Wan tu sani

◼ Sani di wi sa pristeri na ini februari: Joe kan libi foe têgo na ini wan paradijs na grontapu. Maart: Pristeri a Sabi-buku èn meki muiti fu bigin oso-bijbelstudie. April nanga mei: Pristeri A Waktitoren noso Ontwaakt! Te yu e go baka na den sma di wani sabi moro, kande den wan di e kon na a Memrefesa noso na tra konmakandra ma di no abi demakandra nanga a gemeente doronomo, dan suku fu prati a buku Aanbid de enige ware God. Meki ala muiti fu bigin wan oso-bijbelstudie, spesrutu efu son sma ben studeri a Sabi-buku nanga a San Gado e aksi-brochure kaba.

◼ A fesiman opziener noso wan tra sma di a aksi fu du dati, musu luku den moni afersi fu a gemeente tapu 1 maart noso so esi leki a kan baka dati. Te disi du kaba, dan taki fu disi na ini a gemeente, baka te unu leisi a raportu fu moni afersi fu a mun di pasa. Leisi iniwan brifi di e sori taki a gemeente horibaka gi a wroko di e du na heri grontapu noso gi iniwan tra fonsu fu na organisâsi.

◼ A sekretarsi nanga a dienstopziener musu luku a wroko fu ala den gewoon pionier. Efu wan fu den pionier abi problema fu doro den yuru leki gewoon pionier, dan den owruman musu seti sani fu yepi en. Efu unu wani sabi fa fu du dati, dan unu kan luku na alayari S-201 brifi. Luku sosrefi paragraaf 12-20 fu na inibere pisi fu Onze Koninkrijksdienst fu augustus 1986.

◼ A nen fu a spesrutu publikitaki di musu hori na a ten fu a Memrefesa fu 2003 sa de „A yuru fu Babilon doro kaba fu kisi krutu?”. Luku den sani di abi fu du nanga a publikitaki na ini Wi Kownukondre diniwroko fu september 2002.

◼ Fu di a seti fu seni abonnement tijdschrift gi sma no de moro, meki a de prenspari taki te den gemeente kisi den nyun Waktitoren nanga Ontwaakt! tijdschrift, dan den musu gi den preikiman disi so esi leki a kan. Na so wan fasi den preikiman kan abi den eigi tijdschrift èn den sa sabi san skrifi na ini den tijdschrift disi bifo den e pristeri den na ini a preikiwroko.