Schema gi a Diniwroko Konmakandra

Wiki Di E Bigin 12 Maart

Singi 47

10 min: Wan tu sani fu a gemeente. Wan tu sani di teki puru fu Wi Kownukondre Diniwroko.

15 min: Sani di a gemeente abi fanowdu.

20 min: „A Mun April—Wan Ten fu ’Wroko Tranga èn fu Span Wisrefi’” (paragraaf 1-13). A fesiman opziener musu taki fu a tori disi. Wan fayafaya takimakandra fu den sani di wi wani du na ini april. Gi ibriwan sma na ini a gemeente deki-ati fu du san a man fu doro a marki fu teki prati dorodoro na a diniwroko a mun dati.

Singi 90 nanga lasti begi.

Wiki Di E Bigin 19 Maart

Singi 73

7 min: Wan tu sani fu a gemeente. Raportu fu moni afersi.

18 min: „Lobi E Gi Wi Deki-ati fu Preiki”.a Poti krakti na tapu den tekst na ini na artikel. Taki fu penti di skrifi ini na Inzicht-buku, Pisi 2, bladzijde 636, paragraaf 3. Gi wan preikiman di ben preiki furu yari kaba a kari fu fruteri fa a lobi gi Gado e gi en deki-ati fu horidoro na ini a preikiwroko. Gi ala preikiman deki-ati fu teki prati na a kotoigiwroko na ini april èn ibri mun baka dati.

20 min: „A Mun April​—Wan Ten fu ’Wroko Tranga èn fu Span Wisrefi’” (paragraaf 14-30). A dienstopziener musu taki fu a tori disi. Wan lezing nanga pisi di teki fu hori leki wan aksi-nanga-piki takimakandra. Ibriwan sma musu meki wan bun schema so taki a man du someni leki a kan na ini a diniwroko ini april. Taki syatu fu a heri schema fu preikiwroko konmakandra di seti gi a mun. Gi ala sma di man, a deki-ati fu teki a yepipionier wroko èn so srefi fu teki wan formulier baka a konmakandra.

Singi 20 nanga lasti begi.

Wiki Di E Bigin 26 Maart

Singi 90

10 min: Wan tu sani fu a gemeente. Fruteri taki a no lati tumusi fu skrifi yu nen na tapu wan formulier fu teki a yepipionier wroko na ini april. Gi ala sma deki-ati fu leisi a Bijbel leisipisi gi a Memrefesa di de na tapu schema gi 3-8 april soleki fa skrifi na ini Ondrosuku den Buku fu Bijbel Ala Dei​—2001. Meki bekènti o ten a Waktitoren studie gi a wiki fu a Memrefesa o hori. No frigiti a spesrutu publikitaki gi a sonde di e kon, 1 april. A nen na „Suma Kan Kisi Frulusu?” Gi ala sma deki-ati fu teki prati na a diniwroko a srefi dei dati, so taki den kan bigin april bun.

20 min: „Meki Wi Alamala Gi Yehovah Nanga En Manpikin Grani”. Wan Bijbel takimakandra di wan owruman e hori fu gi sma deki-ati. Gi ibriwan sma deki-ati fu teki prati, someni leki den man, na den spesrutu wroko di seti gi april èn fu du moro muiti fu gi sma wan kari gi a Memrefesa.

15 min: Sreka a Fasi Fa Yu O Pristeri Tijdschrift. Wi o pristeri A Waktitoren nanga Ontwaakt! na ini april. Luku bladzijde 8, paragraaf 3 nanga 10 fu Wi Kownukondre Dienst fu oktober 1996. Poti krakti na (1) wan artikel, (2) wan bun penti di e hari sma prakseri (3) wan aksi fu meki a sma wani sabi moro èn (4) wan tekst di fiti di yu kan gebroiki bun fu pristeri iniwan fu den nyun tijdschrift. Meki muiti fu gebroiki a San Gado e aksi-brochure noso a Sabi-buku fu bigin bijbelstudie nanga sma di wani sabi moro. Hori te fu kaba wan demonstrâsi di sreka bun, di e sori fa den kan du dati na a fosi leisi di den go na a sma oso.

Singi 91 nanga lasti begi.

Wiki Di E Bigin 2 April

Singi 98

7 min: Wan tu sani fu a gemeente. Memre den preikiman fu gi den preikiwroko raportu fu maart. Luku „Sani Di Wi Musu Hori na Prakseri gi a Memrefesa”.

14 min: Gebroiki a Jaarboek 2001 Bun. Lezing èn takimakandra nanga arkiman. Taki fu „Totalen voor 2000”, tapu bladzijde 31. Taki fu „Wan Brifi fu a Tiri Skin”. Meki wan tu arkiman fruteri wan sani noso meki den fruteri wan ondrofenitori fu a nyun Jaarboek di ben gi den spesrutu deki-ati èn di ben tranga a bribi fu den. Gi den osofamiri deki-ati fu leisi a heri Jaarboek makandra neleki fa a Bethelfamiri na heri grontapu e du dati a heri yari. Poti prakseri na den aksi tapu bladzijde 255, san yu kan gebroiki fu luku baka san den leri. Aksi fa den kan gebroiki a Jaarboek fu yepi bijbelstudenti fu warderi na organisâsi fu Yehovah moro betre èn a grani di den abi fu de wan pisi fu en.

14 min: „Yepi Trawan fu Kon na den Konmakandra”.b Na inlegvel fu Wi Kownukondre Dienst fu yuni 1996, paragraaf 14-16, e gi wi rai di e sori fa wi kan tyari bijbelstudenti kon na a organisâsi. Sori fa na a bigin kaba den kan gebroiki a San Gado e aksi-brochure (les 5, paragraaf 7) nanga a Sabi-buku (kapitel 5, paragraaf 22) fu gi a sma deki-ati fu kon na den konmakandra. Sori fa wan sma kan du dati fu di wan bekwaam preikiman di sreka bun na fesi e demo fa sma kan gi wan studenti deki-ati na wan switi fasi fu denki seryusu fu kon na den konmakandra.

10 min: „’Leriman fu Gado Wortu’ Distrikt Kongres fu Yehovah Kotoigi 2001”. A sekretarsi e hori wan aksi-nanga-piki takimakandra fu na artikel ini na inlegvel. Gebroiki den tekst di poti na ini fu sori fu san ede wi musu waka baka ala den rai di a Genootschap e gi. Sori o prenspari a de fu sreka sani so esi leki a kan, so taki yu no abi fu wroko èn so taki yu de fri fu kon na ala den dri dei fu a kongres. Prèise ibriwan sma di e wroko makandra nanga den seti fu a Genootschap.

Singi 22 nanga lasti begi.

[Futuwortu]