Schema gi a Diniwroko Konmakandra

Wiki di e bigin 9 september

Singi 209

13 min: Wan tu sani fu a gemeente. Wan tu sani di teki puru fu Wi Kownukondre diniwroko. Gebroiki den rai na tapu bladzijde 8 fu sori fa wi kan pristeri A Waktitoren fu 15 augustus nanga na Ontwaakt! fu 22 augustus. Sori ini ala den tu demonstrâsi sortu sani wi kan taki te wan sma e suku fu tapu a takimakandra fu di a e taki: „Mi no abi belangstelling gi Yehovah Kotoigi.”—Luku a pikin brochure Fa foe bigin èn go doro nanga bijbel takimakandra, bladzijde 9.

17 min: „Yepi trawan fu gi Yehovah glori”.a Efu ten de ete gi dati, dan taki fu wán noso tu sani di wi kan gebroiki bun èn di de fu feni na ini a Redeneren-buku, bladzijde 213-215.

15 min: Fu san ede furu sma e mankeri bribi? Wan takimakandra nanga den arkiman. Furu tron wi e miti nanga sma di no abi nofo bribi (2 Tes. 3:2). Efu wi wani prati den tru tori fu Yehovah nanga den, dan wi musu kon sabi fosi sortu sani abi krakti tapu a fasi fa den e prakseri fu Gado. Poti prakseri na fo sani di kan tapu sma fu kisi bribi. Den sani disi skrifi na ini a Redeneren-buku, bladzijde 164, 165. Aksi den arkiman fu fruteri san wi kan taki ini ibriwan fu den fo situwâsi di kari. Fruteri wan ondrofenitori fu wan pristeri di ben wroko bun, noso taki fu na ondrofenitori na ini na Ontwaakt! fu 22 augustus 1993, bladzijde 14, 15.

Singi 122 nanga lasti begi.

Wiki di e bigin 16 september

Singi 163

10 min: Wan tu sani fu a gemeente. Raportu fu moni afersi. Gi ala sma deki-ati fu luku den edepenti baka di den ben skrifi na a lasti Kring Konmakandra. Na so fasi den kan sreka densrefi gi a Diniwroko Konmakandra di o hori tra wiki.

18 min: Fa a waka a yari di pasa nanga den marki di wi ben wani doro? Lezing di a dienstopziener e hori. Taki fu den heimarki di a gemeente ben doro ini a dienstyari 2002 soleki fa a raportu fu a gemeente e sori. Prèise ala sma fu den bun sani di du. Fruteri fa a ben de nanga a nomru fu sma di ben kon na den konmakandra. Sori tu fa a ben de nanga den gobaka èn a bijbelstudie wroko èn fa a ben de nanga a yepi-pionierwroko. Gi wan tu bun rai di e sori fa a gemeente kan du den sani disi moro bun. Kari wan tu bun marki di wan sma kan poti ini a yari di e kon.

17 min: Den tyalensi fu papa nanga mama di no abi trowpatna. Wan owruman e taki nanga wán noso tu papa noso mama di no abi trowpatna (noso a trowpatna fu den no de wan Kotoigi). A e luku nanga den fa den e kakafutu gi problema di e kon te den e gi leri na den pikin fu den, te den e gi den trangaleri èn te den e tiri den na yeye fasi. Fa den man sorgu na osofamiri fu den, aladi den e go na den konmakandra èn e go ini a preikiwroko doronomo tu? Poti prakseri na wan tu fu den rai di skrifi na ini a Kolokoe osofamiri-buku, bladzijde 104-110. Taki fu wan tu fasi fa tra sma kan yepi, soleki fa bladzijde 113-115 e tyari den kon na krin.

Singi 149 nanga lasti begi.

Wiki di e bigin 23 september

Singi 107

10 min: Wan tu sani fu a gemeente. Meki wan owruman demo fa fu pristeri A Waktitoren fu 1 september èn meki wan dinari ini a diniwroko demo fa fu pristeri na Ontwaakt! fu 8 september. Gebroiki den rai na tapu bladzijde 8. Na a kaba fu ibri demonstrâsi, dan yu kan kari ete wan leisi a fosi noso den tu fosi prakserilin di den ben gebroiki fu hari a prakseri fu na ososma.

10 min: Sani di a gemeente abi fanowdu.

