Schema gi a Diniwroko Konmakandra

Wiki di e bigin 10 maart

Singi 5

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Gebroiki den rai na tapu bladzijde 8 èn sori na ini tu demonstrâsi fa fu pristeri A Waktitoren fu 15 februari nanga na Ontwaakt! fu 22 februari. Ini ala den tu demonstrâsi den preikiman musu pristeri A Waktitoren nanga Ontwaakt! makandra, aladi den e taki fu wán fu den tijdschrift nomo.

15 min: Kisi wini fu a Jaarboek 2003. Wan lezing nanga takimakandra nanga den arkiman. Taki fu den prenspari penti fu „Wan brifi fu a Tiri Skin”, na tapu bladzijde 5, 6 fu Wi Kownukondre diniwroko fu februari 2003. Seti sani na fesi so taki wan tu preikiman kan fruteri sortu spesrutu tori nanga ondrofenitori ben gi den deki-ati èn ben tranga den bribi. Taki fu den heimarki fu a raportu fu heri grontapu. Gi den osofamiri deki-ati fu leisi a heri buku bun na ini a yari dati. Gi wan tu eksempre na sortu fasi wi kan gebroiki a buku fu yepi nyun wan so taki den kan kon na ini na organisâsi fu Yehovah èn gi den deki-ati fu go na den konmakandra.

20 min: „Meki wi de sma di de fayafaya fu du san bun!”a (Paragraaf 1-12) Baka te yu taki fu paragraaf 6, dan meki wan preikiman hori wan syatu demonstrâsi pe a e gi wan famiri, wan birtisma, wan sma fu en skoro, noso wan sma fu en wrokope wan kari fu kon na a Memrefesa, nanga yepi fu a papira pe a kari disi skrifi. Efu den papira disi fu gi sma wan kari gi a Memrefesa no prati ete, dan den musu prati baka a konmakandra.

Singi 19 nanga lasti begi.

Wiki di e bigin 17 maart

Singi 34

10 min: Wan tu sani fu a gemeente. Raportu fu moni afersi.

15 min: De koni te yu e teki mati. Wan lezing di wan owruman e hori di teki puru fu na Ontwaakt! fu 22 februari 1997, bladzijde 13, èn fu na ondro ede-prakseri „Slechte omgang” di de na tapu bladzijde 318 fu a Redeneren-buku. Sori fa den gronprakseri disi fiti gi yongusma nanga bigisma. Poti prakseri na den winimarki di wan sma e kisi te a e teki mati di lobi Yehovah èn di e sori taki den e meki muiti fu hori densrefi na den markitiki fu En.

20 min: „Meki wi de sma di de fayafaya fu du san bun!”b (Paragraaf 13-26) A fesiman opziener musu hori a pisi disi. Te yu e luku paragraaf 14, dan hori wan syatu demonstrâsi pe wan owruman e go na wan brada di siki, fu gi en deki-ati. A musu sori na wan switifasi fa a brada dati kan abi wan prati makandra nanga a gemeente, fu du moro na ini a preikiwroko na a pisi ten fu a Memrefesa.

Singi 53 nanga lasti begi.

Wiki di e bigin 24 maart

Singi 72

10 min: Wan tu sani fu a gemeente. Gebroiki den rai na tapu bladzijde 8 èn sori na ini wan demonstrâsi fa fu pristeri A Waktitoren fu 1 maart nanga na Ontwaakt! fu 8 maart.

15 min: Sani di a gemeente abi fanowdu.

20 min: Yehovah Kotoigi abi wan bun krakti tapu a libimakandra. Wan lezing nanga takimakandra nanga den arkiman. Ten na ten wi abi na okasi fu sori fa a diniwroko nanga na eksempre fu wi e tyari winimarki gi a libimakandra. Aksi den arkiman fu taki wan sani fu den penti di e kon now: (1) Wi e leri sma fu libi akruderi Bijbel markitiki di e sori den fa den kan tyari densrefi na wan fasi di fiti. (2) Wi e leri sma fu no bedrigi trawan èn fu lespeki tirimakti. (3) Wi e leri sma fu libi na ini wánfasi nanga tra sma fu ala sortu ras, fu ala sortu kondre, èn nanga sma di abi wan hei posisi noso wan lagi posisi na ini a libimakandra. (4) Wi e yepi trawan fu abi wan moro bun libi na ini na osofamiri fu di wi e gi den deki-ati fu libi akruderi Bijbel markitiki. (5) Wi leri dusundusun sma fa fu leisi èn skrifi. (6) Wi e meki tranga muiti fu yepi trawan di kisi fu du nanga rampu. (7) Wi ben abi wan bigi prati fu yepi taki ala sma fri fu anbegi suma den wani.​—Luku a Verkondigers-buku, bladzijde 699.

Singi 121 nanga lasti begi.

Wiki di e bigin 31 maart

Singi 130

12 min: Wan tu sani fu a gemeente. Memre ala sma fu gi den preikiwroko raportu gi a mun maart. Taki fu den publikâsi di wi sa pristeri na ini april. Taki fu a pisi „Gebroiki na Anbegi Gado-buku fu hori bijbelstudie”. Taki fu den moro prenspari penti fu „Sani di wi musu hori na prakseri gi a Memrefesa”.

13 min: Ondrofenitori fu a gemeente. Aksi a gemeente fu fruteri sortu prisiri sani den ondrofeni na ini a mun maart, di den ben du moro na ini a preikiwroko. Prèise den fu a muiti di den e meki, èn gi ala sma deki-ati fu teki prati na ini a preikiwroko so furu leki den man na ini a mun april.

20 min: „Yehovah musu kisi bun furu prèise”.c Poti krakti tapu o prenspari a Memrefesa de. Sori fa ala sma kan yepi trawan so taki den kan de na a Memrefesa. Tyari kon na krin san wi kan du fu miti den wan di no e preiki moro so taki den kan kisi a firi baka fu wani go na ini a preikiwroko. Aksi den arkiman fu fruteri wan tu moi ondrofenitori fu a Memrefesa fu a yari di pasa.

Singi 173 nanga lasti begi.

Wiki di e bigin 7 april

Singi 191

10 min: Wan tu sani fu a gemeente.

15 min: Fa fu taki-go-taki-kon nanga yepi fu den Buku fu Bijbel. Wan takimakandra nanga den arkiman. Fa wi kan kisi a koni fu taki-go-taki-kon na wan bun fasi nanga sma na ini a preikiwroko? (1) Kon sabi den Buku fu Bijbel bun fu di yu e studeri èn e go na den konmakandra doronomo. (2) Denki dipi fu den sani di yu leri, èn prakseri fu difrenti fasi fa yu kan gebroiki den tru tori. (3) No suku nomo san den bijbeltekst wani taki, ma luku sosrefi fu san ede Bijbel e fruklari den tekst na so wan fasi. (4) Prakseri fa yu sa fruklari bijbeltekst gi difrenti sortu sma. (5) Prakseri sortu eksempre yu kan gi te yu e taki fu spesrutu penti.

20 min: „Fa a waarheid kan meki wi kon fri”.dTaki wan tu sani fu a faki na tapu bladzijde 6 fu A Waktitoren fu 1 oktober 1998. Aksi den arkiman fu fruteri fa a waarheid fu Gado Wortu meki den kon fri.

Singi 217 nanga lasti begi.

[Futuwortu]