Schema gi a Diniwroko Konmakandra

WAN SANI FU HORI NA PRAKSERI: Ini Wi Kownukondre Diniwroko wan Diniwroko Konmakandra sa seti gi ibri wiki ini den mun yuli, augustus, nanga september. Den gemeente kan tyari kenki kon te a de fanowdu so taki den kan go na a „Leriman fu Gado Wortu” Distrikt Kongres. Gebroiki 15 miniti fu a lasti Diniwroko Konmakandra bifo wi e go na a kongres, fu taki fu spesrutu rai di wi kan gebroiki èn di skrifi na ini na inlegvel fu Wi Kownukondre Diniwroko fu a mun mei 2001. Na ini a mun oktober, wan heri Diniwroko Konmakandra o seti fu taki fu den heimarki fu a kongres programa. Fu kan sreka wisrefi gi a takimakandra disi, dan wi alamala kan skrifi wan tu prenspari sani te wi de na a kongres. Wi kan skrifi so srefi den penti di wi wani fu gebroiki ini wi eigi libi èn na ini a preikiwroko. Na so wan fasi wi kan de srekasreka fu taki fa wi ben gebroiki den rai disi sensi di wi go na a kongres. A o gi wi trutru deki-ati fu arki fa wi alamala ben nyan bun fu den bun leri di wi ben kisi.

Wiki Di E Bigin 9 Yuli

Singi 2

8 min: Wan tu sani fu a gemeente. Wan tu sani di teki puru fu Wi Kownukondre Diniwroko. Taki fu a tori di skrifi na tapusei di abi fu du nanga den kenki fu a Diniwroko Konmakandra. Sori sortu sani seti fu a Diniwroko Konmakandra fu oktober te wi o taki fu den heimarki fu a distrikt kongres.

17 min: A Diniwroko Raportu gi April. Lezing nanga interview di a dienstopziener o hori. Poti prakseri tapu a preikiwroko raportu fu yu gemeente gi a mun april. Interview difrenti preikiman di ben meki moro muiti ini a diniwroko a mun dati. Meki den fruteri fu a prisiri di den ben kisi fu di den ben teki prati dorodoro èn san den e du fu tan du furu ini a diniwroko.​—Luku na inlegvel fu Wi Kownukondre Diniwroko fu maart 2001, paragraaf 28-30.

20 min: „Yu Kan Dini Pe Moro Wrokoman De Fanowdu?”a Taki tu fu moi ondrofenitori di preikiman fu yu gemeente abi, di den ben wroko farawe kontren noso gebied pe den e preiki wanwan leisi nomo.​—Luku a Bediening-buku, bladzijde 114, 115.

Singi 18 nanga lasti begi.

Wiki Di E Bigin 16 Yuli

Singi 5

10 min: Wan tu sani fu a gemeente. Raportu fu moni afersi.

15 min: Yonguwan​—Prakseri Bun Sortu Wroko Yu Wani Du. Wan papa makandra nanga en tini manpikin noso umapikin e go taki nanga wan owruman di abi ondrofeni nanga grontapu wroko. A tini e denki fu a pisi fu a diniwroko konmakandra fu tu wiki pasa, di ben taki fu a teki di wan yonguwan o teki wan libiwroko. Baka dati a e denki seryusu fu bigin nanga a gewoon pionierwroko ma a no sabi seiker fa a o sorgu gi den sani di a abi fanowdu na materia sei. Na owruman e sori o prenspari a de fu si sani na wan yoisti fasi (A Waktitoren fu 1 september 1999, bladzijde 11, paragraaf 13). A koni fu teki wan sortu skoro di o yepi wan sma fu sorgu ensrefi. Furu sma kisi winimarki fu di den leri wan tu prenspari sani di den kan gebroiki bun; den no ben abi tumusi furu ten nanga moni fanowdu fu leri den sani disi (A Waktitoren fu 1 februari 1996, bladzijde 14; Jonge mensen vragen-buku, bladzijde 178). Makandra den e taki fu na Ontwaakt! fu 8 maart 1996, bladzijde 9-11; den e luku so srefi wan tu bun rai di e sori fa sma kan feni wan wroko noso fa den kan bigin du wan wroko gi densrefi di fiti.

