Sani di yu kan fruteri fu den tijdschrift

A Waktitoren 15 yul.

„Yu denki taki den ogriwan e kisi strafu ini hel? [Gi a sma na okasi fu piki.] Bijbel e sori wi krin san na a strafu gi sondu. [Leisi Romesma 6:23a.] Yu denki taki hel na wan presi fu faya pe sma e kisi skin-ati? Hel na a situwâsi ini san wan sma de te a no abi wan banti nanga Gado? A tijdschrift disi e piki den aksi disi nanga yepi fu Bijbel.”

Ontwaakt! 22 yul.

„Furu sma e si dòbel leki wan prisiri sani di no fowtu srefisrefi fu du. Trawan e feni taki furu tron dòbel abi takru bakapisi gi osofamiri èn gi a libimakandra. Na Ontwaakt! disi e ondrosuku a gwenti disi fu di a e poti prakseri na sani di sabiman tyari kon na doro no so langa pasa. Kande yu wani leisi tu san Bijbel gronprakseri e taki fu a tori disi.” Fu gi wan eksempre, leisi 1 Timoteyus 6:10.

A Waktitoren 1 aug.

„Furu sma e feni taki kruktubribi nanga gwenti na preiprei sani di e gi sma prisiri nomo. [Sori en wán noso tu sani fu a faki na tapu bladzijde 5.] Oiti yu prakseri fu pe den kruktubribi disi e komoto? [Baka di a sma piki yu, leisi 2 Korentesma 11:14.] A tijdschrift disi e sori yu san Bijbel e taki fu kruktubribi.”

Ontwaakt! 8 aug.

„Furu sma e broko den ede trutru nanga wan tu problema di e kon moro takru dei fu dei, namku ogri di sma e du nanga tranga èn den ogri-ati sani di sma e du fu gens tirimakti. Kande yu e agri nanga den wortu fu Preikiman 8:9. [Leisi a tekst èn gi a sma na okasi fu piki.] Na Ontwaakt! disi e sori san wi kan leri fu a ten di pasa èn fa heri esi wan kaba sa kon na den fasi disi fa sma e basi trawan.”