Overzicht gi a Theokrasia Diniwroko-skoro
Overzicht nanga tapu buku, di abi en fondamenti tapu a materiaal fu a Theokrasia Diniwroko-skoro fu den wiki fu 2 september te nanga 23 december 2002. Gebroiki wan aparti pisi papira fu skrifi den piki fu someni aksi di yu man piki na ini a ten di den gi yu pasi fu du dati.
[Wan tu sani fu hori na prakseri: Soso Bijbel wan sma mag gebroiki fu gi piki tapu ibri aksi na ini a ten fu a schriftelijk overzicht. Den bodoi di tanapu baka den aksi de fu yu ondrosuku sani yusrefi. Den bodoi di e sori na sortu Waktitoren yu musu go, no e kari ala ten den bladzijde nanga den paragraaf.]
Gi piki tapu ibriwan fu den fruklari di e kon now efu den bun noso fowtu:
1. A prakseri di wi e prakseri dipi fu den kefalek moi eigifasi fu Yehovah, na wan prenspari sani di e yepi wi abi wan tranga banti nanga en (Ps. 143:5). [w00 15/10 blz. 4 par. 6]
2. Den tu tiki di ben e tron wán, fu san Esekièl 37:15-24 e taki, e prenki wan sani di pasa na ini a ten disi, namku taki na ini 1919 den getrow salfuwan ben tyari kon na wán ondro Krestes, di de a „wan-enkri kownu” èn a „wan-enkri skapuman” fu den. [Alawiki leisipisi fu Bijbel; luku w88 15/9 blz. 25 par. 13.]
3. Sabiman di e ondrosuku Bijbel tweifri efu den sani di skrifi ini a buku Danièl na tru tori. Ma owruten sani di sabidensiman feni ini den yari di pasa, rutu ala den fruklari fu den puru. [si-O blz. 138 par. 4]
4. Te den sani di wi yere e kon fu wan sma di abi wan frantwortu posisi, noso fu wan sma di e taki dati a sabi furu sani, dan wi no abi nowan enkri reide fu prakseri taki a sani di a sma tyari kon na fesi, no tru. [w00 1/12 blz. 29 par. 7, 8]
5. Den wortu „den pikin profeiti” e fiti, fu di den e sori krin taki den lasti 12 buku fu den Hebrew Buku fu Bijbel no de so prenspari. [si-O blz. 143 par. 1]
6. Amos ben de wan fu „den manpikin fu den profeiti” di Yehovah ben kari èn a ben seni en go na Israel nanga Yuda fu taki profeititori (2 Kow. 2:3). [si-O blz. 148 par. 1]
7. Obadya 16 e taki na fesi dati den Edomsma ben o pori gowe, fu di den ben sori bita-ati fasi gi Yuda (Obad. 12). [Alawiki leisipisi fu Bijbel; luku wO89 15/4 a faki na tapu blz. 30.]
8. A „soifri tongo” fu san Sefanya 3:9 e taki, abi fu du nanga a yoisti fasi fu frustan den tru tori fu Gado nanga den prakseri fu en. [Alawiki leisipisi fu Bijbel; luku w01 15/2 blz. 27 par. 18.]
9. Yesus ben firi wan hebi banawtu na ini a dyari fu Getseimanei, fu di a ben broko en ede nanga a fasi fa a dede fu en leki wan tegu ogriman, ben o abi krakti tapu Yehovah èn tapu a santa nen fu en (Mat. 26:38; Luk. 22:44). [w00 15/11 blz. 23 par. 1]
10. A profeititori na Sakaria 9:6, 7 e fruteri fu a „Filisteasma” di sa „tron leki wan granman na Yuda”. A „Filisteasma” e sori go na den memre fu den tra skapu na ini a ten disi di e kisi leri fu „a getrow èn koni srafu” èn di e kisi moro frantwortu te dati de fanowdu (Mat. 24:45). [Alawiki leisipisi fu Bijbel; luku w95 1/7 blz. 23 par. 14.]