20 min: Jehovah’s Getuigen — Wie zijn zij? Wat geloven zij? (Yehovah Kotoigi?​—Suma Na Den? San Den E Bribi?) Wan takimakandra nanga den arkiman èn wan demonstrâsi. Luku a brochure disi èn sori fa sma kan gebroiki en fu meki trawan kon sabi wi èn so srefi a wroko di wi e du. A brochure e fruteri sma suma na wi (bladzijde 3-5), a e poti prakseri tapu wan pisi fu a disiten historia èn so srefi fu wan tu sani di wi e du (bladzijde 6-11), a e kari den sani di wi e bribi di e sori taki wi nanga den kerki no de wan (bladzijde 12-14). A brochure disi e fruteri fu a bun nyunsu di wi e preiki èn fa wi e du dati (bladzijde 15-21), a e sori fa a wroko di wi e du e yepi a libimakandra (bladzijde 22-24), a e meki sma kon sabi san na a bradafasi fu wi na heri grontapu (bladzijde 25-26), èn a e piki aksi di sma lobi fu poti gi wi (bladzijde 27-31). Demo fa wan preikiman e gebroiki a brochure disi fu piki wan fu den aksi na bladzijde 29 di wan ososma di wani sabi sani, e poti. Baka dati a preikiman disi e fruteri a sma fu a kari di de na a bakasei kafti. Gi ala sma deki-ati fu gebroiki a brochure fu meki famiriman di no de Kotoigi kon sabi wi, fu yepi den gobaka so taki den wani sabi moro, èn fu yepi Bijbel studenti fu kon de wan pisi fu na organisâsi.

Singi 24 nanga lasti begi.

Wiki Di E Bigin 23 Yuli

Singi 7

10 min: Wan tu sani fu a gemeente.

15 min: Sani di a gemeente abi fanowdu.

20 min: „Sreka Yusrefi fu Studeri a Profeititori fu Yesaya!”b Taki syatu fa wi o kisi wini te wi e studeri a buku Yesaya. (Luku kapitel 1, paragraaf 10-12 fu a buku A Profeititori fu Yesaya I.) Gi ala sma deki-ati fu de ala ten na a Gemeente Bukustudie.

Singi 25 nanga lasti begi.

Wiki Di E Bigin 30 Yuli

Singi 43

10 min: Wan tu sani fu a gemeente. Memre den preikiman fu gi den preikiwroko raportu gi a mun yuli.

20 min: Yonguwan​—Luku Bun te Yu E Seti Sani fu Teki Skoroleri. Wan owruman e taki nanga wan tu papa nanga mama nanga den tini pikin fu den fu a teki di sma e teki moro hei skoroleri. Na owruman e teki fesi te den e taki fu A Waktitoren fu 1 september 1999, bladzijde 16-17, paragraaf 11-13. A e poti krakti tapu den reide fu san ede a furuten diniwroko musu de a moro prenspari sani di den wani du (A Waktitoren fu 1 december 1996, bladzijde 18-19, paragraaf 13-15). Dan a grupu e luku a rai fu na Ontwaakt! fu 8 maart 1998, bladzijde 20-21, èn den e poti krakti tapu o prenspari a de fu gebroiki a koni fu man si sani krin te den e wegi go wegi kon san na den winimarki nanga den problema di kan kon te sma e teki moro hei skoroleri. Den e sori krinkrin tu o prenspari a de fu no teki moro skoroleri leki san den abi fanowdu fu man sorgu densrefi ala di den e teki prati fayafaya na a diniwroko. Den alamala e agri taki den musu teki a frumane fu Yesus di e taki dati wi musu poti Kownukondre afersi fosi.—Mat. 6:33.

15 min: Goed nieuws voor alle natiën. Wan takimakandra nanga den arkiman èn wan demonstrâsi. A grupu fu sma di e taki wan tra tongo na ini a kondre disi, e kon moro bigi. Sori fa wi kan gi den sortu sma disi kotoigi te wi e gebroiki a pikin buku di nen Goed nieuws voor alle natiën. Taki syatu fu „Gebruik van deze brochure”, na tapu bladzijde 2, èn kari den tongo di sma na ini a gebied e taki kande. Demo san fu du te yu e miti wan sma di e taki wan tra tongo. Fruteri wan tu bun ondrofenitori fu a fasi fa brada nanga sisa ben du dati na ini yu gebied. A prenspari fu no frigiti fu skrifi na tapu wan formulier di meki spesrutu gi dati, pe a sma di e taki wan tra tongo e tan, èn fu gi a sekretarsi a formulier disi. A sa gi a gemeente noso grupu di e taki a tongo dati na adres (noso a sa gi a Genootschap na adres efu a no abi na adres fu a gemeente dati).​—Luku na inlegvel fu Wi Kownukondre Dienst fu februari 1998, paragraaf 9, 10.

Singi 27 nanga lasti begi.

Wiki Di E Bigin 6 Augustus

Singi 79

5 min: Wan tu sani fu a gemeente.

20 min: Taki fu den prenspari penti fu den artikel „Arki èn Teki Moro Leri”, „Kongres​—Wan Ten fu Prisiri!”, „Sani Orga èn Seti ’na wan Fasi Di Fiti’” èn „Tyari Yusrefi Bun èn Meki Sma Prèise Yu!” fu Wi Kownukondre Diniwroko fu mei 2001.

20 min: „No Frede fu Preiki!”c Efu ten de ete, dan fruteri ondrofenitori fu A Waktitoren fu 15 december 1999, bladzijde 25.

Singi 30 nanga lasti begi.

[Futuwortu]