Schema gi a Diniwroko Konmakandra
Wiki Di E Bigin 8 Oktober
10 min: Wan tu sani fu a gemeente. Wan tu sani di teki puru fu Wi Kownukondre Diniwroko. Gi ala sma deki-ati fu luku a video di nen Verenigd door Goddelijk onderwijs (A Leri fu Gado E Bondru Sma Kon na Wan), so taki den kan sreka densrefi gi a takimakandra fu a Diniwroko Konmakandra fu a wiki di e bigin 22 oktober. Gebroiki den eksempre di gi na bladzijde 10 fu demo tu syatu pristeri fu den tijdschrift. Na ini wán fu den demonstrâsi disi yu musu gebroiki A Waktitoren fu 15 oktober èn ini a trawan na Ontwaakt! fu 22 oktober.
35 min: „Yu E Du San Yu Ben Leri na a ’Leriman fu Gado Wortu’ Distrikt Kongres?” A Waktitoren-studieleider e hori wan takimakandra nanga den arkiman fu a kongres programa. Baka wan inleiding fu wan miniti, gebroiki 10-12 miniti fu taki fu a programa fu ibriwan fu den dei. Taki syatu fu den prenspari penti fu ibriwan fu den ondro-edeprakseri. Baka dati, gi den arkiman kari fu taki (1) fa den pruberi fu gebroiki a rai, (2) fa den kisi wini di den du dati, èn (3) san den e denki taki den musu du ete. Aksi den sani fu hari na prakseri fu den, so taki a kan tron wan span takimakandra. Yepi ala sma fu frustan o prenspari a de fu du den sani di den leri.
Singi 151 nanga lasti begi.
Wiki Di E Bigin 15 Oktober
10 min: Wan tu sani fu a gemeente. Raportu fu moni afersi.
15 min: Yu Abi „wan Ati Di E Gi Yesi”? (1 Kow. 3:9) Wan owruman e hori wan lezing di e taki fu A Waktitoren fu 15 yuli 1998, bladzijde 29-31. Na owruman e taki fu difrenti fasi fa wi kan sori taki wi e gi yesi fu di wi e wroko makandra nanga a gemeente.
20 min: Gebroiki den Tijdschrift fu Wi na wan Bun Fasi. A dienstopziener nanga a brada di e sorgu gi tijdschrift ini a gemeente e taki dati den e broko den ede nanga a fasi fa a gemeente e prati den tijdschrift. Den e agersi a nomru fu den tijdschrift di a gemeente e kisi ibri mun, nanga a nomru fu den tijdschrift di a gemeente e prati. Soleki fa a sori, dan den brada nanga sisa e hori furu fu den tijdschrift na oso noso e trowe den gowe. Fa preikiman kan gebroiki den tijdschrift fu den na moro bun? Den brada e taki fu den seibi penti ini a pisi fu a Diniwroko Konmakandra di ben hori a wiki fu 4 oktober 1999. A nen fu a pisi disi na „Abi na Prakseri Ala Ten fu Pristeri Tijdschrift!” Den e taki fu na ondrofenitori fu A Waktitoren fu 15 februari 1998, bladzijde 28, 29. Luku fa a gemeente ben kan gebroiki a rai disi. Ala sma e kisi a deki-ati fu gebroiki den pristeri di gi leki eksempre ibri mun ini Wi Kownukondre Diniwroko.
Singi 156 nanga lasti begi.
Wiki Di E Bigin 22 Oktober
10 min: Wan tu sani fu a gemeente. Gebroiki den eksempre di gi na bladzijde 10, fu demo tu syatu pristeri fu den tijdschrift. Na ini wán fu den demonstrâsi disi yu musu gebroiki A Waktitoren fu 1 november èn ini a trawan na Ontwaakt! fu 8 november.
10 min: Fa Yu O Piki? Taki syatu fu bladzijde 221, 222 fu a Redeneren-buku pe wan krinkrin piki gi tapu na aksi: „Fa A Du Kon Taki Yehovah Kotoigi E Fruklari Bijbel na So wan Fasi?” Hori wan demonstrâsi di sreka bun, èn di e sori fa fu piki na aksi disi na wan gobaka; baka dati gi na ososma wan kari na wan switifasi fu kon na den gemeente konmakandra.