Piki den aksi di e kon now:
11. Fa wi kan agersi a frantwortu di wi tyari fu preiki nanga a frantwortu di Esekièl ben tyari leki wan waktiman? (Esek. 33:1-11) [Alawiki leisipisi fu Bijbel; luku wO88 1/1 blz. 28 par. 13.]
12. Sortu sani di pasa na ini a ten disi ben agersi san Esekièl ben si ini a fisyun fu den drei bonyo? (Esek. 37:5-10) [Alawiki leisipisi fu Bijbel; luku wO88 15/9 blz. 24 par. 12.]
13. San na a moro prenspari sani di e buweisi taki Gado meki sma skrifi a buku Sakaria nanga yepi fu santa yeye? [si-O blz. 169 par. 5]
14. San a foto di Esekièl si ini wan fisyun e prenki? (Esek. 48:15-17) [Alawiki leisipisi fu Bijbel; luku w99 1/3 blz. 18 par. 22.]
15. Fa Yesaya 2:2-4 e yepi wi kon frustan taki den sani di e feni presi na ini a ten disi na ini Israel, no de wan kontru fu Bijbel profeititori? [rs-O blz. 240 par. 2]
16. San wi kan leri fu a fasi fa Danièl ben handri di a kownu ben komanderi taki dritenti dei langa nowan sma no musu begi na nowan gado noso libisma, boiti na a kownu wawan? (Dan. 6:7-10) [Alawiki leisipisi fu Bijbel; luku dp blz. 125, par. 25-28.]
17. Sortu boskopu fu Yehovah a fikapisi e meki bekènti di e meki taki den de leki wan lew na mindri den pipel? (Mika 5:8) [Alawiki leisipisi fu Bijbel; luku wO81 15/10 blz. 23 par. 10.]
18. San Habakuk 3:14 wani taki, pe skrifi dati „nanga den eigi isri tiki fu en yu ben boro na ede fu den fetiman fu en”? [Alawiki leisipisi fu Bijbel; luku w00 1/2 blz. 22 par. 15; wO81 1/11 blz. 30 par. 4, 5.]
19. San a wortu „kande” na ini Sefanya 2:3 wani taki? [Alawiki leisipisi fu Bijbel; luku w01 15/2 blz. 19 par. 8.]
20. San Yehovah ben du na ini a yari 1919 èn baka dati, di de wan sani di libisma no man frustan, soleki fa Sakaria 8:6 e sori? [Alawiki leisipisi fu Bijbel; luku w96 1/1 blz. 16 par. 18, 19.]
Poti a (den) wortu noso a pisi fu a prakserilin di de fanowdu fu klari ibriwan fu den fruklari di e kon now:
21. Wi e taki nanga Yehovah nanga yepi fu ․․․․․․․, san wani taki dati wi e taki nanga Gado na wan lespeki fasi. A moro prenspari sani di Yehovah e gebroiki fu taki nanga wi, na en ․․․․․․․ (Ps. 65:2; 2 Tim. 3:16). [w00 15/10 blz. 5 par. 2, 3]
22. Wi e kon sabi taki Yesus Krestes na Mikael, te wi e agersi Yudas 9 nanga 1 Tesalonikasma 4:16 (Da Bijbel na ini Sranantongo). Na ini 1 Tesalonikasma 4:16 Bijbel e sori taki Yesus Krestes e gi a komando fu meki na opobaka bigin „․․․․․․․”. Boiti dati, a nen Mikael wani taki „․․․․․․․”, èn soleki fa a sori, a nen disi e sori krin taki Yesus e teki fesi fu hori a reti di Yehovah abi fu tiri hei èn fu pori den feanti fu Gado. [rs-O blz. 234 par. 4–blz. 235 par. 1]
23. Na ini ․․․․․․․ „a wortu ben go na doro fu meki Yerusalem kon bun baka èn fu bow en baka”. Na ini a yari dati den 69 yariwiki ben bigin, èn den kon na wan kaba di a Mesias ben sori ensrefi na ini ․․․․․․․. (Dan. 9:25) [Alawiki leisipisi fu Bijbel; luku dp blz. 190 par. 20–blz. 191 par. 22.]
