Schema gi a Diniwroko Konmakandra

Wiki di e bigin 12 mei

Singi 1

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Gebroiki den rai na tapu bladzijde 8 fu hori tu demonstrâsi di e sori fa fu pristeri A Waktitoren fu 15 april nanga na Ontwaakt! fu 22 april. Pristeri ala tu tijdschrift na ini den demonstrâsi, aladi yu e taki fu wán tijdschrift nomo. Meki a preikiman taki tu dati a sma kan gi moni fu horibaka gi a preikiwroko di e du na heri grontapu.

20 min: Papa nanga mama​—Yepi den pikin fu unu fu go na fesi. Wan lezing di e taki fu den edepenti fu bladzijde 9-12 nanga bladzijde 21-38 fu a Diniwroko-skoro-buku. Gi papa nanga mama deki-ati fu gebroiki wan tu fu den rai disi te den e hori na osofamiri studie. Den musu du disi nanga a marki fu leri den pikin fu go na fesi na ini a diniwroko. Poti prakseri na spesrutu penti di kan yepi yonguwan fu du den diniwroko moro bun.

15 min: „Wi kisi a frantwortu fu preiki a bun nyunsu”.a Seti sani na fesi so taki wán noso tu preikiman e fruteri syatu fa den ben kenki sani na ini den libi so taki den man du moro na ini a preikiwroko.

Singi 46 nanga lasti begi.

Wiki di e bigin 19 mei

Singi 62

15 min: Wan tu sani fu a gemeente. Raportu fu moni afersi. Taki fu „Wrokoman fu difrenti kondre na grontapu e bow Kownukondre zaal na ini wan tu kondre fu Europa”. Sori taki sma e horibaka gi a bow-wroko fu di den e gi moni na a Kownukondre zaal fonsu so taki Kownukondre zaal kan bow na ini kondre di e pina, en sosrefi na ini a kondre pe a bijkantoro de.

15 min: Sani di a gemeente abi fanowdu.

15 min: „Prèise Yehovah fu di yu e gi kotoigi na ibri okasi”. Wan lezing èn takimakandra nanga den arkiman. Te yu e taki fu paragraaf 3, dan aksi den arkiman fa den kan bigin wan Bijbel takimakandra nanga sma di den e miti na den difrenti presi disi: (1) te den e bai sani na wowoyo, (2) te den de na ini wan bus, (3) te wan birtisma e wroko na ini en dyari, (4) te den de na wroko èn e taki nanga wan sma fu den wrokopresi, nanga (5) te den de na skoro èn e taki nanga wan pikin fu den klas. Seti sani na fesi so taki wan preikiman e fruteri wan ondrofenitori, pe a e sori taki a kisi bun bakapisi fu di a ben gi kotoigi di a kisi wan okasi.

Singi 135 nanga lasti begi.

Wiki di e bigin 26 mei

Singi 174

10 min: Wan tu sani fu a gemeente. Memre ala den preikiman fu gi den preikiwroko raportu gi a mun mei. Gebroiki den rai na tapu bladzijde 8 fu hori tu demonstrâsi di e sori fa fu pristeri A Waktitoren fu 1 mei nanga na Ontwaakt! fu 8 mei. Pristeri ala tu tijdschrift na ini den demonstrâsi, aladi yu e taki fu wán tijdschrift nomo. Na a kaba fu wán fu den demonstrâsi yu kan gi na ososma di no ben wani teki den tijdschrift a traktaat Yu Ben Sa Wani Sabi Moro fu Bijbel?

10 min: Aksi di opo kon. Wan lezing. Luku syatu den rai di de na ini Wi Kownukondre diniwroko fu februari 2001 na tapu bladzijde 6, paragraaf 12-15 di e sori fa fu gi kotoigi nanga yepi fu telefon, noso luku tra rai di yu ben man gebroiki bun na ini yu kontren.

25 min: „A wortu fu Gado na waarheid”.b Gebroiki den aksi di skrifi. Gi den arkiman wan kari fu taki fa den ben kisi yepi fu leri sabi a waarheid fu di wan preikiman ben gebroiki Bijbel fu piki den aksi fu den. Te yu e taki fu paragraaf 4, dan meki wan preikiman di abi ondrofeni sori na ini wan demonstrâsi fa fu gebroiki Bijbel na a fosi leisi te a e miti wan sma. Meki a gebroiki wan tu fu den rai di de na ini na artikel „Gebroiki Gado Wortu na wan reti fasi”.​—km 12/01 blz. 1 par. 3, 4.

Singi 188 nanga lasti begi.

Wiki di e bigin 2 yuni

Singi 210

10 min: Wan tu sani fu a gemeente. Luku wán noso tu rai baka na ini na inibere pisi fu Wi Kownukondre diniwroko fu yanuari 2002 di ben sori fa fu pristeri a San Gado e aksi-brochure nanga a Sabi-buku.

20 min: Gado wani taki wi musu abi wan krin trowlibi. Wan lezing èn takimakandra nanga den arkiman. Na ini furu kondre a de wan gwenti taki wan man nanga wan uma e libi makandra sondro fu trow na lanti. Son sma e taki dati den abi winimarki te den no trow na lanti. Tyari kon na krin fa Bijbel e si a tori disi, èn sori taki Gado na a sma di seti a trowlibi (rs-O blz. 202, 203). Te wan man nanga wan uma e libi makandra sondro fu trow dan dati na hurudu (fy blz. 17). Kontrari fu san furu sma e denki, dan ondrosuku e sori taki furu tron a trowlibi no e waka bun te wan man nanga wan uma e libi makandra bifo den trow (g02-O 8/3 blz. 29; g92-O 8/9 blz.28; g91-O 8/5 blz. 28). Kresten e gi Yehovah grani te den e libi akruderi den markitiki fu en. Densrefi sa kisi winimarki tu te den e du disi.​—Yes. 48:17, 18.

15 min: Sortu wini yu e kisi? A skoro-opziener musu hori wan takimakandra nanga den arkiman. Na ini yanuari wi ben bigin nanga wan nyun seti na a Theokrasia Diniwroko-skoro. Luku syatu baka san na den nyun sani di wi e du na a skoro. Poti krakti tapu den winimarki di wi kisi teleki now. Moro sma gi den nen fu de na a skoro? Den sma wani teki prati na a skoro nanga moro prisiri? Sortu wini den studenti e kisi fu a nyun seti disi pe den e kisi rai? Gi den arkiman wan kari fu fruteri fa densrefi kisi wini teleki now. Meki den fruteri tu na sortu fasi den denki dati a nyun programa disi sa yepi den na ini a ten di e kon.

Singi 225 nanga lasti begi.

[Futuwortu]