Overzicht gi a Theokrasia Diniwroko-skoro

Overzicht nanga tapu buku, di abi en fondamenti tapu a materiaal fu a Theokrasia Diniwroko-skoro fu den wiki fu 3 september te nanga 24 december 2001. Gebroiki wan aparti pisi papira fu skrifi den piki fu someni aksi di yu man piki na ini a ten di den gi yu pasi fu du dati.

[Wan tu sani fu hori na prakseri: Soso Bijbel wan sma mag gebroiki fu gi piki tapu ibri aksi na ini a ten fu a schriftelijk overzicht. Den bodoi di tanapu baka den aksi de fu yu ondrosuku sani yusrefi. Den bodoi di e sori na sortu Waktitoren yu musu go, no e kari ala ten den bladzijde nanga den paragraaf.]

Gi piki tapu ibriwan fu den fruklari di e kon now efu den Bun noso Fowtu:

1. Fu di bribi na wan froktu fu a yeye fu Gado, meki sma di no abi bribi no e suku a yeye dati. A kan taki den no e suku a yeye nanga a yoisti marki noso den no wani taki a abi krakti tapu a libi fu den (Luk. 11:13; Gal. 5:22). [rs-O blz. 164 par. 1]

2. Psalm 58:4 tru, fu di a tekst disi e taki dati a kobrasneki abi ’yesi’ di no e yere, bika a sortu sneki disi dofu. [Alawiki leisipisi fu Bijbel; luku Rbi8-O blz. 1583.]

3. A „bigi legre” fu uma di Psalm 68:11 e taki fu dati, ben de uma srafu fu tra kondre, di den mansma fu Israèl ben e fri fu katibo te den ben wini den nâsi na den lontu. [Alawiki leisipisi fu Bijbel; luku wO86 15/10 blz. 30 par. 6.]

4. Efu a de so taki te wan sma gebore, noso na fesi fu dati srefi, a ben seti kaba o ten èn na sortu fasi a sma dati o dede, dan reide no ben o de fu luku bun nanga situwâsi di kan tyari wi libi na ini kefar noso fu sorgu taki wi e tan gosontu. Sosrefi, den sani di sma e du fu kibri a libi fu den no ben o meki taki moro mendri sma e dede fu di den kisi mankeri. [rs-O blz. 310 par. 1]

5. Den wortu fu Paulus „no meki no wan sma wisiwasi den yongu yari fu yu” e sori taki Timoteyus ben de wan tini ete noso taki a ben owru pikinso moro leki 20 yari (1 Tim. 4:12). [w99 15/9 blz. 29 par. 1-3; blz. 31 par. 3]

6. Soleki fa a skrifi na Psalm 110:1, dan „mi Masra” e sori go na Yesus. [Alawiki leisipisi fu Bijbel; luku wO94 1/6 blz. 28 par. 5.]

7. Ini Psalm, a nen fu Yehovah de fu feni sowan 700 leisi, èn a syatu fasi fu kari a nen „Yah,” de fu feni sowan 43 leisi. Te yu ben sa teki den nomru disi gersi nanga a nomru fu kapitel na ini Psalm, dan yu ben sa kan taki dati ala nanga ala a nen fu Gado ben o de fu feni sowan 5 leisi na ini ibri kapitel fu Psalm. [si-O blz. 104 par. 23]

8. Aladi den Buku fu Bijbel e taki fu Yesus leki „wan gado”, srefi leki „Tranga Gado”, toku no wan presi a skrifi taki en na a Almaktiwan (Yoh. 1:1; Yes. 9:6; Gen. 17:1). [rs-O blz. 177 par. 3]

9. Te wan sma e studeri a buku Odo, dan te yu luku en bun, a sma dati e studeri a koni di Salomo ben abi fu ensrefi. [si-O blz. 106 par. 1]

10. A rai di Bijbel e gi na Odo 21:17, fu no „lobi prisiri” e sori taki a no bun fu abi prisiri, fu di a e meki taki wi no e poti nofo ten na den sani di de moro prenspari. [Alawiki leisipisi fu Bijbel; luku w97 1/10 blz. 27 par. 7.]