25 min: „Verenigd door Goddelijk onderwijs—Wan Video Di E Sori Taki Tru Wánfasi De na Mindri Brada”. Takimakandra nanga den arkiman. Gebroiki a fosi nanga a lasti paragraaf fu bigin èn fu tapu a takimakandra. Poti ibriwan fu den aksi di de na ini na artikel, so taki unu kan abi wan span takimakandra fu a video. Efu sma ini a gemeente go na kongres na ini tra kondre, dan meki den fruteri fa den ben feni en fu si nanga den eigi ai taki brada fu someni kondre ben konmakandra èn taki so wan wánfasi de na ini wi organisâsi. Noso, meki den arkiman fruteri wan tu moi ondrofenitori di skrifi ini a Jaarboek (Yaribuku) fu 1994, bladzijde 7-9, èn na ini a Jaarboek fu 1995 bladzijde 8-11. Na ini december wi o luku a video di nen Tot de einden der aarde (Te na den Farawe Pisi fu Grontapu).
Singi 47 nanga lasti begi.
Wiki Di E Bigin 29 Oktober
12 min: Wan tu sani fu a gemeente. Memre den preikiman fu gi den preikiwroko raportu gi a mun oktober. Na ini november wi o pristeri a San Gado e aksi-brochure noso a Sabi-buku. Demo a syatu pristeri disi: „Ini a ten disi pe ala sani diri, furu sma no abi nofo moni fu bai den sani di den abi fanowdu. Yu e denki taki den tirimakti fu libisma sa lusu a problema disi na wan fasi di sa tyari wini kon gi ala sma? [Gi a sma na okasi fu piki.] Mi si taki a pramisi disi di skrifi na ini Bijbel e gi furu deki-ati”. Leisi Psalm 72:12-14. Gi a sma a San Gado e aksi-brochure noso a Sabi-buku, ala di yu e taki wan sani di fiti fu a publikâsi.
15 min: Sani di a gemeente abi fanowdu.
18 min: „O Bun Yu E Nyan na Yeye Fasi?”a Aksi den arkiman fu gi komentaar tu tapu A Waktitoren fu 15 april 1997, bladzijde 28-31. Meki den fruteri fu san ede èn na sortu fasi wi musu meki muiti fu tan abi a gwenti fu nyan bun na yeye fasi.
Singi 181 nanga lasti begi.
Wiki Di E Bigin 5 November
13 min: Wan tu sani fu a gemeente. Taki fu „A Nyun Spesrutu Dei-konmakandra Programa”. Meki bèkenti sortu dei a spesrutu dei-konmakandra o hori, èn gi ala sma deki-ati fu de na a heri programa. Gi preikiman deki-ati fu gi wan kari na den nyunwan di wani sabi moro èn so srefi na den bijbelstudenti fu den.
16 min: Osofamiri E Sreka Densrefi gi Konmakandra. A papa e taki nanga en osofamiri fu a fasi fa den alamala kan sreka densrefi fu man abi wan bun prati na den konmakandra. Den e sreka wan tu komentaar di den sa gi te a Waktitoren-studie o hori a wiki disi, ala di den e gebroiki den rai na ini A Waktitoren fu 1 yuli 1999 bladzijde 19, 20, paragraaf 9. (1) Ibriwan fu den memre fu na osofamiri e teki wan noso tu aksi di a sa gi piki na tapu. (2) Baka di den luku den paragraaf dati, dan den e luku fa den sa gi a komentaar nanga den eigi wortu. (3) Den e teki den prenspari tekst di skrifi èn den e luku san ibriwan fu den tekst disi abi fu du nanga a tori. Baka dati den e bosroiti san den sa taki fu fiti den tekst na a les. Den alamala de fayafaya fu abi wan prati na a konmakandra.
16 min: „Sortu Marki Wi Wani Doro?”b Poti krakti na tapu o prenspari a de fu yepi studenti fu kon frustan o bun a de fu san ede de musu kon na den gemeente konmakandra. Sori nanga yepi fu demonstrâsi di sreka bun, fa fu yepi studenti fu kon frustan disi, ala di yu e gebroiki kapitel 17, paragraaf 6-8 fu a Sabi-buku.
Singi 186 nanga lasti begi.
[Futuwortu]
a Den sani di yu e taki na a bigin no musu teki moro leki wán miniti. Go doro dan nanga wan aksi-nanga-piki takimakandra.
b Den sani di yu e taki na a bigin no musu teki moro leki wán miniti. Go doro dan nanga wan aksi-nanga-piki takimakandra.