fa wi kan wiki a belangstelling fu sma na difrenti fasi fu di wi e leri san de na ini den publikâsi fu wi. Sori nanga tu syatu demonstrâsi fa wi ben sa kan du dati. Gi den arkiman wan kari fu fruteri fa den kisi bun bakapisi di den bigin wan studie.

Singi 14 nanga lasti begi.

Wiki Di E Bigin 8 november

Singi 90

10 min: Wan tu sani fu a gemeente. Rapport fu moni afersi. Memre den brada fu sreka densrefi gi a takimakandra fu a wiki di e kon gi den fosi 18 paragraaf na ini na inlegvel fu november.

15 min: Aksi Boksu. Wan lezing. Fruteri san na den sani di a gemeente seti fu hori a Kownukondre zaal krin èn fu meki a luku bun.

20 min: „San Yu Sa Taigi wan Moslimsma?” Aksi nanga piki. Sori o prenspari a de fu gebroiki a koni fu man si sani krin te wi e taki nanga sma di abi tra kulturu. Hori wan demonstrâsi di sreka bun. Fruteri moro sani fu na Islam, luku Wi Kownukondre Dienst fu februari 1998; a Fa foe bigin èn go doro nanga bijbel takimakandra-brochure, bladzijde 14, 15; nanga De mens op zoek naar God, kapitel 12.

Singi 83 nanga lasti begi.

Wiki Di E Bigin 15 november

Singi 93

8 min: Wan tu sani fu a gemeente. Fruteri fu spesrutu sani di seti gi a velddienst tapu 25 november.

25 min: „A Gebroiki Di Yu E Gebroiki Internet​—¡De na Ai gi den Kefar!” Aksi-nanga-piki takimakandra fu paragraaf 1-18. Leisi paragraaf 4-7, 12, 16, 17. Gi ala sma deki-ati fu sreka densrefi bun gi a takimakandra fu tra wiki fu paragraaf 19-36.

12 min: Papa Nanga Mama​—¿Yu Abi wan Osofamiri Bijbelstudie Di Yu E Hori na wan Fasti Ten? Wan lezing nanga wan takimakandra nanga den arkiman. Tyari kon na krin fu san ede osofamiri musu studeri makandra. (Luku a Handleiding-buku, bladzijde 37, 38.) Taki fu den sani di e kon now èn di kan meki taki a studie no e go doro: (1) a feni di yu feni taki den pikin yongu tumusi fu nyan bun fu a studie, (2) a denki di yu e denki taki a nofo fu fisiti den konmakandra nomo, (3) a weri di yu e weri fu di yu abi wan tumusi druk schema, èn (4) a hari di telefisi e hari yu prakseri fu di yu e luku en tumusi furu. (Luku a Waktitoren fu 1 mei 1994, bladzijde 24, 25.) Gi osofamiri edeman wan kari fu fruteri fa den e kakafutu gi sani di kan hori den fu no abi wan studie, ma fa den kan tan abi wan fasti gwenti fu hori na osofamiri studie. Sori na wan krakti fasi taki disi wani taki, dati den sa musu du muiti, taki den musu abi wan fasti bosroiti, èn taki den musu wroko makandra.

Singi 97 nanga lasti begi.

Wiki Di E Bigin 22 november

Singi 9

10 min: Wan tu sani fu a gemeente nanga ondrofenitori fu velddienst.

10 min: Fa Yu E Denki fu den Toewijzing Di Yu E Kisi? Wan lezing di wan owruman e hori. Wan heri ipi sani musu du fu meki a gemeente drai bun: toewijzing gi a programa musu sreka; wi musu go teki sma gi a konmakandra noso tyari den go na velddienst; wi musu yepi den owru sma; èn wi musu hori sani krin, meki sani di broko, èn sorgu gi a Kownukondre zaal, so srefi gi a prasi. San yu e du te den e aksi yu fu gi yepi? Wan tu sma no wani gi yepi, trawan e gi yepi ala di den no wani, noso trawan no e kaba a wroko di den kisi fu du. Fruteri fu san ede a de wan prisiri grani fu teki wan toewijzing èn fu klari en tu. Gi ala sma na ini a gemeente deki-ati fu abi wan yeye di e sori taki den wani wroko makandra.​—Ps. 110:3, futuwortu; Yes. 6:8.

25 min: „A Gebroiki Di Yu E Gebroiki Internet​—¡De na Ai gi Den Kefar!” Aksi-nanga-piki takimakandra fu paragraaf 19-36. Leisi paragraaf 23-25 nanga 34-36.

Singi 57 nanga lasti begi.

Wiki Di E Bigin 29 november

Singi 96

10 min: Wan tu sani fu a gemeente. Memre den preikiman fu gi den velddienstrapport gi november.

15 min: Gi Nyun Sma Deki-ati fu Fisiti den Konmakandra. Wan takimakandra di wan owruman nanga tu noso dri dinari ini a diniwroko e hori, èn a teki fu a brochure Verenigd in het doen van Gods wil, bladzijde 14, 15. Taki fu san ede a de prenspari taki nyun sma e fisiti den konmakandra. Drape den sa kisi moro furu leri, den sa kisi deki-ati, èn den sa kisi yepi. Taki fu den feifi alawiki konmakandra, èn fruklari san na den winimarki fu ibriwan fu den konmakandra. Taki fa den konmakandra e horibaka gi a fasi fa wan sma e tyari ensrefi na wan fasi di Gado e feni bun, fa den e bow wi na yeye fasi, fa den e hari wi go na a organisâsi, fa den e yepi wi fu kisi wan tranga banti nanga trawan, èn fa den e yepi wi fu frustan a marki fu wi diniwroko. Gi den arkiman tranga fu gebroiki a brochure fu gi nyun wan deki-ati fu kon na den konmakandra.

20 min: Wi Wani a Nieuwe Wereldvertaling (Nyun Grontapuvertaling). Wan lezing nanga demonstrâsi. A relisi organisâsi fu wi de wan aparti wan na mindri tra relisi organisâsi, fu di wi e tyari wan vertaling fu Bijbel kon na doro di den salfu anbegiman fu Yehovah ben wroko na dati, èn wi e gebroiki en èn e prati en na tra sma. A no wani wi wani kisi wini na moni sei noso taki wi wani prati a bribi fu wan sekte. Na presi fu dati, a sani di e pusu wi na taki wi wani gi a nen fu Gado grani èn wi wani yepi trawan fu kon sabi en moro betre. Furutron tra vertaling e poti a Wortu fu Gado na wan fasi di muilek fu frustan, so bun, luku den krin winimarki fu a Nieuwe Wereldvertaling. (Luku a „Geïnspireerd”-buku, bladzijde 327-331. Taki fu den sani di skrifi na ini paragraaf 3, sori go na eksempre fu vertaling di kon moro bun na ini paragraaf 6, èn poti prakseri na den winimarki di paragraaf 22, 23 e taki fu den.) Hori tu syatu demonstrâsi di e sori san wi ben sa kan piki te trawan e taki: „Jullie hebben je eigen bijbel” (Yu abi yu eigi Bijbel).​—Luku a Redeneren-buku, bladzijde 308, 309.

Singi 44 nanga lasti begi.