Piki den aksi di e kon now:

11. San a piri-ai di Yesus ben gi Marta na wan safri fasi ben sori? (Luk. 10:40, 41) [w99 1/9 blz. 30 par. 7]

12. Na sortu „glori” Yehovah ben tyari a psalm skrifiman? (Ps. 73:24) [Alawiki leisipisi fu Bijbel; luku wO86 15/12 blz. 28 par. 3.]

13. Fa a psalm skrifiman e denki fu den grani fu du diniwroko, soleki fa a skrifi na Psalm 84:1-3? [Alawiki leisipisi fu Bijbel; luku w97 15/3 blz. 8 par. 5-7.]

14. Fa Openbaring 22:17 nanga Romesma 2:4, 5 e sori taki Yehovah no sabi na fesi sortu bosroiti wan sma sa teki, èn taki a no e seti ala den sani na fesi di wan sma musu du? [rs-O blz. 312 par. 2, 3]

15. Fu di a ben de so taki den fosi Kresten ben bribi na ini a Dusun Yari Tiri fu Yesus, soleki fa a skrifi na ini Openbaring, dan sortu sani meki taki te fu kaba, den Kresten di ben fadon komoto na bribi no ben wani teki a leri disi di komoto fu Gado? [w99 1/12 blz. 6 par. 3–​blz. 7 par. 5]

16. O fara wan Kresten kan go fu sori taki a e ’broko en ede nanga trawan’? San a musu hori na prakseri? (Fil. 2:4) [w99 1/12 blz. 29 par. 1]

17. San den wortu fu Psalm 128:3, di e sori taki manpikin de „leki pransun fu olijfbon” lontu a tafra fu wan man, wani taki? [Alawiki leisipisi fu Bijbel; luku w00 15/8 blz. 30 par. 4.]

18. Efu wi feni taki den wroko fu Gado na sani di e gi sma frede, dan sortu krakti den musu abi na wi tapu? (Ps. 139:14) [Alawiki leisipisi fu Bijbel; luku wO93 1/10 blz. 15 par. 18.]

19. Fu san ede Odo 5:3, 4 e taki dati den bakapisi fu hurudu „bita leki kwasi-bita” èn taki den „srapu leki wan owru di e koti na ala tu sei”? [Alawiki leisipisi fu Bijbel; luku w00 15/7 blz. 29 par. 2.]

20. Soleki fa Odo 14:29 e taki, dan fa koni fu man si sani krin kan yepi wi fu wai pasi gi den bakapisi di sa kon te wi no abi pasensi èn te wi no man basi na atibron fu wi? [Alawiki leisipisi fu Bijbel; luku w97 15/3 blz. 13 par. 7, 8.]

Poti a (den) wortu noso a pisi fu a prakserilin di de fanowdu fu klari ibriwan fu den fruklari di e kon now:

21. Den tru profeiti ben e taki ․․․․․․․ èn ben e meki sma kon sabi ․․․․․․․ (Deut. 18:18-20; 1 Yoh. 4:1-3). [rs-O blz. 404 par. 1, 3]

22. Den Odo abi tu marki namku, fu gi sma ․․․․․․․ èn fu gi ․․․․․․․ (Odo 1:1-4). [w99 15/9 blz. 13 par. 1]

23. „A kibripresi fu a Moro Heiwan” na wan presi di e gi ․․․․․․․ na den wan di e teki a sei fu Gado ini a tori fu ․․․․․․․; gi sma di ․․․․․․․ a de wan sani di „kibri” noso wan sani di den no sabi (Ps. 91:1). [Alawiki leisipisi fu Bijbel; luku wO86 15/12 blz. 29 par. 6.]

24. A de krin taki a frigiti di wi ’no [musu] frigiti ala den sani di Yehovah du’, abi fu du nanga ․․․․․․․ fu „den sani di a e du”, den lobi-ati sani di a e du soleki fa a skrifi na ini a di fu 103 Psalm (Psalm 103:2). [Alawiki leisipisi fu Bijbel; luku w99 15/5 blz. 21 par. 5, 6.]

