Schema gi a Diniwroko Konmakandra
Wiki di e bigin 14 oktober
10 min: Wan tu sani fu a gemeente. Wan tu sani di teki puru fu Wi Kownukondre diniwroko. Gi ala sma deki-ati fu leisi Numeri kapitel 25, nanga Inzicht deel 2 bladzijde 353, paragraaf 1-3, èn fu luku a video Warning Examples for Our Day (Eksempre fu warskow wi gi a ten disi), baka dati. Na so fasi den kan sreka densrefi gi a takimakandra di o hori na a Diniwroko Konmakandra ini a wiki fu 28 oktober. Gebroiki den rai na tapu bladzijde 8 fu sori fa wi kan pristeri A Waktitoren fu 15 september nanga na Ontwaakt! fu 22 september. Sori ini ala den tu demonstrâsi sortu sani wi kan taki te wan sma e suku fu tapu a takimakandra fu di a e taki: „Mi sabi ala sani kaba fu a wroko fu unu.”—Luku a pikin brochure Fa foe bigin èn go doro nanga bijbel takimakandra, bladzijde 12.
15 min: Sani di a gemeente abi fanowdu.
20 min: „A fasi fa Gemeente Bukustudie opziener kan poti prakseri na trawan”. Aksi-nanga-piki takimakandra di wan Gemeente Bukustudie opziener musu hori. Ini den sani di yu e taki na a bigin, fruteri syatu fa a seti fu a Bukustudie ben bigin (jv-O 237, par. 4). Aksi tu noso dri preikiman na fesi fu fruteri sortu wini den ben kisi fu di sma ben poti spesrutu prakseri na den tapu a Gemeente Bukustudie.
Singi 65 nanga lasti begi.
Wiki di e bigin 21 oktober
10 min: Wan tu sani fu a gemeente. Raportu fu moni afersi.
35 min: „Kisi winimarki dorodoro fu a ’Fayafaya Kownukondre preikiman’ Distrikt Kongres”. A Waktitoren-studiefesiman musu hori en. Den sani di yu taki na a bigin no musu teki moro leki wán miniti. Baka dati, go doro nanga wan takimakandra nanga den arkiman fu a programa fu a distrikt kongres, aladi yu e gebroiki den aksi di skrifi na ini na artikel. Gebroiki a ten di yu kisi na wan bun fasi. Yu ben sa kan fruteri syatu wan tu sani di o yepi den arkiman fu memre den prenspari sani baka. Te a fiti, dan aksi den arkiman fa den ben gebroiki den sani di den leri ini den aladei libi, èn sortu wini den e kisi fu di den e du dati.
Singi 194 nanga lasti begi.
Wiki di e bigin 28 oktober
8 min: Wan tu sani fu a gemeente. Gi ala sma deki-ati fu luku den edepenti baka di den ben skrifi na a lasti spesrutu dei konmakandra. Na so fasi den kan sreka densrefi gi a Diniwroko Konmakandra di o hori tra wiki. Memre den preikiman fu no frigiti fu gi den preikiwroko raportu fu a mun oktober. Meki wan sisa demo fa fu pristeri A Waktitoren fu 1 oktober èn meki wan brada demo fa fu pristeri na Ontwaakt! fu 8 oktober. Gebroiki den rai na tapu bladzijde 8. Na a kaba fu ibri demonstrâsi, dan poti prakseri syatu na wan bun sani ini a pristeri.
12 min: Ondrofenitori fu a gemeente. Aksi a gemeente fu fruteri san den ondrofeni di den ben de na pasi fu go na a distrikt kongres, san den ondrofeni di den ben komoto fu a distrikt kongres, noso san den ondrofeni na a distrikt kongres. A gemeente kan fruteri sosrefi san den ondrofeni di den ben e du okasi-preiki na a wrokope fu den, na skoro, na wenkri, noso na wan tra presi.
25 min: „Wan seryusu kari fu poti prakseri na eksempre di de wan warskow gi a ten fu wi”. Den sani di yu taki na a bigin no musu teki moro leki wán miniti. Baka dati, go doro wantewante nanga wan takimakandra nanga den arkiman fu ibri aksi di skrifi na ini na artikel. Ini december wi sa luku a video No Blood—Medicine Meets the Challenge.
