Schema gi a Diniwroko Konmakandra
Wiki Di E Bigin 10 April
Singi 45
10 min: Wan tu sani fu a gemeente. Wan tu sani di teki puru fu Wi Kownukondre Dienst. No frigiti a spesrutu publikitaki di o hori 16 april èn di nen „Fu San Ede Libisma Abi wan Lusu-paiman Fanowdu”. Gi ala sma deki-ati fu leisi a bijbel-leisipisi fu 14 april te nanga 19 april gi a Memrefesa, leki fa a skrifi na ini Ondrosuku den Buku fu Bijbel Ala Dei—2000. Luku „Sani Di Wi Musu Hori na Prakseri gi a Memrefesa”, tapu bladzijde 4 fu na inlegvel.
15 min: „¿Yu E Du wan Sani Tapu a Lobi Di Krestes Sori?” Den bigin wortu fu yu no musu de moro leki wan miniti, èn yu musu hori wan aksi-nanga-piki takimakandra baka dati. Gebroiki so srefi wan tu sani fu bladzijde 16-17, paragraaf 12-13 fu A Waktitoren fu 1 mei 1998. Gi ibri sma deki-ati fu du muiti spesrutu fu gi sma wan kari fu kon na a Memrefesa.
20 min: „April—¡Wan Ten fu De Fayafaya gi Tumusi Bun Wroko!” Aksi nanga piki. Wan fayafaya takimakandra fu san wi wani doro na ini april. Gebroiki den dri noso fo miniti di tan abra fu taki syatu fu „Faya Di E Gi a Moro Bigi Pisi fu Sma Deki-ati”.
Singi 61 nanga lasti begi.
Wiki Di E Bigin 17 April
Singi 16
13 min: Wan tu sani fu a gemeente. Raportu fu moni afersi. Soso tu satra nanga tu sonde tan abra na ini april. Fu dati ede gi ibri sma deki-ati fu teki prati na a diniwroko bifo a mun e kaba. Demo wan syatu fasi fu pristeri tijdschrift fu di yu e gebroiki den moro nyun eksemplaar. Fu di a kan de so taki wi sa musu gi den sma wan piki di wani taki wi musu teki prati na den sani di den gwenti fu du na Pasen, dan luku san a Redeneren-buku taki tapu bladzijde 141-142.
16 min: „¿Yu Abi a Yeye fu Gi Yusrefi?” Aksi nanga piki. Wi musu go prakseri sortu sani na den moro prenspari sani, fu di wi e poti den sani di de moro prenspari fosi tra sani. Efu wi wani go doro fu du a sani di sa de fu a bun fu wi na yeye fasi, dan wisrefi musu teki fesi fu du dati èn wi musu dwengi wisrefi. Tyari kon na krin san wi kan leri fu na eksempre fu Yesus.—Luku Inzicht Pisi 1, bladzijde 1288, paragraaf 2-4.
16 min: Libi Tijdschrift Pe Den Sa Abi a Moro Bun Bakapisi. Wan lezing pe den arkiman e teki prati. Luku a rai di gi na ini Ontwaakt! fu 8 yanuari 1995, bladzijde 22-24. Tyari kon na krin fu san ede a de wan bun sani fu suku den sma di kande ben sa abi belangstelling gi den artikel di e poti prakseri na spesrutu tori di de fu feni na ini den tijdschrift. Luku den eksempre fu moro owru eksemplaar èn luku fa den artikel kande ben sa kan hari a prakseri fu den difrenti sortu sma, bisnis noso organisâsi na ini a kontren fu yu. Aksi den arkiman fu fruteri ondrofenitori di e sori taki den ben abi bun bakapisi di den ben gebroiki a fasi disi.
Singi 30 nanga lasti begi.
Wiki Di E Bigin 24 April
Singi 34
10 min: Wan tu sani fu a gemeente. Meki bekènti omeni sma ben kon na a Memrefesa. Aksi den arkiman fu fruteri san den sma di ben kon na a Memrefesa fu a fosi leisi ben taki.
17 min: Yepi Nyun Wan fu Kon na Konmakandra. Wan lezing di abi en gron tapu a Sabi-buku, bladzijde 161-163, paragraaf 5-8. Baka te nyun sma studeri wan pisi ten kaba, dan a prenspari taki den e bigin kon na konmakandra. Fu meki den kon, kan de wan muilek sani fu du. San yu kan du fu gi den studenti deki-ati fu kon? Den sma di e hori bijbelstudie musu teki a ten fu luku den sani disi di skrifi na ini a Sabi-buku, nanga den studenti fu den èn seti sani bun baka dati fu yepi den kon makandra nanga wi na ini tru anbegi.
18 min: „¿Yu E Preiki a Kownukondre Doronomo?” Lezing nanga takimakandra nanga den arkiman di a sekretarsi o hori. Tyari kon na krin fu san ede wi e meki wan raportu fu a wroko di wi du na ini a velddienst. (Luku Bediening-buku, bladzijde 108-110.) Fruteri wan tu problema di e kon te wi no e gi wi raportu biten. Aksi den arkiman fu fruteri san den e du fu sorgu taki den e gi den raportu biten. Kari wan tu sani fa den Gemeente Bukustudie fesiman kan yepi. Wan satra nanga wan sonde tan abra nomo na ini april. Fu di dati de so, poti krakti na tapu, taki a prenspari taki ibriwan sma e teki prati na a diniwroko èn e gi a raportu fu en na a kaba fu a mun.
Singi 88 nanga lasti begi.
Wiki Di E Bigin 1 Mei
Singi 95
12 min: Wan tu sani fu a gemeente. Memre ala sma fu gi den velddienstraportu fu april. Gemeente Bukustudie fesiman musu aksi ibriwan sma na ini a grupu fu den, so taki den kan teri ala den bericht fosi 6 mei. Luku Aksi Boksu, ala di yu e sori fa a e fiti a gemeente.
18 min: Sani di a gemeente abi fanowdu.
15 min: „¡Sorgu Taki Yu Go Baka!” Takimakandra nanga arkiman. Luku fu san ede a kan pasa taki wi no e tyari gobaka. Tyari kon na krin fu san ede a prenspari taki wi e skrifi den yoisti sani di abi fu du nanga a sma èn taki wi de klariklari fu go baka. Gi rai fu poti pikinso ten na wan sei ibri wiki fu tyari gobaka. Luku san bladzijde 91-92 fu a Bediening-buku e taki. Fruteri na ondrofenitori di skrifi tapu bladzijde 45 fu a Jaarboek 1995.—1 Kor. 3:6, 7.
Singi 86 nanga lasti begi.