25. Wan odo na wan syatu fasi fu taki wan sani èn moro furu a de ․․․․․․․ èn a de fu ․․․․․․․ [si-O blz. 107 par. 6]

Teki a yoisti piki na ini ibriwan fu den fruklari di e kon now:

26. Aladi a ben abi leti fu atibron nanga a fasi fa Saul ben handri nanga en, toku David ben man hori ensrefi fu di (a ben sabi taki Saul no ben de volmaakti èn a ben sabi tu taki futuboi fu Gado musu gi sma pardon; a ben hori na prakseri a matifasi di a ben abi nanga Yehovah; a ben sabi taki a no bun fu krutu sma) (1 Sam. 24:6, 15). [w99 15/8 blz. 8 par. 7]

27. (Koni; Trangaleri; Regtfardikifasi) abi fu du nanga furu difrenti sani, soleki frustan, a koni fu man si sani krin, a srapu di wan sma srapu, a krakti fu man denki; (bun-ati; frustan; a man di wan sma man krutu sani na wan yoisti fasi) na a man di wan sma man si a fini fu wan tori, fu di a e si san ala den pisi fu a tori abi fu du nanga makandra, so taki a kan frustan a tori (Odo 1:1-4). [w99 15/9 blz. 13 par. 2]

28. A krakti di Yosef ben abi fu kakafutu gi den morsu sani di a wefi fu Potifar ben du fu kori en, ben kon fu di (a ben sabi a Wet fu Moses, di ben krutu hurudu; a ben abi bigi lespeki gi a hei posisi fu a masra fu na uma dati; a ben si a matifasi di a ben abi nanga Yehovah leki wan warti sani) (Gen. 39:7-9). [w99 1/10 blz. 29 par. 3]

29. A no de fu taki dati a skrifiman fu Psalm 119 ben abi bun furu warderi gi (a wortu, noso wet, fu Gado; a presenti fu a libi; a howpu fu kisi frulusu), di kari na ini pikinmoro ala den vers fu a psalm dati. [Alawiki leisipisi fu Bijbel; luku w99 1/11 blz. 9 par. 5; wO87 15/3 blz. 24 par. 2.]

30. Na ini den fosi tu kapitel fu Paulus en brifi gi den (Romesma; Galasiasma; Hebrewsma) wi e si wan tu pisi di a teki puru fu den Psalm èn di abi fu du nanga a (tumusi hei posisi; dopu; diniwroko na grontapu) fu Yesus Krestes. [si-O blz. 105 par. 28]

Luku sortu wan fu den tekst di e kon now abi fu du nanga den sani di skrifi na ondrosei:

Odo 2:19; 14:15; 18:17; Rom. 10:17; Hebr. 13:18

31. Fu man kisi bribi, wan sma musu kon sabi fosi san a Bijbel e taki èn a musu ondrosuku en finifini. [rs-O blz. 166 par. 1]

32. Kresten no kan du bisnis na wan fasi di no de eerlijk noso na wan fasi di e sori taki den no e hori den reti fu tra sma na ini na afersi disi na prakseri. [w99 15/9 blz. 10 par. 2]

33. Den sma di e du seks hurudu kan go so fara taki sani di den no sa man tapu e pasa nanga den, namku den kan dede, bifo den man kisi densrefi baka na yeye fasi. [w99 15/11 blz. 27 par. 4, 5]

34. Wan koni sma di man si sani krin, sa luku fosi san kan de den bakapisi fu den sani di a sa du èn a no e waka baka wan nyun modo soso fu di a de wan pôpi sani. [Alawiki leisipisi fu Bijbel; luku gO94 8/12 blz. 16 par. 1.]

35. Aladi a sani di wan sma e taki kan gersi leki a tru èn yoisti, toku a bun fu arki ala tu sei fu wan tori bifo yu krutu a tori dati. [si-O blz. 111 par. 36]