Schema gi a Diniwroko Konmakandra

Wiki Di E Bigin 14 Mei

Singi 1

6 min: Wan tu sani fu a gemeente nanga Wan Tu Sani di teki puru fu Wi Kownukondre Diniwroko.

10 min: „Friwani Bijdrage fu Yehovah Kotoigi èn Di fu Tra Sma”. A dienstopziener sa du a pisi disi. A sa musu leisi èn studeri a brifi fu 15 oktober 1999 Gi Ala Gemeente, finifini baka. A dienstopziener e teki tu miniti fu poti krakti na tapu taki a de fanowdu dati wi alamala sreka wisrefi moro bun fu kon gwenti a nyun fasi fa wi kan pristeri lektuur nanga tijdschrift èn so srefi fa wi kan aksi sma di wani sabi moro, na wan switi fasi efu den wani gi wan bijdrage gi a wroko fu Yehovah Kotoigi na heri grontapu. A e memre preikiman fu gebroiki a lektuur na wan koni fasi èn fruteri sma di trutru wani sabi moro èn di e teki lektuur, fu a seti fu gi bijdrage. Bekwaam preikiman noso pionier di sreka dri demonstrâsi bun na fesi, e demo paragraaf 3 nanga 4. Gi a gemeente deki-ati fu arki bun na iniwan fu den dri demonstrâsi disi di o teki tu miniti èn gi den deki-ati fu meki notisi. Te den o hori demonstrâsi na a Diniwroko Konmakandra, pe lektuur noso tijdschrift e pristeri, dan den o sori tu fa wan preikiman kan si efu wan sma wani sabi moro so taki a kan libi lektuur gi en. A preikiman o demo tu fa fu fruteri sma taki wi e teki bijdrage fu horibaka gi a wroko fu wi na heri grontapu.

14 min: „Kongres​—Wan Ten fu Prisiri!” Lezing di wan owruman e hori. Fruklari fu san ede a pipel fu Yehovah ben hori bigi konmakandra na ini Bijbel ten èn fu san ede bigi konmakandra bun na ini a ten disi tu. Den okasi disi e meki taki wi abi moro bun matifasi èn taki wi abi prenspari yeye nyanyan. Sori o prenspari a de taki ibriwan di kon na a konmakandra de ala dri dei na a distrikt kongres.

15 min: „Sani Orga èn Seti ’na wan Fasi Di Fiti’”.a Fruteri fu wan tu fu den bigi sani di musu seti fu orga wan kongres. Sori taki a prenspari fu wroko makandra ala ten nanga ala sani di seti fu sani kan waka bun nanga wi. Taki fu den fasi fa wi alamala kan sori a yoisti lespeki so taki problema di no de fanowdu no abi fu pasa.

Singi 67 nanga lasti begi.

Wiki Di E Bigin 21 Mei

Singi 47

10 min: Wan tu sani fu a gemeente. Raportu fu moni afersi.

17 min: „Arki èn Teki Moro Leri”. Lezing èn takimakandra, nanga den arkiman. Fruteri fu san ede den leri di wi e kisi na a kongres na prenspari yeye nyanyan di wi abi fanowdu. Taki o furu ten nanga muiti de fanowdu fu meki so wan programa. Aksi den arkiman fu fruteri san iniwan fu den kan du fu sorgu taki densrefi èn trawan kan teki a moro bigi wini fu a programa. Poti krakti tapu den reide fu san ede wi alamala musu sidon kaba te ibri pisi fu a programa e bigin.

18 min: „Tyari Yusrefi Bun èn Meki Sma Prèise Yu!”b Fruteri fu san ede furu sma e luku fa wi e du sani te wi e go na wan bigi kongres. Den bun sani di sma e taki e horibaka gi a Kownukondre kotoigi di wi e gi, ma te sma no e taki bun sani fu wi dan dati e meki trawan no wani arki wi. Taki sortu spesrutu sani wi musu du fu sori taki wi abi Kresten eigifasi, èn so srefi taki wi e broko wi ede trutru nanga trawan.

Singi 44 nanga lasti begi.

Wiki Di E Bigin 28 Mei

Singi 28

10 min: Wan tu sani fu a gemeente. Memre den preikiman fu gi den preikiwroko raportu gi a mun mei.

18 min: Sani di a gemeente abi fanowdu.

17 min: „A Wortu fu Gado . . . Abi Krakti”.c Hori so srefi tu demonstrâsi di sreka bun na fesi, di e sori fa syatu pristeri kan poti prakseri na Gado Wortu.

Singi 35 nanga lasti begi.

Wiki Di E Bigin 4 Yuni

Singi 46

12 min: Wan tu sani fu a gemeente èn ondrofenitori fu a preikiwroko.

15 min: „Teki Prati na a Kotiwroko Dorodoro”.d Te yu e taki fu paragraaf 4, dan taki tu fu na eksempre fu A Waktitoren fu 15 september 1996, bladzijde 29, paragraaf 10. Sori tu san son sma e du fu du moro na ini a diniwroko fu den.

18 min: „Wi Wroko a Gebied fu Wi Furu Leisi Kaba!”e A dienstopziener musu hori a pisi disi. (Gemeente di abi kontren di den e wroko wanwan leisi kan luku na artikel baka di nen „Tijdschrift e bariwroko gi a kownoekondre”, fu Wi Kownukondre Dienst, fu april 1998.) Fruteri san a gemeente kan du fu wroko wan gebied moro fini. Fruteri ondrofenitori fu a Jaarboek 1997, bladzijde 204, èn A Waktitoren fu 15 februari 1996, bladzijde 26. Sori o prenspari a de fu skrifi soifri suma yu miti èn den adres fu den sma di no de na oso, èn fu go baka wantewante.

Singi 35 nanga lasti begi.

[Futuwortu]