Nyun seti fu wroko nanga den dofuwan

Na ini den mun augustus, september nanga oktober 2001 sani ben seti na ini Suriname fu go na dofu preikiman èn fu yepi dofusma di wani sabi moro fu a waarheid.

Fositron den lezing fu wan distrikt kongres ben vertaal gi dofusma. Moro leki 17 dofusma ben kon na a Bakratongo programa. Sowan 70 brada nanga sisa ben leri tu na ini Bakratongo fa fu taki nanga dofusma noso nanga den wan di no man yere so bun. Sensi 1 oktober 2001 sani seti ini gemeente West na ini Paramaribo, fu vertaal a publikitaki nanga A Waktitoren-studie ibri fosi sonde fu a mun gi den dofuwan. Sowan 25 sma e kon kaba na den konmakandra disi èn a gersi taki moro sma o kon ete.

Wi breiti srefisrefi nanga a moi fasi disi fa sani e waka èn wi wani gi ala sma deki-ati fu du ala san den man fu horibaka gi a nyun seti disi. Grantangi, seni den adres fu den dofuwan di yu e miti na ini a preikiwroko, gi gemeente West. Den o seti den sani so taki preikiman di man yepi dofuwan, o go na ala den sma di dofu noso di no e yere so bun fu fruteri den a bun nyunsu.