25 min: „Frede Gado èn gi en glori” (Openb. 14:7). Wan lezing nanga wan takimakandra nanga den arkiman fu a Kring Konmakandra programa di ben hori ini a dienstyari di pasa. Gi a gemeente wan kari fu taki fu den prenspari sani di den ben leri èn fu sori fa den, noso den famiriman fu den, ben man du san den ben leri. (Yu kan meki mofo na fesi nanga wan tu sma.) Taki fu den pisi disi fu a programa: (1) „Yepi nyun sma fu kon kisi frede gi Gado.” Fa wi kan yepi den sma di wani sabi moro fu Bijbel èn di ben kon na a Memrefesa, fu go na fesi èn tron fayafaya futuboi fu Yehovah? (2) „Frede gi Yehovah wani taki fu tegu gi san takru” (wO87 15/4 16-18). Wan tu sani de di Yehovah no lobi kwetikweti, soleki heimemrefasi, lei, a feti na baka materia sani, prisiriten di no bun, noso a gebroiki di sma e gebroiki na Internet na wan fowtu fasi. Fa Odo 6:16-19 kan yepi wi fu drai baka gi den sani disi? (3) „Tan kweki wan moro krosibei banti nanga den wan di yu lobi.” Wi lobi Yehovah, Yesus, famiriman èn tra sma ini a gemeente. Efu wi kweki wan moro krosibei banti nanga den sma disi, dan fa dati kan kibri wi gi grontapu? (4) „Frede Yehovah, no frede libisma.” Fa frede gi Yehovah ben yepi yu fu no syen moro fu preiki èn fu hori yusrefi na den gronprakseri fu Gado na yu wrokope noso na skoro? Èn fa a frede disi yepi yu fu kakafutu gi a druk fu yu wrokobasi, so taki yu no misi den gemeente konmakandra, den bigi konmakandra noso den kongres? (5) „Du ala sani nanga a marki fu gi Gado glori” (Ps. 119:37; Hebr. 4:13). Fu san ede frede gi Gado musu tapu wi fu dringi sopi pasa marki, fu luku doti seks tori, noso fu du sondu kibrikibri? (6) „Tan waka nanga frede gi Yehovah.” Fa Yehovah ben blesi yu fu di yu gi pasi taki en yeye wroko ini yu libi dorodoro?—Ps. 31:19; 33:18; 34:9, 17; 145:19.

Singi 171 nanga lasti begi.

Wiki di e bigin 30 september

Singi 116

15 min: Wan tu sani fu a gemeente. Memre den preikiman fu no frigiti fu gi den preikiwroko raportu fu a mun september. Taki fu na artikel „Kownukondre zaal bow-programa e go na fesi”.

15 min: San meki taki den tijdschrift fu wi de so aparti? Wan lezing nanga wan takimakandra nanga den arkiman. Ini oktober wi sa pristeri A Waktitoren nanga Ontwaakt! Taki fu den sani di e meki den tijdschrift de so aparti: (1) Den e hori a nen fu Yehovah hei. (2) Den e gi sma deki-ati fu poti bribi ini Yesus. (3) Den e meki Gado Kownukondre bekènti. (4) Den e poti prakseri na Bijbel leki a moro prenspari buku. (5) Den e tyari a kontru fu Bijbel profeititori kon na krin. (6) Den e tyari kon na krin san den sani di e pasa na grontapu wani taki trutru. (7) Den e sori sma fa den kan kakafutu gi den problema fu now. (8) Den e hari a prakseri fu ala sortu sma. (9) Den no e teki sei ini politiek afersi. Hori tu syatu demonstrâsi, èn sori ini ibriwan fu den demonstrâsi fa wi kan gebroiki den penti di kari fu bigin wan takimakandra.

15 min: „Sori warderi gi den theokrasia publikâsi”.b Wan owruman musu hori en. Fruteri tu fa a situwâsi disi de na ini a gemeente èn san a gemeente kan du fu gebroiki den publikâsi fu wi na wan bun fasi. Gi ala sma deki-ati fu no aksi moro publikâsi leki san den o gebroiki trutru. Memre den taki wi abi a grani fu horibaka na moni sei gi a wroko di e du na heri grontapu.—Luku „Prati nanga tra sma akroederi san den abi fanowdoe” na ini Wi Kownoekondre Dienst fu november 1996, bladzijde 3.

Singi 21 nanga lasti begi.

Wiki di e bigin 7 oktober

Singi 129

10 min: Wan tu sani fu a gemeente.

15 min: Opo taki gi a waarheid te yu de na skoro. Taki nanga tu yongu preikiman di bigin kaba nanga skoro èn di e frustan taki den no musu abi furu demakandra nanga den pikin fu a klas fu den di no de na bribi. San den o du te den kisi fu du nanga tyalensi noso tesi di abi fu du nanga seremonia fu a kondre, dansi fesa, nanga bigi konmakandra di e hori na skoro fu seti wan tori? Fa den o handri te den kisi fu du nanga sport di no e du na skoroten, noso te den kisi fu du nanga fasi fu tyari densrefi di no krin? Meki den fruteri tu fa den o preiki na skoro.

20 min: „No feti baka den ’soso sani’”.c Te yu kaba taki fu paragraaf 4, dan yu kan fruteri wan tu sani fu na inlegvel fu Wi Kownoekondre Dienst fu november 1999, paragraaf 30-32. Te yu e taki fu paragraaf 5, dan yu kan fruteri wan tu sani fu a faki na ini De Wachttoren fu 1 oktober 1994, bladzijde 8. Leisi paragraaf 6, makandra nanga paragraaf 18 fu na inlegvel fu november 1999.

Singi 105 nanga lasti begi.

[Futuwortu]