Schema fu a Diniwroko Konmakandra
Wiki Di E Bigin 10 Yanuari
Singi 46
10 min: Wan tu sani fu a gemeente. Wan tu sani di teki puru fu Wi Kownukondre Dienst.
15 min: „Meki a Nen fu Yehovah Bekènti na Heri Grontapu”. Aksi-nanga-piki takimakandra. Taki fu wan tu sani fu okasi kotoigi, di teki puru fu a Bediening-buku, bladzijde 95-97.
20 min: Teki wan Datra Yepi Di De ’Sondro Brudu’. Wan lezing di wan bekwaam owruman e hori fu a de di a de fanowdu baka fu skrifi den sani di aksi na tapu a Vooraf opgestelde medische richtlijn/ontheffing-karta. Ibri Kotoigi di e skrifi den sani di aksi na tapu a karta, e du disi fu sori nanga en fri wani taki a de a winsi fu en fu gi yesi na a komando fu Bijbel di skrifi na ini Tori fu den Apostel 15:28, 29 taki wi musu ’tan farawe fu brudu’. Efu wi wani hori Yehovah en wet hei di e taki fu a santafasi fu brudu, dan wi musu sreka wisrefi gi ibri sani di de fanowdu. Disi wani taki tu dati wi musu skrifi den sani di aksi na tapu a karta, na so wan fasi taki sma kan leisi en bun èn wi musu abi en ala ten na wi. Wi musu aksi den sma di abi a frantwortu fu luku taki sma e du soifri san skrifi na tapu a karta di yu abi now, efu den feni en bun fu poti den nen baka na tapu a karta. Taki baka fu den edepenti fu na Aksi-boksu fu Wi Kownukondre Dienst fu september 1999. A sekretarsi sa sorgu taki ala gemeente bukustudie fesiman abi den karta di de fanowdu gi en bukustudie. Baka a konmakandra, den dopu Kotoigi kan kisi wan Vooraf opgestelde medische richtlijn/ontheffing-karta, èn den wan di abi yongu pikin di no dopu ete kan kisi wan Identiteit-karta gi ibri pikin fu den. A no de so, taki sma musu skrifi wan sani na tapu den karta tide neti, dya na ini a Kownukondre zaal. Na oso yu musu skrifi ala sani soifri di e aksi na tapu a karta èn yu musu skrifi a datum na en tapu. Bifo wi e poti wi handtekening, dan wi musu luku efu ala den sani di skrifi bun, so srefi den sani fu den wan di wi aksi fu luku taki sma e du soifri san skrifi na tapu a karta. Te a de fanowdu, dan den bukustudie fesiman sa yepi wan sma di musu skrifi den sani di aksi na tapu a karta. Preikiman di no dopu ete kan skrifi den eigi tirilin gi densrefi nanga den pikin fu den di yongu ete, fu di den e poti den wortu fu a dokumenti na so wan fasi taki disi e fiti na eigi situwâsi nanga overtoigi fu den. Efu wan sma sa go na dorosei kondre (nanga fakansi), dan a de wan koni sani fu abi den karta disi na ini Ingrisitongo. A gemeente kan seni aksi disi soleki fa den gwenti, tapu na Aanvraagformulier voor lectuur (S-14).
Singi 66 nanga lasti begi.
Wiki Di E Bigin 17 Yanuari
Singi 97
10 min: Wan tu sani fu a gemeente. Rapport fu moni afersi.
15 min: Sani di a gemeente abi fanowdu.
20 min: „Gebroiki Traktaat fu Bigin Nanga Takimakandra”. Taki fu iniwan fu den fo traktaat di unu e gebroiki nofotron na ini a gebied. Poti wan aksi di den e piki na ini ibriwan fu den traktaat. Aksi den arkiman fu gi eksempre fa den ben kan gebroiki na aksi fu bigin wan takimakandra èn kande fu bigin wan bijbelstudie. Demo fa den kan du disi nanga tu fu den traktaat.
Singi 27 nanga lasti begi.
Wiki Di E Bigin 24 Yanuari
Singi 95
10 min: Wan tu sani fu a gemeente nanga velddienst ondrofenitori.
