Schema gi a Diniwroko Konmakandra

Wiki Di E Bigin 11 September

Singi 59

10 min: Wan tu sani fu a gemeente. Wan tu sani di teki puru fu Wi Kownukondre Dienst.

15 min: „A Blesi fu Yehovah E Meki Wi Kon Gudu”. Den sani di yu e taki na a bigin no musu teki moro leki wán miniti. Go doro nanga wan aksi-nanga-piki takimakandra.—Luku Inzicht, Pisi 2, bladzijde 721, paragraaf 4, 5.

20 min: „Gebroiki Sani Di No Pasa So Langa Ete fu Hari Sma Prakseri”. Takimakandra nanga den arkiman èn hori demonstrâsi. Kari difrenti sani di no pasa so langa ete di e hari a prakseri fu sma na ini yu kontren. Sortu broko-ede fu a tamara den problema disi tyari kon? Gebroiki a brochure Fa foe bigin èn go doro nanga bijbel takimakandra, bladzijde 5, 6, fu gi wan tu rai di e sori fa wi kan sreka den biginwortu fu wi, so taki wi kan abi wan takimakandra fu Bijbel. Sori tu demonstrâsi di sreka bun na fesi èn di yu kan gebroiki bun so srefi.

Singi 31 nanga lasti begi.

Wiki Di E Bigin 18 September

Singi 24

10 min: Wan tu sani fu a gemeente. Raportu fu moni afersi.

15 min: Fa A Waka a Yari Di Pasa Nanga den Sani Di Wi Ben Wani Doro? Lezing di a dienstopziener e hori. Taki fu den heimarki tapu a raportu fu a gemeente, di ben doro ini a dienstyari 2000. Prèise a gemeente fu den bun sani di den du. Sori tapu sortu kontren a de fanowdu fu go na fesi. Fruteri fa a ben de nanga a nomru fu sma di ben kon na den konmakandra, fa a ben waka nanga a opo di den ben opo bijbelstudie èn a hori di den ben hori den bijbelstudie disi, èn fa a ben de nanga a teki di den ben teki prati doronomo na a preikiwroko. Kari wan tu bun marki di wan sma kan suku fu doro na ini a yari di e kon.

20 min: „Libisma Kan Lasi Den Libi!” Takimakandra nanga den arkiman. Poti krakti tapu den tekst di kari na ini na artikel.

Singi 93 nanga lasti begi.

Wiki Di E Bigin 25 September

Singi 84

15 min: Wan tu sani fu a gemeente. Memre ala sma fu gi den preikiwroko raportu fu september. Taki fu na Aksi Boksu.

15 min: Sani di a gemeente abi fanowdu.

15 min: Den Tijdschrift fu Wi No E Lasi Den Waarde. San yu e du te den moro owru uitgave fu A Waktitoren nanga Ontwaakt! kon tron wan ipi? Son preikiman abi a gwenti fu trowe den, fu di den denki taki den sani di skrifi na ini den, na owru tori. Na presi fu dati, Wi Kownukondre Dienst fu september 1993, bladzijde 3, ben gi wi deki-ati fu abi wan tu owru tijdschrift na wi èn pristeri den te dati kan. Yu kan teki artikel di e fiti na a momenti dati, di ben sa kan hari a prakseri fu man, uma, sabiman, owru sma nanga tini; dan de srekasreka fu pristeri den tijdschrift te wan okasi de. Demo fa fu suku wan artikel na fesi èn fa fu pristeri dati baka ten. Fruteri ondrofenitori fu preikiman di ben man prati owru tijdschrift.

Singi 86 nanga lasti begi.

Wiki Di E Bigin 2 Oktober

Singi 75

15 min: Wan tu sani fu a gemeente. Fruteri a gemeente fu a spesrutu wroko fu prati Kownukondre Nyunsu nr. 36. Wi sa bigin prati a traktaat disi tapu munde 16 oktober te go miti freida 17 november. Gi ala sma deki-ati, yonguwan èn so srefi den nyunwan, fu meki muiti fu abi wan prati dorodoro na a wroko disi. Bukustudie fesiman musu bigin now fu gi ala sma na ini a grupu fu den deki-ati èn yepi den so srefi fu orga sani, so taki den kan abi wan prati fayafaya. Fruteri ondrofenitori tu di e gi sma deki-ati èn di ben pasa a lasti leisi di den ben prati Kownukondre Nyunsu.

15 min: „Mi Musu Froisi?” Lezing di wan owruman e hori. Fruklari fu san ede a de fanowdu fu gebroiki a koni fu man si sani krin te wi e teki a bosroiti fu go dini na wan tra presi. Taki fa wi musu gebroiki a rai di de fu feni na Odo 22:3. Taki tu fu den warskow di de fu feni na ini De Wachttoren fu 15 augustus 1988, bladzijde 22.

15 min: Ondrofenitori Di E Sori Fa fu Bigin Takimakandra. Na a programa fu a Diniwroko Konmakandra fu 11 september, dan wi ben kisi a deki-ati fu prakseri fa fu gebroiki den sani di no pasa so langa ete fu bigin takimakandra, so taki wi kan hari a prakseri fu sma èn bigin takimakandra na ini a diniwroko. Gi a publiki wan kari fu fruteri sortu moi ondrofenitori den abi te nanga now, fu di den gebroiki den rai disi.

Singi 74 nanga lasti begi.