Schema gi a Diniwroko Konmakandra

Wiki di e bigin 11 augustus

Singi 101

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Gebroiki den rai na tapu bladzijde 8 fu hori tu demonstrâsi di e sori fa fu pristeri A Waktitoren fu 15 yuli nanga na Ontwaakt! fu 22 yuli. Pristeri ala tu tijdschrift na ini den demonstrâsi, aladi yu e taki fu wán tijdschrift nomo. Sori na ini wan fu den demonstrâsi san wan preikiman kan du te wan sma e pruberi fu tapu a takimakandra fu di a e taki: „Mi abi furu fu du”.​—Luku a pikin buku Fa foe bigin èn go doro nanga bijbel takimakandra, bladzijde 11.

15 min: „De leki Yehovah fu di yu e sori bunfasi”.a Aksi den arkiman fu gi wan syatu ondrofenitori di e sori taki den ben man gi kotoigi fu di den sori switifasi. Prèise a gemeente fu a muiti di den e meki fu yepi wi brada nanga sisa.

20 min: „Den blesi fu a pionierwroko”.b Gebroiki den aksi di skrifi. Aksi wán noso tu pionier fu taki sortu blesi den kisi fu di den e du a pionierwroko. Taki dati den wan di wani go na ini a pionierwroko kan kisi a pionier-papira na a sekretarsi.

Singi 11 nanga lasti begi.

Wiki di e bigin 18 augustus

Singi 82

12 min: Wan tu sani fu a gemeente. Raportu fu moni afersi. Taki fu „Nyun Spesrutu Dei Konmakandra programa”. Taki o ten a spesrutu dei konmakandra sa hori èn gi ala sma a deki-ati fu de drape. Efu a spesrutu dei konmakandra sa hori na ini wan fu den mun di e kon, dan taki dati den wan di wani teki dopu kan gi den nen na a fesiman opziener.

15 min: „Wroko di e gi krakti baka”.c Seti sani na fesi so taki tu noso dri sma e taki fa a Kresten diniwroko e gi den krakti baka.

18 min: „Meki wi sorgu bun gi na anbegi presi fu wi”.d (Paragraaf 1-5) Gebroiki den aksi di skrifi. Te yu e taki fu paragraaf 3 nanga 4, dan taki sortu sani a gemeente ben seti fu krin a Kownukondre zaal. Poti prakseri na iniwan sani di de fanowdu. Prèise a gemeente fu a muiti di den e meki fu tan hori a presi fu a tru anbegi na wan fasi di fiti.

Singi 114 nanga lasti begi.

Wiki di e bigin 25 augustus

Singi 175

10 min: Wan tu sani fu a gemeente. Gebroiki den rai na tapu bladzijde 8 fu hori tu demonstrâsi di e sori fa fu pristeri A Waktitoren fu 1 augustus nanga na Ontwaakt! fu 8 augustus. Pristeri ala tu tijdschrift na ini den demonstrâsi, aladi yu e taki fu wán tijdschrift nomo. Sori na ini den tu demonstrâsi fa wan papa noso wan mama nanga en tini manpikin noso tini umapikin, e sreka densrefi fu du a tijdschrift wroko. Meki den luku syatu ibriwan fu den pristeri di gi, èn baka dati den kan hori a demonstrâsi.

15 min: Sani di a gemeente abi fanowdu.

20 min: Teki deki-ati fu preiki (1 Tes. 2:2). Wan lezing èn takimakandra nanga den arkiman. Sori fu san ede furu sma e frede fu preiki a Kownukondre boskopu gi trawan. Srefi den sma di e preiki furu yari kaba e frede fu preiki gi trawan. Taki fu wan tu ondrofenitori di de fu feni na ini A Waktitoren fu 1 december 1999, bladzijde 25; A Waktitoren fu 15 december 1999, bladzijde 25; nanga De Wachttoren fu 1 april 1996, bladzijde 31. Aksi den arkiman fu fruteri fa den ben kisi deki-ati fu preiki a bun nyunsu na wan okasi pe den ben frede fu du dati. Tapu a takimakandra fu di yu e gi den arkiman deki-ati fu suku a krakti fu Yehovah. A sani disi teki puru fu A Waktitoren fu 15 december 1999, bladzijde 23, 24.

Singi 125 nanga lasti begi.

Wiki di e bigin 1 september

Singi 84

10 min: Wan tu sani fu a gemeente. Memre den preikiman fu gi den preikiwroko raportu fu a mun augustus. Taki fu den sani di wi sa pristeri na ini september. Seti sani na fesi so taki wán noso tu sma kan fruteri wan moi ondrofenitori di e sori fa den ben gi kotoigi na wan okasi di den ben de na pasi fu go na a distrikt kongres, noso di den de na a kongres srefi, noso na wan tra okasi na ini a fakansi.

15 min: Yu e go baka na den sma soleki fa yu ben pramisi? Wan lezing èn takimakandra nanga den arkiman di teki puru fu A Waktitoren fu 15 september 1999, bladzijde 10, 11, na a ondro-edeprakseri „Tra fasi fu du san wi pramisi”. Te wi e miti sma na ini a diniwroko fu wi di sori taki den wani sabi moro, dan furu tron wi e seti sani fu go baka na a sma. Wi e hori wisrefi na a pramisi fu go baka na a sma? Luku den Bijbel gronprakseri di e gi wi a deki-ati fu hori wisrefi na a pramisi di wi meki. Aksi den arkiman fu fruteri ondrofenitori di e sori sortu bun bakapisi den ben abi di den ben hori densrefi na a pramisi fu go baka wantewante na wan sma.

20 min: „Meki wi sorgu bun gi na anbegi presi fu wi”.e (Paragraaf 6-12) Gebroiki den aksi di skrifi. Sori o prenspari a de fu hori a Kownukondre zaal moi, poti spesrutu prakseri na a faki na tapu bladzijde 5. Taki sosrefi syatu fu a Kownukondre zaal pe yu de, èn taki tu fu iniwan sani di seti fu meki a zaal kon bun baka.

Singi 41 nanga lasti begi.

[Futuwortu]