15 min: „¡Poti Prakseri na a Wortu fu Yehovah Ibri Dei!” Wan lezing nanga wan takimakandra nanga den arkiman. Gi ala sma deki-ati fu gebroiki na Ondrosuku den Buku fu Bijbel Ala Dei—2000. Taki tu fu wan tu sani di tanapu na den biginwortu, bladzijde 3, 4. Aksi den preikiman fu fruteri fa den e du spesrutu muiti fu luku a tekst nanga den komentaar ibri dei.
20 min: „¿Yu Sa De Drape?” Wan owruman e hori wan lezing nanga ondrofenitori. Sensi den Bijbel ten te go miti a ten fu wi, bigi konmakandra ben de wan prenspari fasi fu tranga a pipel fu Gado. (Luku a Verkondigers-buku, bladzijde 254, paragraaf 1-3, nanga na Inzicht-buku, Pisi 1, bladzijde 676, paragraaf 6.) Gi ala sma deki-ati fu bigin sreka sani nownow kaba fu kan de ala dri dei tapu a Distrikt Kongres fu a yari disi. Aksi den arkiman fu fruteri ondrofenitori di e sori taki den ben kisi wini na yeye fasi fu di den ben du muiti fayafaya fu de na a kongres.
Singi 68 nanga lasti begi.
Wiki Di E Bigin 31 Yanuari
Singi 7
12 min: Wan tu sani fu a gemeente. Memre ala sma fu gi den velddienst rapport fu yanuari. Taki sortu buku wi sa pristeri na ini februari: A Kolokoe Osofamiri-buku. Demo fa wi kan gebroiki den dri aksi na ini a faki na tapu bladzijde 12 fu a buku leki fondamenti fu bigin takimakandra nanga wan sma.
15 min: A piki di e gi tapu wan aksi di abi fu du nanga ’A Marki Di Den E Marki wan Sma’. Lezing di wan owruman e hori, di puru fu A Waktitoren fu 15 yuli 1999, bladzijde 29-31.
18 min: Fa fu Yepi Trawan fu Kon Sabi a Tru Relisi. Wan bekwaam dinari ini a diniwroko e taki nanga tu noso dri bekwaam preikiman, taki sma e fruwondru kande nanga Yehovah Kotoigi, ma den sma disi no e frustan krinkrin san na a difrenti na mindri tra relisi nanga a di fu wi. Luku den tin penti di de na tapu bladzijde 20 fu na Ontwaakt! fu 8 Mei 1995. Fruklari fa a sabi di wan opregti sma sabi den penti disi kan yepi en fu si krin san na a difrenti na mindri falsi relisi nanga tru relisi èn fa a kan yepi en fu si o tranga a de fanowdu fu leri sani fu a pipel fu Yehovah èn fu abi demakandra nanga wi.
Singi 59 nanga lasti begi.
Wiki Di E Bigin 7 Februari
Singi 48
8 min: Wan tu sani fu a gemeente.
17 min: Luku a Profeititori fu Danièl-buku. Wan lezing nanga wan takimakandra nanga den arkiman. Luku den heimarki fu a nyun buku: den titel fu den kapitel di e hari sma prakseri, moi prenki, den faki di abi aksi fu ondrosuku sani na a kaba fu iniwan takimakandra, karta nanga tabel di e tyari den finifini tori kon na krin. Luku a fruklari di e gi deki-ati èn di e sori fa Mikaèl sa „opo” na wan spesrutu fasi (bladzijde 288-290). Taki fu a de di a de prenspari taki wi leki leriman fu Gado Wortu musu horidoro (bladzijde 311, 312). Wi alamala musu leisi a buku finifini èn gi den wan di abi belangstelling deki-ati fu du a srefi.
20 min: Den Teki Wan Koni Bosroiti. Wan lezing di puru fu A Waktitoren fu 15 oktober 1997, bladzijde 19-21, paragraaf 3-16. Fruteri fu den sani di den pionier taki, fu di den wani sori fu san ede den e denki taki den gebroiki a libi fu den na wan tumusi bun fasi, di e gi den bun furu winimarki. Gi ala sma di de na a konmakandra deki-ati fu go luku efu densrefi abi na okasi fu du a pionierwroko.
Singi 85 nanga lasti begi.