Schema gi a Diniwroko Konmakandra
Wiki Di E Bigin 10 September
10 min: Wan tu sani fu a gemeente. Wan tu sani di teki puru fu Wi Kownukondre Diniwroko.
13 min: Sani di a gemeente abi fanowdu.
22 min: „Yu E Du Yu Diniwroko Finifini?”a Baka di yu taki fu paragraaf 1-3 nanga den arkiman, hori tu syatu demonstrâsi fu a fasi fa fu pristeri tijdschrift. Gebroiki gi wan fu den demonstrâsi A Waktitoren fu 15 september, èn gi a trawan na Ontwaakt! fu 22 september. Baka di yu taki fu paragraaf 4, demo a pristeri di gi leki eksempre nanga yepi fu a Sabi-buku .
Singi 124 nanga lasti begi.
Wiki Di E Bigin 17 September
15 min: Wan tu sani fu a gemeente. Raportu fu moni afersi. „A De fu Feni ini na Index”. Sori fa fu feni fasi fu pristeri a Libi fu têgo-buku.
15 min: Fa A Waka a Yari Di Pasa Nanga den Sani Di Wi Ben Wani Doro? Lezing di a dienstopziener e hori. Taki fu den heimarki di a gemeente ben doro ini a dienstyari 2001 soleki fa a raportu fu a gemeente e sori. Prèise ala sma fu den bun sani di du. Fruteri fa a ben de nanga a nomru fu sma di ben kon na den konmakandra. Sori tu fa a ben de nanga a teki di den ben teki prati doronomo na a preikiwroko èn fa a ben de nanga a bijbelstudie wroko. Gi wan tu bun rai di e sori fa a gemeente kan du den sani disi moro betre. Kari wan tu bun marki di wan sma kan suku fu doro ini a yari di e kon.
15 min: Aksi Boksu. Wan lezing. Luku a schema di a gemeente abi fu den alawiki preikiwroko konmakandra. Fruteri fa ala sma di e kon na den konmakandra disi kan meki taki a takimakandra abi moro waarde. Gi a gemeente deki-ati fu horibaka gi den seti disi gi a preikiwroko.
Singi 129 nanga lasti begi.
Wiki Di E Bigin 24 September
15 min: Wan tu sani fu a gemeente. Teki den eksempre di gi ini „Sani Di Yu Kan Fruteri fu den Tijdschrift” fu demo tu fasi fu pristeri den tijdschrift. Ini wan fu den demonstrâsi disi yu musu gebroiki A Waktitoren fu 1 oktober èn ini a trawan na Ontwaakt! fu 8 oktober.
30 min: Lobi Gado — Ma No Lobi den Sani fu Grontapu (1 Yoh. 2:15-17). Lezing èn takimakandra nanga a publiki pe unu e taki fu a kring-konmakandra programa di ben hori ini a dienstyari di pasa. Gi preikiman wan kari fu taki fu den prenspari sani di den ben leri èn fu sori fa den noso fa a heri osofamiri fu den, ben man du san den ben leri. (Na fesi yu kan meki mofo nanga wan tu sma.) Taki fu den pisi disi fu a programa: (1) „Lobi gi Gado Na a Krakti Di E Pusu Wi na ini Wi Diniwroko”. A lobi disi e yepi wi fu basi firi di kan meki wi lasi-ati èn di kan meki taki wi no e preiki so furu moro. A kan de so taki wi fruleigi, taki wi e firi dati wi no abi a koni fu preiki, noso taki wi e frede libisma. (2) „Sma Di Lobi Yehovah E Tegu gi San Takru” (w99 1/10 28-31). Efu wi wani abi wan bun matifasi nanga Gado dan wi musu tegu gi den sani di Gado no lobi. Wi no musu tegu wawan gi sani di wi e si krinkrin taki den takru, ma so srefi gi sani di no gersi takru sani. (3) „Suku a Moro Bun Pasi fu Lobi Fayafaya” (w92 15/7 27-30). Wan Korentesma 13:4-8 e sori fu san ede wi e frudrage den onvolmaaktifasi fu trawan nanga pasensi, fu san ede wi no e denki wisrefi nomo èn fu san ede wi no e strei nanga trawan. A tekst e sori wi tu fu san ede meki wi no e fruteri ogri-ati lei fu pori sma nen, èn fu san ede wi e tan getrow na Gado en organisâsi. (4) „Sani na ini Grontapu — Fa Wi E Si Den?” Wi no musu lobi den sani fu grontapu, brokokindi gi skin lostu, meki den lostu fu na ai kori wi, noso prodo tumusi nanga den sani di wi abi fanowdu fu tan na libi. (5) „Te Wi No De Wan Pisi fu Grontapu, dan Dati E Kibri Wi”. Tu Korentesma 6:14-17 e sori fa son bribi, gwenti nanga sani di sma e du kan meki taki Gado no e feni wi bun. Wi musu abi a koni fu man si krin sortu trapu Didibri seti gi wi èn wi musu wai pasi gi den. (6) „Den Pramisi fu Gado gi Den Wan Di Lobi En” (wO86 15/6 5-6). A blesi fu Yehovah e meki taki wi abi moro prisiri ini a libi èn taki wi e kon moro gudu na yeye fasi.—1 Tim. 6:17-19.
Singi 133 nanga lasti begi.
Wiki Di E Bigin 1 Oktober
10 min: Wan tu sani fu a gemeente. Memre den preikiman fu gi den preikiwroko raportu gi a mun september.
15 min: Fa Mi Kan Wroko Moro Bun na Skoro? Wan owruman nanga en uma noso wan dinari ini a diniwroko nanga en uma e taki nanga a skoropikin fu den. Den e broko den ede fu di a pikin no e du en skorowroko bun. Den e luku rai na ini a Jonge mensen vragen-buku, kapitel 18 èn den e taki san a pikin musu du fu wroko moro betre. A papa nanga mama e sori o prenspari a de taki a pikin e kisi bun skoroleri so taki a man gebroiki ala koni di a abi fu meki muiti fu du santa diniwroko.
20 min: „A Sani Dati E Tapu Wi fu Preiki?”b Sori o prenspari a de fu no teki tumusi furu grontapuwroko, te yu e seti sani fu poti Kownukondre afersi na a fosi presi. Meki wan tu osofamiri edeman ini a gemeente fruteri fa den teki a tyalensi fu sorgu gi a moni di na osofamiri abi fanowdu, sondro taki den frigiti den yeye nowtu.
Singi 137 nanga lasti begi.
[Futuwortu]
a Den sani di yu e taki na a bigin no musu teki moro leki wán miniti. Go doro dan nanga wan aksi-nanga-piki takimakandra.
b Den sani di yu e taki na a bigin no musu teki moro leki wán miniti. Go doro dan nanga wan aksi-nanga-piki takimakandra.