Schema gi a diniwroko konmakandra
Wiki di e bigin 8 yuli
15 min: Wan tu sani fu a gemeente. Wan tu sani di teki puru fu Wi Kownukondre diniwroko. Gebroiki den eksempre na tapu bladzijde 4 fu hori tu demonstrâsi di e sori fa fu pristeri A Waktitoren fu 15 yuni èn na Ontwaakt! fu 22 yuni. Sori ini ibriwan fu den demonstrâsi fa wi kan taki go doro nanga sma di e taki „Dyaso wi na Kresten kaba”, fu di den pruberi fu tapu a takimakandra.—Luku a pikin brochure Fa foe bigin èn go doro nanga bijbel takimakandra, bladzijde 10.
10 min: Aksi di opo kon. Wan lezing di wan owruman e hori pe a e sori tu fa den rai fiti a gemeente.
20 min: Fa fu seti sani so taki wi kan preiki na ibri okasi di fiti. Wan takimakandra nanga den arkiman fu a Bediening-buku, bladzijde 95-97. Gebroiki den eksempre na tapu a fosi bladzijde fu na inlegvel fu Wi Kownukondre diniwroko fu yanuari 2002 fu hori dri syatu demonstrâsi. Den demonstrâsi disi musu sori fa wi kan preiki na ibri okasi di fiti gi sma di wi no sabi kwetikweti, gi wan birtisma, gi wan famiriman, noso gi wan sma di wi sabi.
Singi 139 nanga lasti begi.
Wiki di e bigin 15 yuli
10 min: Wan tu sani fu a gemeente. Raportu fu moni afersi.
15 min: Sani di a gemeente abi fanowdu.
20 min: Den bun reide di wi abi fu gebroiki Bijbel ini a preikiwroko fu wi. Wan lezing nanga wan takimakandra nanga den arkiman. Yesus ben sabi den Buku fu Bijbel èn te a ben gi leri a ben sori go na den buku disi furu tron (Luk. 24:27, 44-47). Den sani di a ben e leri sma no ben kon fu en (Yoh. 7:16-18). A de prenspari taki wi sosrefi e gebroiki Gado Wortu. A abi moro krakti leki iniwan sani di wisrefi ben sa kan taki (Yoh. 12:49, 50; Hebr. 4:12). A trowstu nanga a howpu di den Buku fu Bijbel e taki fu den e hari a prakseri fu opregti sma. Meki a de so taki yu abi leki marki fu leisi awinsi wán tekst fu Bijbel nomo te yu e taki makandra nanga sma. Sori den arkiman taki bijbeltekst skrifi ini den eksempre fu a mun disi di e sori fa wi kan pristeri den tijdschrift. Aksi den arkiman fu fruteri fa den ben gebroiki Bijbel ini a preikiwroko èn meki den fruteri tu sortu bakapisi dati ben abi gi densrefi èn gi den sma di den ben preiki gi.
Singi 215 nanga lasti begi.
Wiki di e bigin 22 yuli
10 min: Wan tu sani fu a gemeente. Wan papa noso mama di e wroko makandra nanga en pikin ini a preikiwroko e sori fa wi kan gebroiki den rai na tapu bladzijde 4 fu pristeri den tijdschrift fu 1 yuli nanga 8 yuli. Na ini wan fu den demonstrâsi den e pristeri A Waktitoren èn ini a tra demonstrâsi den e pristeri na Ontwaakt! Gi papa nanga mama deki-ati fu gi den pikin fu den leri na so wan fasi taki den e go na fesi moro nanga moro ini a diniwroko.
17 min: San yu ben o taigi wan sma di e aksi yu wan tu sani fu na Islam bribi? Wan lezing nanga wan demonstrâsi. Gebroiki a buku De mens op zoek naar God, kapitel 12, fu tyari kon na krin heri syatu sortu tori fu Bijbel nanga a Koran e kruderi nanga makandra. (Luku a faki na tapu bladzijde 285.) Sori a difrenti na mindri san na Islam bribi e leri fu a sili (bladzijde 297-300) èn san Bijbel e tyari kon na krin fu a sili. (Luku a futuwortu na tapu bladzijde 299.) Gebroiki a Redeneren-buku, bladzijde 430-434, fu hori wan demonstrâsi di e sori fa wi kan tyari kon na krin gi wan sma di wani sabi moro san Bijbel e taki fu a sili.
18 min: Fa mi kan wai pasi gi den kefar fu na internet? Lezing nanga takimakandra nanga den arkiman di teki fu na Ontwaakt! fu 22 yanuari 2000, bladzijde 19-21. Sori krin sortu takru sani kan pasa efu wan sma no dwengi ensrefi te a e gebroiki na internet, èn tyari kon na krin san wi kan du so taki a sani disi no kisi wi. Aksi den arkiman fu fruteri sortu winimarki den kisi fu di den fiti a rai disi.
Singi 61 nanga lasti begi.
Wiki di e bigin 29 yuli
10 min: Wan tu sani fu a gemeente. Memre den preikiman fu gi den preikiwroko raportu gi a mun yuli.
10 min: „Nyun Kring Konmakandra programa”. Wan lezing. Kari den dei fu a Kring Konmakandra di o kon. Gi ala sma deki-ati fu de drape èn fu arki heri bun te den de na a programa. Gi den preikiman di no dopu ete a deki-ati fu prakseri efu den kan du muiti fu doro den markitiki fu teki dopu. Wi musu du spesrutu muiti fu kari den sma kon di e studeri Bijbel.
25 min: „Wi musu de na ini wánfasi”.a Te yu e taki fu paragraaf 3, dan yu kan fruteri wan tu sani di teki fu na Ontwaakt! fu 22 april 2000, bladzijde 9, 10. Te yu doro paragraaf 4, dan yu kan fruteri wan tu sani di teki fu De Wachttoren fu 1 april 1995, bladzijde 16, 17, paragraaf 4-6.
Singi 81 nanga lasti begi.
Wiki di e bigin 5 augustus
10 min: Wan tu sani fu a gemeente.
20 min: „Tyari pipel fu ala tongo kon na wan”.b Fruteri sosrefi wan tu sani di teki fu A Waktitoren fu 1 april 2002, bladzijde 24. Efu a fiti gi a gemeente, dan tyari syatu kon na krin san den preikiman fu a gemeente e du fu yepi den sma ini a kontren di e taki tra tongo, èn gebroiki a pristeri ini paragraaf 4 fu hori wan demonstrâsi.
15 min: Wan tu ondrofenitori fu a gemeente. Aksi den arkiman fu fruteri wan tu ondrofenitori di e gi deki-ati èn di abi fu du nanga a yepi-pionierwroko noso wan tra yeye afersi di den ben du sensi a fakansi bigin.
Singi 184 nanga lasti begi.
[Futuwortu]
a Den sani di yu e taki na a bigin no musu teki moro leki wán miniti. Go doro baka dati nanga wan aksi-nanga-piki takimakandra.
b Den sani di yu e taki na a bigin no musu teki moro leki wán miniti. Go doro baka dati nanga wan aksi-nanga-piki takimakandra.