Schema gi a Diniwroko Konmakandra

HORI NA PRAKSERI: Wi Kownukondre diniwroko sa abi wan Diniwroko Konmakandra programa gi ibri wiki ini den mun te fakansi de. Den gemeente kan kenki a programa te a de fanowdu, so taki den kan go na a „Gi Gado glori” Distrikt Kongres. Pe a de fanowdu, gebroiki 15 miniti fu a lasti Diniwroko Konmakandra bifo a kongres, fu taki spesrutu fu sani di teki puru fu na inibere pisi fu Wi Kownukondre diniwroko fu a mun disi. Taki fu den pisi di fiti a gemeente. Na ini oktober wi sa gebroiki wan heri Diniwroko Konmakandra fu luku den edepenti fu a kongres programa ete wan leisi. Ibriwan fu wi kan teki sreka gi a takimakandra dati, fu di wi alamala sa skrifi den prenspari sani di wi sa yere na a kongres. Wi kan skrifi sosrefi wan tu sani di wisrefi wani fiti na ini wi libi èn san wi wani gebroiki na ini a preikiwroko. Dan wi sa man gi trawan deki-ati fu di wi e fruteri den fa wi ben man gebroiki den rai di wi kisi na a kongres.

Wiki di e bigin 14 april

Singi 20

15 min: Wan tu sani fu a gemeente. Wan tu sani di teki puru fu Wi Kownukondre diniwroko. Gebroiki den rai na tapu bladzijde 8 fu sori na ini tu demonstrâsi fa wi kan pristeri A Waktitoren fu 15 maart nanga na Ontwaakt! fu 22 maart. Ini ala den tu demonstrâsi den musu pristeri A Waktitoren nanga Ontwaakt! makandra, ma a preikiman musu poti prakseri na wán fu den tu tijdschrift nomo.

10 min: Aksi di opo kon. Wan lezing di wan owruman sa hori.

20 min: „De leki sma di e skèin leti”.a Tapu a takimakandra fu di yu e taki feifi miniti fu wan sani di teki puru fu A Waktitoren fu 1 yuni 1997, bladzijde 14, 15, paragraaf 8-13. Poti krakti na tapu fu san ede wi no e kibri nowan sani te a abi fu du nanga a Kownukondre boskopu.

Singi 134 nanga lasi begi.

Wiki di e bigin 21 april

Singi 25

10 min: Wan tu sani fu a gemeente. Raportu fu moni afersi.

15 min: „Kon makandra fu prèise Yehovah”.b Gebroiki den aksi di skrifi. Gi ala sma deki-ati fu de na a kongres ala den dri dei, fu freida mamanten te go miti sonde bakadina. Sori o prenspari a de fu du san wi leri èn taki a no sari fu yere nomo. Te unu sa luku den edepenti fu a kongres baka, dan luku a pisi di de na a bigin fu a bladzijde disi di e taki fu den sani di seti gi a Diniwroko Konmakandra fu oktober. Gi ala sma deki-ati fu skrifi wan tu sani gi densrefi di den wani gebroiki.

20 min: „Efu wan sma kan tan sondro fu trow, dan meki a du so”.c Taki sosrefi nanga wán noso tu sma di no trow èn di e gebroiki a ten di den abi fu meki den Kownukondre afersi go na fesi. Meki den fruteri san e yepi den fu de koloku na ini a diniwroko fu den.

Singi 35 nanga lasti begi.

Wiki di e bigin 28 april

Singi 51

10 min: Wan tu sani fu a gemeente. Memre den preikiman fu gi den preikiwroko raportu gi a mun april. Gebroiki den rai na tapu bladzijde 8 fu sori na ini tu demonstrâsi fa wi kan pristeri A Waktitoren fu 1 april nanga na Ontwaakt! fu 8 april.

15 min: „De wan eksempre na ini a du fu bun wroko”.d Gebroiki den aksi di skrifi. Sori o prenspari a de fu hori wisrefi na ala den sani di seti gi den wan di abi wan sribipresi fanowdu na a ten te a kongres e hori. Den sani disi seti na so wan fasi taki wi kan kisi wini fu dati. Fruteri fu san ede a prenspari taki wi alamala e tyari wisrefi na wan fasi di fiti.

20 min: „Te wi e tyari gobaka, dan wi sa man bigin bijbelstudie”.e Wan owruman musu hori en èn a musu gebroiki den aksi di skrifi. Aksi den arkiman fu gi syatu ondrofenitori fu a preikiwroko di abi fu du nanga den sani di tyari kon na fesi na ini a pisi disi. Te yu e taki fu paragraaf 5, dan demo wan ondrofenitori fu a presi drape pe wan sma ben opo wan bijbelstudie.

Singi 89 nanga lasti begi.

Wiki di e bigin 5 mei

Singi 120

10 min: Wan tu sani fu a gemeente. Luku den rai syatu di de na ini Wi Kownukondre diniwroko fu april 2002, bladzijde 2, na a pisi di nen „Seti sani na fesi gi a fakansi”.

20 min: „Wi e sori lespeki gi Gado te wi e weri krosi di fiti”.f Wan owruman musu hori en. Gebroiki den aksi di skrifi. Meki wan brada di e leisi bun, leisi ibriwan fu den paragraaf.

15 min: Wan bun nyunsu e gi prisiri (Odo 15:30). Wan takimakandra nanga den arkiman fu sori sortu bakapisi a gemeente ben abi fu di den meki spesrutu muiti na ini den mun maart nanga april. Aksi a gemeente fu fruteri wan tu moi ondrofenitori di abi fu du nanga den sani di e kon now: (1) yepi wan sma di wani sabi moro fu kon na a Memrefesa, (2) dini leki yepipionier, (3) gi wan preikiman di no ben preiki moro, deki-ati so taki a kan bigin preiki baka, (4) yepi wan nyunwan fu bigin nanga a preikiwroko, èn (5) yepi den sma di ben kon na a Memrefesa fu kon sabi moro. Sreka sani na fesi so taki wan tu preikiman kan gi piki tapu disi. Prèise a gemeente èn gi ala sma deki-ati fu meki muiti fu du den sani disi na ini a ten di e kon.

Singi 126 nanga lasti begi.

[Futuwortu]