Schema gi a Diniwroko Konmakandra

Wiki Di E Bigin 11 December

Singi 24

10 min: Wan tu sani fu a gemeente. Wan tu sani di teki puru fu Wi Kownukondre Dienst. Efu moro eksemplaar fu a Moro bigi man-buku noso a Grote Onderwijzer-buku de fu kisi na ini a gemeente, dan sori fa wi kan gebroiki den nanga bun bakapisi na ini a diniwroko na ini a Kresneti ten. Gi ala sma deki-ati fu luku a video De bijbel — Nauwkeurige geschiedenis, betrouwbare profetieën, so taki den kan sreka densrefi gi a takimakandra na a Diniwroko Konmakandra a wiki fu 25 december. Den sma di abi a video kan leni trawan di no abi en, noso den kan luku a video makandra nanga den.

15 min: „Frede Yehovah a Heri Dei.”a Taki so srefi fu a fruklari tapu bladzijde 26 fu na Ontwaakt! fu 8 yanuari 1998 di e sori san frede gi Gado wani taki. Poti krakti na tapu den bun winimarki di wi sa kisi te wi abi frede gi Yehovah.

20 min: „Druk fu Speri èn a Grani Di Yu Abi fu Preiki.” Wan lezing nanga interview. Aksi brada nanga sisa fu fruteri fa den ben man tan du preikiwroko, ala di den ben kisi druk fu speri.

Singi 69 nanga lasti begi.

Wiki Di E Bigin 18 December

Singi 13

15 min: Wan tu sani fu a gemeente. Raportu fu moni afersi. Fruteri fu spesrutu sani di seti gi a preikiwroko tapu 25 nanga 26 december nanga 1 yanuari. Piki na aksi: A de so taki wan sma kan teki prati na fesa di kande no de akruderi Bijbel, so langa leki a bribi fu en no de ini a tori?—Luku Redeneren-buku, bladzijde 140-142.

12 min: „A Theokrasia Diniwroko-skoro gi a Yari 2001.” Wan lezing di a skoro-opziener e hori. Gi ala sma deki-ati fu hori densrefi na a schema fu a Bijbel leisipisi gi ibri wiki, èn fu de fayafaya fu sreka den toewijzing fu den tapu a skoro.

18 min: „Yu E Preiki Nanga Deki-ati?”b Meki den arkiman gi komentaar tapu den tekst na ini na artikel. Sori fa wi kan kisi moro deki-ati èn fa wi kan wroko moro bun na ini a preikiwroko, ala di yu e gebroiki a Bediening-buku, bladzijde 88, 89.

Singi 71 nanga lasti begi.

Wiki Di E Bigin 25 December

Singi 67

10 min: Wan tu sani fu a gemeente. Aksi den arkiman fu fruteri wan tu fu den sani di den ben ondrofeni no so langa pasa, na ini a preikiwroko fu den. Taki fu den publikâsi di wi sa pristeri na ini yanuari.

10 min: Sani di a gemeente abi fanowdu.

25 min: „Leri fu a Video De bijbel — Nauwkeurige geschiedenis, betrouwbare profetieën.” Wan takimakandra nanga den arkiman. Gi den brada nanga sisa rai fa den kan gebroiki a video disi fu gi trawan deki-ati (Jaarboek 1999, bladzijde 51, 52). Na ini februari wi sa taki fu a di fu tu video, De bijbel — Het oudste moderne boek van de mensheid.

Singi 64 nanga lasti begi.

Wiki Di E Bigin 1 Yanuari

Singi 73

8 min: Wan tu sani fu a gemeente. Efu yu gemeente o kenki a ten di den konmakandra e hori na ini a nyun yari, dan gi ala sma deki-ati na wan switi fasi, fu tan kon makandra nanga a gemeente na den nyun ten dati. Fruteri bijbelstudenti nanga tra sma di wani sabi moro, fu iniwan sani di kenki èn bigin gebroiki strooibiljet fu sori sma a nyun schema. Taki fu a augustus dienstbericht fu a kondre èn fu a gemeente. Memre den preikiman fu gi den preikiwroko raportu gi december.

17 min: Fa fu Sreka Yusrefi fu Tyari Gobaka. Wan papa e taki nanga en osofamiri fa den kan sorgu taki a diniwroko fu den abi moro bun bakapisi. A e poti krakti na tapu den reide di Bijbel e gi fu go baka na ala den sma di wani sabi moro. Ala di a e gebroiki den rai di gi na ini A Waktitoren fu 1 yuli 1999, bladzijde 22, paragraaf 18, dan den e sreka densrefi fu tyari wan tu gobaka. Den alamala e erken taki den musu go baka na den sma di den ben miti. Ibriwan fu den e taki fu a fasi fa a sma ben piki a fosi leisi di den ben miti en. Den trawan e taki fu wan prakseri èn so srefi fu wan bijbeltekst di den kan gebroiki na a gobaka. Den e feni rai ini a San Gado e aksi-brochure di kande den sa man gebroiki nanga bun bakapisi. A papa nanga mama e meki wan fu den pikin demo den sani di a o taki na a gobaka. Den e seti wan spesrutu ten fu tyari gobaka na ini a wiki di e kon.

20 min: „Fu San Ede Yu Musu Du San Yu Pramisi?” Wan lezing di wan owruman e hori èn di teki puru fu A Waktitoren fu 15 september 1999, bladzijde 8-11. Poti krakti na tapu taki a de tumusi prenspari fu du san wi pramisi te a abi fu du nanga a preikiwroko. Sori fa wi kan du san wi pramisi, fu di wi e tan tyari gobaka na wan getrow fasi. Prèise ala sma gi a muiti di den e du fu hori bijbelstudie doronomo.

Singi 94 nanga lasti begi.

[Futuwortu]