Schema gi a Diniwroko Konmakandra

Wiki di e bigin 12 augustus

Singi 76

13 min: Wan tu sani. Wan tu sani di teki puru fu Wi Kownukondre diniwroko. Gebroiki den rai na tapu bladzijde 8 fu demo fa wi kan pristeri A Waktitoren fu 15 yuli nanga Ontwaakt! fu 22 yuli. Sori ini ala den tu demonstrâsi sortu sani wi kan taki te wan sma e suku fu tapu a takimakandra fu di a e aksi: „Fu san ede unu e kon so furu?”—Luku a pikin brochure Fa foe bigin èn go doro nanga bijbel takimakandra, bladzijde 12.

20 min: „Poti yeye marki gi yusrefi.”a Te yu e taki fu paragraaf 5, dan yu kan fruteri wan tu sani di e gi deki-ati fu du a gewoon pionierwroko, a wroko leki zendeling nanga a Bethel diniwroko. Den sani disi teki puru fu a Bediening-buku, bladzijde 116-118.

12 min: Wan tu ondrofenitori fu a gemeente. Aksi den arkiman fu fruteri san den ondrofeni di den ben pristeri a traktaat Yu Ben Sa Wani Sabi Moro fu Bijbel? Wan brada noso sisa ben man bigin wan bijbelstudie? Efu dati de so, dan fruteri fa den du dati, noso demo wán noso tu fu den ondrofenitori disi. Taki syatu fu a faki di nen „Okasi fu libi a traktaat na baka” di de fu feni na ini Wi Kownukondre diniwroko fu november 2001, bladzijde 4.

Singi 123 nanga lasti begi.

Wiki di e bigin 19 augustus

Singi 182

12 min: Wan tu sani fu a gemeente. Raportu fu moni afersi. Taki fu „A nyun spesrutu dei konmakandra programa.” Kari a dei fu a spesrutu dei konmakandra di o kon. Gi ala sma deki-ati fu de drape biten èn fu arki heri bun te den de na ala pisi fu a programa. Gi den preikiman deki-ati fu kari den sma kon di wani sabi moro fu Bijbel èn den sma di e studeri Bijbel.

15 min: San e tapu den fu taki nanga wi fu a bribi fu den? Wan takimakandra nanga den arkiman nanga wan demonstrâsi. Te wi e preiki, dan furu tron wi e miti nanga sma di no wani taki nanga wi fu a bribi fu den. Disi de wan problema di kan meki taki wi no man prati a Kownukondre boskopu nanga den sma disi. Efu wi e frustan fu san ede wan sma no wani taki nanga wi fu a bribi fu en, dan disi kan yepi wi fu sreka wan pristeri di sa buweigi en fu fruteri wi fa a e prakseri fu sani. Taki fu a fasi fa wi kan fiti den pristeri fu wi te wi e miti den sortu sma di o kari now: (1) Sma di abi wan mi-no-ke fasi te a abi fu du nanga kerkitori, srefi te a abi fu du nanga den eigi kerki. (2) Sma di e tan hori densrefi na den gwenti fu a bribi fu den, fu di den lobi den gwenti dati èn fu di famiriman nanga afo fu den ben gwenti fu du den sani dati tu. (3) Sma di e firi fruferi fu taki fu den sani di den e bribi fu di den no man sori taki Bijbel e horibaka gi den sani dati. (4) Sma di e denki fowtu sani fu wi fu di den yere wan tu falsi sani di gensman taki fu wi. Efu furu sma na ini a kontren fu yu gemeente abi wan tra fasi fu denki leki san wi kari dyaso, dan yu kan poti prakseri na den sortu sma dati. Hori wan syatu demonstrâsi tu di e sori fa wi kan hari a prakseri fu wan sma, so taki wi kan abi wan takimakandra nanga en fu Bijbel.

18 min: „Sori taki yu de getrow leki Kresten te den puru wan famiriman fu a gemeente” (Paragraaf 1-8).b Wan owruman nanga furu ondrofeni musu hori en, èn a musu gebroiki den aksi di de na ini na artikel. Meki wan brada di de wan bun leisiman, leisi ibri paragraaf nanga wan tranga sten.

Singi 136 nanga lasti begi.

Wiki di e bigin 26 augustus

Singi 189

10 min: Wan tu sani fu a gemeente. Gebroiki den eksempre na tapu bladzijde 8 fu hori tu demonstrâsi. Meki wan gewoon pionier noso wan yepipionier demo fa wi kan pristeri A Waktitoren fu 1 augustus èn meki wan gemeente preikiman sori fa wi kan pristeri Ontwaakt! fu 8 augustus. Gi ala preikiman deki-ati fu gebroiki wan bijbeltekst te den e pristeri den tijdschrift.

17 min: „De wan sma di sabi taki nanga trawan!”c Gi den preikiman deki-ati na a kaba fu a takimakandra, fu luku a kapitel „Opbouwende conversatie” na ini a buku Handleiding voor de Theocratische Bedieningsschool, bladzijde 78-84.

18 min: „Sori taki yu de getrow leki Kresten te den puru wan famiriman fu a gemeente” (Paragraaf 9-14).d Wan owruman nanga furu ondrofeni musu hori en, èn a musu gebroiki den aksi di de na ini na artikel. Meki wan brada di de wan bun leisiman, leisi ibri paragraaf nanga wan tranga sten.

Singi 125 nanga lasti begi.

Wiki di e bigin 2 september

Singi 84

10 min: Wan tu sani fu a gemeente. Memre den preikiman fu gi den preikiwroko raportu gi a mun augustus. Taki syatu fu na artikel „Leisi nanga den pikin foe joe” na ini A Waktitoren fu 1 mei 1999, bladzijde 25.

20 min: Sreka yusrefi fosi yu e go preiki. Wan takimakandra nanga wan demonstrâsi. Te wi sreka wisrefi bun na fesi, dan wi sa abi moro bun bakapisi ini a diniwroko. Fu dati ede, bifo wi e go preiki, dan wi musu du den sani di o kari now: (1) Teki den publikâsi di yu o abi fanowdu. (2) Sorgu taki yu abi nofo oso-fu-oso raportu nanga wan pen noso potlood na yu. (3) Efu wan sma musu poti yu na a kontren pe yu o wroko, dan yu musu sreka sani na fesi gi dati. (4) Prakseri na suma yu wani tyari wan gobaka. (5) Sreka na fesi san yu o taki. Efu yu o hori a preikiwroko konmakandra, dan yu musu sorgu taki nofo kontren de fu wroko. Taki nanga den arkiman fu tu noso dri fasi fa wi kan pristeri Mi boekoe nanga bijbel tori te wi e preiki ini a mun september. Demo wán fu den pristeri disi, èn gebroiki wan bijbeltekst ini a takimakandra.—Luku den rai na ini Wi Kownoekondre Dienst fu november 1995, bladzijde 4.

15 min: Wan tu sani fu a gemeente. Noso yu kan aksi a gemeente fu fruteri san den ben ondrofeni di den ben du okasi-preiki. Kande den ben prati a bun nyunsu nanga sma di ben de na parkeerpresi, na ini bus, na ini wenkri, na wowoyo èn na tra presi pe furu sma e go. Demo wán noso tu fu den ondrofenitori disi.

Singi 99 nanga lasti begi.

[Futuwortu]