„Poti wan sani na wan sei”

Ini a fosi Kresten gemeente, sma ben musu yepi trawan di ben abi moni problema. Iniwan sma di ben kon abi moro ben e kisi a deki-ati fu „poti wan sani na wan sei”, fu yepi lusu den sortu problema disi (1 Kor. 16:1-3). Fu di den ben lobi fu gi bogobogo, meki ala sma ben prisiri èn den ben ’taki Gado tangi nanga furu wortu’.—2 Kor. 9:11, 12.

Ini a ten disi a wroko di Yehovah en pipel e du na heri grontapu e kon moro furu dei fu dei. Disi wani taki dati moro leki oiti moni de fanowdu fu horibaka gi a wroko disi. A e fiti fu dati ede tu taki wi fu wi sei abi a gwenti fu „poti wan sani na wan sei” fu yepi na a fasi disi (2 Kor. 8:3, 4). Wi kan gi na difrenti fasi. (Luku A Waktitoren fu 1 november 2001, bladzijde 28, 29.) A no de fu taki dati wi e si disi leki wan grani di e tyari trutru koloku kon.—Tori. 20:35.