Singi 41 nanga lasti begi.
Wiki di e bigin 4 november
10 min: Wan tu sani fu a gemeente. Luku syatu baka wan tu fu den rai di skrifi na ini na inlegvel fu Wi Kownukondre diniwroko fu yanuari 2002. Den rai disi e sori fa wi kan pristeri a San Gado e aksi-brochure nanga a Sabi-buku. Demo wán fu den pristeri disi.
13 min: No e syen gi a bun nyunsu (Rom. 1:16). Yonguwan di abi wan problema e go na en papa. Yongu sma e draidrai fu meki den speri fu en kon sabi taki en na wan Kotoigi fu Yehovah, fu di a e frede taki den o spotu en. Papa e taki a yonguwan tangi fu di a e taki na wan eerlijk fasi fu na afersi. A e fruteri san Petrus ben du di a ben kisi fu du nanga a druk fu den speri fu en (Mat. 26:69-74). A papa e gi a rai disi: Wi no musu syen noiti fu di wi na Kresten (Mark. 8:38). A bun fu meki sma na skoro kon sabi taki yu na wan Kotoigi. Te den sma di e gi leri na skoro sabi taki yu na wan Kotoigi, dan furu fu den o lespeki san yu e bribi èn den no o pruberi fu meki yu teki prati na sani di yu no feni bun kwetikweti. Yonguwan di no e hori densrefi na gronprakseri kande no o pruberi fu dwengi yu fu tyari yusrefi na wan fasi di no fiti. Tra pikin fu yu klas o frustan moro makriki fu san ede yu no e meki mofo nanga wan boi noso nanga wan meisje. Den o frustan sosrefi fu san ede yu no e teki prati na sport noso tra sani di no e du na skoroten. Efu ten libi ete, dan a papa nanga a yonguwan e taki fu wan tu penti na ondro na ondro-edeprakseri „Openlijk voor je vriendschap met God uitkomen” na ini a Jonge mensen vragen-buku, bladzijde 315-318. Tini e taki dati a e warderi a bun rai.
22 min: Saka unsrefi na Gado ondro—Kakafutu gi Didibri (Yak. 4:7). Wan owruman e gebroiki den aksi di skrifi dyaso fu hori wan moi takimakandra nanga den arkiman. Den o taki fu a programa fu a spesrutu dei konmakandra di ben hori ini a dienstyari di pasa. Aksi a gemeente fa den ben man fiti san den leri. (Yu kan meki mofo na fesi nanga wan tu sma). Taki fu den pisi disi fu a programa: (1) „Wi e saka wisrefi na Gado ondro na ini wan grontapu di de ini katibo”. Fu san ede wi musu luku bun ala ten fu no kon ini den trapu fu grontapu? (2) „Sori taki yu e saka yusrefi na Gado ondro leki memre fu wan osofamiri”. Fu san ede a de prenspari ini Yehovah organisâsi taki memre fu osofamiri e tranga a banti di den abi nanga makandra? Fa wi kan du dati? (3) „Yepi nyun disipel fu tanapu kánkan na Yehovah sei”. Fa wi kan yepi den nyunwan fu wini problema di de wan tesi gi a bribi fu den? (4) „San a wani taki fu kakafutu gi Didibri”. San na a tyori fu man kakafutu na wan bun fasi gi Didibri? Fa a yeye fetisani fu san Efeisesma 6:11-18 e taki kan kibri wi? (wO92 15/5 21-23). (5) „Yonguwan di man kakafutu gi a godelowsuwan” èn „Yonguwan di e kisi winimarki fu di den e saka densrefi na Gado ondro”. San na wan tu fu den triki fu Satan di yongu sma musu luku bun nanga den? Fa yonguwan kisi wini te den saka densrefi na Yehovah ondro? (wO90 1/8 13, 14, par. 15-17). (6) „Kisi winimarki fu di yu e saka yusrefi na Gado ondro”. Tyari kon na krin fa Kresten e sori taki den e saka densrefi na ondro lanti tirimakti èn na ondro den grontapu basi fu den, èn fa den e sori sakafasi ini na osofamiri èn ini a Kresten gemeente. Sortu fasi o yepi wi fu du dati?
Singi 185 nanga lasti begi.