Schema gi a Diniwroko Konmakandra
Wiki Di E Bigin 8 Yanuari
7 min: Wan tu sani fu a gemeente. Wan tu sani di teki puru fu Wi Kownukondre Diniwroko.
13 min: „Meki Un Leti Skèin”.a Taki tu fu den penti na ini A Waktitoren fu 1 yuni 1997, bladzijde 15, paragraaf 12 nanga 13. Gi ala sma deki-ati fu gebroiki ibri okasi di den kisi fu gi kotoigi.
25 min: A ten doro fu meki wan nyun Brudukarta (Vooraf opgestelde medische richtlijn/ontheffing). Wan lezing di wan lepi owruman e hori èn a e sori o prenspari a de fu skrifi ala sani bun, fu poti a yoisti datum na en tapu èn fu abi en na yu ala ten. Rai di Gado gi na Psalm 19:7 nanga yepi fu en santa yeye, e sori taki Tori fu den Apostel 15:28, 29 na wan fasi fa Gado e sori san na a volmaakti wet fu en ini a tori fu brudu. Loyaal anbegiman e du muiti fu hori a wet dati hei. A karta disi e meki sma sabi taki yu abi a fasti bosroiti fu du dati tu èn a karta ’e taki’ gi yu te yu no man taki (moro) gi yusrefi. (Teki gersi Odo 22:3.) Wan nyun karta musu meki ibri yari fu gi wan nyun fruklari fu a weigri di yu e weigri brudu, fu di son datra èn tra sma taki, dati prenspari papira di owru moro leki wán yari, no e sori kande na overtoigi di a sma abi nownow. Baka a konmakandra disi, ibri dopu Kotoigi sa kisi wan nyun karta, èn den wan di abi yongu pikin di no dopu ete sa kisi wan Identiteit-karta gi ibriwan fu den pikin. Unu no musu skrifi na tapu den karta disi tide neti. Na oso wi musu skrifi ala sani soifri na tapu a karta, ma unu NO musu skrifi un nen na tapu ete. Na baka a Gemeente Bukustudie fu a wiki di e kon èn na ondro a tiri fu a bukustudie fesiman, unu musu skrifi un nen na tapu a karta. Den sma di ben de kotoigi fu disi musu skrifi den nen tu èn a datum musu skrifi na tapu ala den karta. Bifo unu e skrifi un nen na tapu, luku efu ala sani skrifi soifri tapu a karta. Memre taki wan karta di no skrifi bun, di no abi a yoisti datum na en tapu en di no abi a nen fu a sma na tapu, no e lusu problema, ma e tyari problema kon. Den sma di e poti den nen na tapu a karta leki kotoigi, musu si trutru taki a sma di abi a karta, skrifi en nen na tapu a karta. Luku taki ala sani skrifi soifri, soleki na adres nanga a telefon nomru. Preikiman di no dopu ete kan meki wan karta gi densrefi èn wan gi den pikin fu den fu di den e skrifi den sani abra fu a karta disi èn fiti dati na den eigi situwâsi èn na san den e bribi. Den bukustudie fesiman musu skrifi den nen fu den sma na ini a grupu fu den, fu de seiker taki den alamala kisi a yepi di den abi fanowdu fu skrifi ala sani bun tapu a Brudukarta. Memre den brada nanga sisa ete wan leisi na „Den sani di yu musu du seiker fu sreka yusrefi fu go didon na ati-oso.” A schema disi ben gi ini wan brifi fu 1 december 1995. Sori go so srefi na a sani di taki na ini a kolom „Wan Tu Sani”, di abi fu du nanga a go di wan sma e go nanga fakansi na wan dorosei kondre.
Singi 23 nanga lasti begi.
Wiki Di E Bigin 15 Yanuari
10 min: Wan tu sani fu a gemeente. Raportu fu moni afersi.
15 min: Sani di a gemeente abi fanowdu.
20 min: Yu E Ondrosuku den Buku fu Bijbel Ibri Dei? Lezing nanga interview. Poti prakseri na A Waktitoren fu 1 december 1996, bladzijde 27, paragraaf 12-14. Tyari kon na krin taki a de wan koni sani fu taki fu a deitekst leki wan osofamiri. Interview famiriman, di ibriwan fu den e fruteri fu wan takimakandra fu a deitekst di ben hori no so langa pasa. Meki den fruteri fu san ede a takimakandra disi ben de wan di yepi den trutru. Poti krakti na tapu taki disi musu de wan pisi fu wan osofamiri studie programa di e hori doronomo fu tranga den osofamiri fu wi èn fu meki taki na osofamiri tan wroko fayafaya na ini a diniwroko.
