Schema Gi a Diniwroko Konmakandra
Wiki Di E Bigin 14 Februari
Singi 48
10 min: Wan tu sani fu a gemeente. Wan Tu Sani di teki puru fu Wi Kownukondre Dienst.
15 min: „Preiki a Wortu . . . Leki wan Sani Di De Tumusi Prenspari”. No meki na inleiding fu yu langa moro leki wán miniti, èn go doro nanga wan aksi-nanga-piki takimakandra. Taki wan tu sani di teki puru fu a Bediening-buku, bladzijde 170. Sori san na wan tu bun penti di e taki fa wi kan du moro ini a preikiwroko.
20 min: „Fa fu Kon Moro Bekwaam fu Rideneri Nanga Sma”. Lezing nanga demo. Fruklari fu san ede a de so prenspari fu de bekwaam fu rideneri nanga sma ini a diniwroko èn fruklari fa wi kan leri a bekwaamfasi disi. Meki tu bekwaam preikiman taki nanga makandra fa wi kan sreka wisrefi gi a diniwroko fu di den e du den sani di skrifi na ini paragraaf 3 fu na artikel èn meki den demo a pristeri fu den baka dati.
Singi 89 nanga lasti begi.
Wiki Di E Bigin 21 Februari
Singi 27
10 min: Wan tu sani fu a gemeente. Fruteri fa a de nanga moni afersi.
15 min: „Umasma Di E Wroko Tranga ini Masra”. No meki na inleiding fu yu langa moro wán miniti, èn abi wan aksi-nanga-piki takimakandra baka dati. Taki wan tu sani di teki puru fu a Waktitoren fu 1 september 1996, bladzijde 24, paragraaf 18 nanga 19. Prèise den sisa na wan switi fasi fu di den de klariklari fu gi yepi, fu den bun wroko di den e du gi trawan, èn fu a fayafaya preikiwroko fu den.
20 min: „San Kan Yepi Wi fu Tanapu Kánkan na ini a Bribi?” Wan lezing di wan owruman e hori. Wi e libi na ini muilek ten, èn wi alamala abi yepi fanowdu pikinso. Taki san owruman nanga dinari ini a diniwroko kan du fu tranga den wan di abi problema di meki den lasi-ati. (Luku na ondro-edeprakseri „Opbouwend herdelijk werk” ini a Wachttoren fu 15 september 1993, bladzijde 21-23.) Fruklari fa wi kan gi makandra deki-ati na fasi di sa meki wi kon de stanfaste na yeye fasi.—Rom. 1:11, 12.
Singi 37 nanga lasti begi.
Wiki Di E Bigin 28 Februari
Singi 21
10 min: Wan tu sani fu a gemeente. Memre ala sma fu gi a velddienstrapport fu den fu februari. Taki syatu fu den „Fo Makriki Sani Di Yu Kan Du” te wi e gebroiki traktaat fu bigin wan takimakandra nanga sma, soleki fa den ben sori disi tapu bladzijde 4 fu Wi Kownukondre Dienst fu a mun di pasa. Sori fa wi kan gebroiki a traktaat Libi na ini wan njoen grontapoe pe vrede de, fu bigin taki nanga sma fu a Sabi-buku. Baka te yu poti den aksi fu a paragraaf di de na a bigin fu a traktaat, dan yu kan leisi a fosi paragraaf tapu bladzijde 3, so srefi Psalm 37:29. Efu a sma abi belangstelling, dan yu kan opo a Sabi-buku tapu bladzijde 5, leisi a faki, èn aksi a sma efu a wani studeri. A mun disi ala sma musu du spesrutu muiti fu bigin nanga wan nyun oso-bijbelstudie.
5 min: Aksi Boksu. Wan lezing di wan owruman e hori.
12 min: Sori Warderi gi a Wroko fu den Regionaal Bowkomte. Wan lezing di wan owruman e hori, fu di a e gebroiki tori di komopo na ini na inlegvel fu Wi Kownoekondre Dienst fu augustus 1995. Den 77 Regionaal Bowkomte di e wroko now na Amerkankondre fu yepi nanga a bow, a meki kon nyun baka, nanga na ondrow fu 2289 Kownukondre zaal di 3484 gemeente e gebroiki. So srefi na ini Sranan wan lo wroko de fu du ete. Na Albina wan Kownukondre zaal de tranga fanowdu. Dati de so tu na ini Henar. Na so a de tu na ini Coronie pe den e du muiti fu feni wan gron fu bow. Moengo abi wan Kownukondre zaal, ma furu sani musu meki na en. ¡Fa a sa de wan prisiri te den gemeente nanga grupu disi kan kisi wan bun Kownukondre zaal na ini a ten di e kon!—Luku A Waktitoren fu 1 yuni 1999, bladzijde 18 nanga 19, paragraaf 15 nanga 16.
18 min: „Preiki a Bun Nyunsu Nanga Tranga Overtoigi”. Abi wan seryusu inleiding fu tu noso dri miniti di e taki fu den tori di skrifi na ini paragraaf 1 nanga 2, so srefi fu den tekst di kari noso di skrifi. Baka dati, taki fu paragraaf 3-12 fu di yu abi wan aksi-nanga-piki takimakandra.
Singi 47 nanga lasti begi.
Wiki Di E Bigin 6 Maart
Singi 95
5 min: Wan tu sani fu a gemeente.
10 min: Sani di a gemeente abi fanowdu.
10 min: „Poti Prakseri na a Fasi fa Yu E Arki”. Wan osofamiri edeman e taki nanga en wefi nanga den pikin fu en san den kan du fu kisi moro wini fu den gemeente konmakandra, den bigi konmakandra nanga den kongres. A abi a firi taki ala sma na ini na osofamiri kan poti prakseri na den konmakandra moro bun. Den e luku den rai di gi dya na ini wan lijst èn den e luku fa den kan gebroiki ibriwan fu den rai, so srefi a fanowdu di a de fanowdu fu taki moro fu den sani di den leri. Den e luku fa den kan hori densrefi na a bosroiti di den teki fu no misi no wan konmakandra noso wan pisi fu wan kongres noso bigi konmakandra efu a kan.
20 min: „Preiki a Bun Nyunsu Nanga Tranga Overtoigi”. Baka te yu taki syatu fu a takimakandra di unu ben abi fu den fosi 12 paragraaf fu na inlegvel a wiki di pasa, dan yu kan abi wan aksi-nanga-piki takimakandra fu paragraaf 13-24. Gebroiki den tekst di kari noso di skrifi, na wan bun fasi.
Singi 89 nanga lasti begi.