Schema gi a Diniwroko Konmakandra
Wiki Di E Bigin 12 Yuni
Singi 57
8 min: Wan tu sani fu a gemeente. Wan tu sani di teki puru fu Wi Kownukondre Dienst.
15 min: „A Wroko fu Unu No De fu Soso”. Den bigin wortu fu yu no musu de moro leki wan miniti èn yu musu hori wan aksi-nanga-piki takimakandra baka dati. Taki so srefi fu san sma taki fu na ondrofenitori di skrifi na ini De Wachttoren fu 15 yuni 1996, bladzijde 32.
22 min: Bigin bijbelstudie nanga a San Gado e aksi-brochure. Hori wan lezing fu di yu e luku a tori baka fu Wi Kownukondre Dienst fu yanuari 1999, bladzijde 4. Demo a pristeri di den e gi leki eksempre na ini paragraaf 6. Meki wan noso tu preikiman fruteri syatu fa den ben man opo bijbelstudie. Den kan fruteri san den ben taigi a sma fu bigin wan studie èn san den ben du fu tan studeri ala wiki nanga a sma.
Singi 92 nanga lasti begi.
Wiki Di E Bigin 19 Yuni
Singi 51
12 min: Wan tu sani fu a gemeente. Taki fu a raportu fu moni afersi èn meki bekènti san kon na krin baka di a boekhouding fu den dri mun di pasa, ben luku. Efu a gemeente abi den Jonge mensen vragen-buku (Yongu Sma E Aksi-buku) noso den Jeugd-buku ete, dan sori fa wi kan gebroiki den na wan bun fasi na ini a diniwroko na ini den fakansi mun, te wi sa miti tini na oso moro furu.
8 min: Aksi Boksu. Wan lezing di wan owruman e hori.
25 min: „Fa Mi Ben Sa Man . . . Efu No Wan Sma E Sori Mi?” A dienstopziener e hori wan aksi-nanga-piki takimakandra. Meki wan sma leisi ibri paragraaf nanga wan krakti sten èn leisi den bijbeltekst na ini paragraaf 3, 4 nanga 7. Te yu e taki fu paragraaf 6, dan fruklari sortu wroko a dienstopziener abi, fu teki a bosroiti efu wan studie sa musu bigin baka nanga wan dopu sma noso efu dati no de fanowdu.—Luku na Aksi Boksu fu Wi Kownukondre Dienst fu november 1998.
Singi 41 nanga lasti begi
Wiki Di E Bigin 26 Yuni
Singi 26
10 min: Wan tu sani fu a gemeente. Memre den preikiman fu gi den raportu fu preikiwroko fu yuni. Taki sortu sani wi sa prati na ini yuli. Sori den owru brochure di de fu kisi na a gemeente èn taki syatu san na a marki fu iniwan fu den. Hori wan demonstrâsi di sreka bun na fesi èn di e sori fa fu gebroiki wan fu den brochure na ini a diniwroko.
17 min: „Lobi fu Gi, De Klariklari fu Prati Nanga Trawan”. Aksi nanga piki. Kari den fo reide fu a tori „Waarom wij geven” (Fu San Ede Wi E Gi) di skrifi na ini De Wachtoren fu 1 november 1996, bladzijde 29, 30.
18 min: Sabi Fa Fu Gi wan Piki (Kol. 4:6). Wan lezing nanga wan takimakandra nanga den arkiman. San yu e du te yu miti wan sma di e taki wan sani di Bijbel no e agri nanga en? A Redeneren-buku kan yepi yu furutron fu di a e sori yu fa yu ben kan gi wan sma wan bun piki. Fu eksempre, wi e si dede leki wan feanti di no sa de moro nanga yepi fu Krestes lusu paiman. Ma toku tra sma abi na overtoigi taki no wan sani kan puru dede krinkrin èn den abi a fowtu prakseri taki sma e nasi baka. Taki fu den piki di yu kan feni na ini a Redeneren-buku ondro a nen „Als iemand zegt” (Efu wan sma taki) — tapu bladzijde 94, 95 nanga 358. Gi ibri sma deki-ati fu tyari a buku na ini a preikiwroko.
Singi 34 nanga lasti begi.
Wiki Di E Bigin 3 Yuli
Singi 95
10 min: Wan tu sani fu a gemeente. Aksi preikiman di ben bigin studeri a San Gado e aksi-brochure nanga sma fu fruteri fa den ben du dati.
15 min: Sani di a gemeente abi fanowdu.
20 min: Te sma e gebroiki Bijbel gronprakseri, dan dati e tranga na osofamiri libi. Wan takimakandra na mindri tu brada fu den aiti penti na ini a Redeneren-buku (Taki-go-taki-kon-buku), tapu bladzijde 207, 208. Fruklari o prenspari a de fu yepi bijbelstudenti fu kon sabi taki den kan abi wan koloku osofamiri soso te den e frustan èn te den e libi akruderi den gronprakseri fu Gado Wortu. Demo fa den kan du dati, ala di yu e gebroiki les 8 na ini a San Gado e aksi-brochure. Osofamiri di e teki a Bijbel rai e kon abi wan moro bun banti nanga makandra èn den abi moro prisiri fu di a lobi nanga a wánfasi fu den e kon moro tranga. Fruteri na ondrofenitori di skrifi na ini a Kolokoe osofamiri-buku, kapitel 13, paragraaf 1, 21, 22.
Singi 9 nanga lasti begi.