Singi 31 nanga lasti begi.
Wiki Di E Bigin 22 Yanuari
7 min: Wan tu sani fu a gemeente.
18 min: Fa fu Sreka den Sani Di Yu Sa Taki Te Yu O Bigin wan Takimakandra. Lezing nanga demonstrâsi. Taki fu prenspari penti na ini a brochure: Fa foe bigin èn go doro nanga bijbel takimakandra, bladzijde 2. Sori fa wi kan feni inleiding di e fiti a fasi fa wi e pristeri a bun nyunsu, a fasi fa wi de, èn a gebied fu wi. Taki fu eksempre fu wan tu inleiding di yu kan gebroiki makandra nanga a San Gado e aksi-brochure, èn meki wan sma demo wan noso tu fu den inleiding disi. (Luku Wi Kownukondre Dienst fu april 1997, bladzijde 8.) Gi ibriwan sma deki-ati fu gebroiki den eksempre bun, di gi na ini a brochure: Fa foe bigin èn go doro nanga bijbel takimakandra, nanga Wi Kownukondre Diniwroko, te den de na ini a preikiwroko.
20 min: „De wan Bun Arkiman”. Lezing èn takimakandra nanga a publiki. Taki fu den penti fu a Handleiding-buku tapu bladzijde 27, 28, paragraaf 15-17. Efu wi wani sabi o bun wi e arki, dan wi musu luku omeni wi man memre. Gi den arkiman wan kari fu taki sortu wan fu den moi penti den man memre, di den studenti ben kari tide neti na a Theokrasia Diniwroko-skoro.
Singi 35 nanga lasti begi.
Wiki Di E Bigin 29 Yanuari
10 min: Wan tu sani fu a gemeente. Memre den preikiman fu gi den preikiwroko raportu gi a mun yanuari. Taki sortu publikâsi wi o pristeri na ini februari, ala di yu e fruteri sortu buku a gemeente abi ete.
15 min: „Wi Sa Studeri a Kolokoe Osofamiri-buku”. Wan lezing di e taki fu na artikel ini Wi Kownukondre Dienst fu yuli 1997, bladzijde 3. A lezing disi e hari a prakseri fu sma gi a buku A sroto gi wan kolokoe osofamiri di wi o studeri na a gemeente bukustudie. Gi papa, mama nanga yonguwan deki-ati fu teki prati na a alawiki takimakandra na a bukustudie. Ala sma o wani go doronomo, fu di den wani sabi furu fu a trutru sroto gi wan koloku osofamiri.
20 min: „Papa Nanga Mama—Leri den Pikin fu Unu Bun Gwenti”. Lezing nanga interview fu papa nanga mama di abi pikin di e meki en bun na yeye fasi. Den papa nanga mama e taki fu den bun sani di den ben du fu ben kan meki den pikin fu den man teki prati na a diniwroko. Efu ten de ete, dan taki fu den rai di gi na ini a Kolokoe osofamiri-buku, bladzijde 55-59.
Singi 38 nanga lasti begi.
Wiki Di E Bigin 5 Februari
10 min: Wan tu sani fu a gemeente.
15 min: „De wan Koloku Duman”.b Sori san e meki taki wi abi moro prisiri na ini a diniwroko fu Gado, soleki fa a taki syatu na ini na Inzicht-buku, Pisi 2, bladzijde 1203, paragraaf 3-5.
20 min: Yu Kan Feni Bun Fasi fu Meki Prisiri. Wan famiri e taki makandra fu a rai di gi na ini na Ontwaakt! fu 22 mei 1997. A papa e broko en ede nanga a fasi fa den wan na ini na osofamiri e gebroiki a fri ten fu den. Baka di den luku na artikel syatu di nen „Wat is er met het amusement gebeurd?” (San Pasa Nanga a Prisiriten?) (bladzijde 4-7), den e poti prakseri na bun fasi fa den kan meki prisiri (bladzijde 8-10). Poti krakti tapu a frantwortu fu papa nanga mama fu teki fesi. Sori tu o prenspari a de taki ala sma na ini na osofamiri e wroko makandra so taki a heri osofamiri kan feni bun.
Singi 84 nanga lasti begi.
[Futuwortu]
a Den sani di yu e taki na a bigin no musu teki moro leki wán miniti. Go doro dan nanga wan aksi-nanga-piki takimakandra.
b Den sani di yu e taki na a bigin no musu teki moro leki wán miniti. Go doro dan nanga wan aksi-nanga-piki takimakandra.