24. Yoèl 2:31 e taki dati a son sa kon dungru, èn dati e kruderi nanga Mateyus 24:29, 30 pe ․․․․․․․ e taki dati a sa kon leki a Manpikin fu libisma nanga ․․․․․․․. [si-O blz. 147 par. 13]
25. A profeititori di ․․․․․․․ ben taki fu Asiria nanga a mamafoto fu en, ․․․․․․․, e hei a retidu fu Yehovah, èn e prèise en leki a Moro Heiwan èn dati e gi wi a dyaranti taki Yehovah sa gi den ogriwan a strafu di den musu kisi. [si-O blz. 160 par. 11]
Teki a yoisti piki na ini ibriwan fu den fruklari di e kon now:
26. A buku Esekièl e sori krin taki Yehovah (e gi wi bun furu sani; abi sakafasi; santa) èn e meki wi kon sabi taki a moro prenspari sani di wi musu du na fu (tyari kenki kon ini a fasi fa wi de; meki Yehovah nen kon santa; de wan sma di e libi bun nanga tra sma). [si-O blz. 137 par. 33]
27. Esekièl, di ben libi ini a srefi ten leki Danièl, ben sori taki Danièl ben de wan man di ben e libi trutru, fu di a ben kari en makandra nanga (Noa nanga Yob; Moses nanga Yosua; Elia nanga Elisa). [si-O blz. 138 par. 2]
28. A ston di e naki a popki èn e masi en, soleki fa Danièl 2:34, 35, 45 e taki, na (Armagedon; den krakti krutu boskopu di Gado pipel e meki bekènti; a Kownukondre fu a Mesias). [si-O blz. 142 par. 20, 23]
29. A nâsi fu sprenka na agersi fasi, fu san Yoèl 1:4-6 e taki, e prenki (a nâsi Israel; den salfu Kresten; den legre fu Rome). (Tori. 2:1, 14-17) [Alawiki leisipisi fu Bijbel; luku w98 1/5 blz. 9 par. 9.]
30. „A kownukondre fu en lobi Manpikin” di Kolosesma 1:13 e taki fu en, na (a Kownukondre fu a Mesias; a tiri di Yesus e tiri a Kresten gemeente fu sensi a Pinksterfesa fu 33 G.T.; a Dusun Yari Tiri fu Krestes). [rs-O blz. 249 par. 3]
Luku sortuwan fu den tekst di e kon now abi fu du nanga den sani di skrifi na ondrosei:
Hos. 6:6; Yoèl 2:32; Sak. 4:6, 7; 13:3; Rom. 12:2
31. Wi no musu gi pasi meki den markitiki fu a grontapu disi na a sei fu kulturu noso na tra sei, abi krakti tapu wi prakseri. [w00 1/11 blz. 21 par. 6]
32. Yehovah e prisiri nanga den sani di wi e du di e sori taki wi lobi en trutru fu di wi sabi en, a no e prisiri nanga wan lo ofrandi di wi e tyari leki wan plekti. [Alawiki leisipisi fu Bijbel; luku si-O blz. 145 par. 16.]
33. Efu wi wani kisi frulusu, dan a de prenspari taki wi sabi a sma di en nen na Yehovah, taki wi lespeki en èn taki wi frutrow na tapu en. [Alawiki leisipisi fu Bijbel; luku wO89 15/3 a faki tapu blz. 30.]
34. Gado e du san a abi na prakseri, no nanga yepi fu libisma krakti, ma nanga yepi fu en yeye, di e yepi den futuboi fu en fu wini bigi tyalensi èn fu horidoro ini a diniwroko fu En. [si-O blz. 169 par. 2]
35. A getrowfasi fu den sma na ini Yehovah organisâsi, de prenspari moro leki iniwan matifasi na mindri libisma, soleki a tranga banti na mindri krosibei famiriman. [si-O blz. 171 par. 24]