Schema gi a Diniwroko Konmakandra

Wiki di e bigin 13 oktober

Singi 215

10 min: Wan tu sani fu a gemeente èn wan tu sani di teki puru fu Wi Kownukondre diniwroko. Gi ala sma deki-ati fu luku den prenspari penti baka fu a kongres di den ben skrifi, so taki den kan sreka densrefi gi a Diniwroko Konmakandra fu tra wiki te wan takimakandra sa hori nanga den arkiman fu a „Gi Gado glori” kongres programa. Wi sa gebroiki den aksi na tapu bladzijde 1. Gebroiki den rai na tapu bladzijde 8 fu hori tu demonstrâsi di e sori fa fu pristeri A Waktitoren fu 15 september nanga Ontwaakt! fu 22 september. Pristeri ala tu tijdschrift na ini den demonstrâsi, aladi yu e taki fu wán tijdschrift nomo. Sori na ini wan fu den demonstrâsi fa wan preikiman e tyari wan gobaka na wan sma di e teki den tijdschrift doronomo. Poti prakseri na a faki „Na ini a Waktitoren di o kon” so taki yu kan opo na okasi fu man go baka na a sma a tra leisi.​—Luku Wi Kownoekondre Dienst fu oktober 1998 blz. 8, par. 7, 8.

20 min: „Dini Yehovah nanga prisiri”.a (Ala sma musu tyari na inibere pisi fu Wi Kownukondre diniwroko fu yanuari 2002, gi a takimakandra disi.) Baka te yu taki fu paragraaf 4, dan yu kan taki dati wi sa pristeri a San Gado e aksi-brochure nanga a Sabi-buku na ini november. Luku wan fu den pristeri syatu baka, di de na ini na inibere pisi fu Wi Kownukondre diniwroko fu yanuari 2002. Sori na ini wan demonstrâsi fa wan sma e sreka ensrefi fu hori a pristeri disi. Gi ala sma deki-ati fu sreka densrefi bun gi a preikiwroko.

15 min: Wi e kisi blesi te wi e hori bijbelstudie. Wan lezing èn takimakandra nanga den arkiman. Taki fu wan tu ondrofenitori di teki puru fu den publikâsi fu wi di e sori fa bijbelstudie meki moi go na fesi (w00 1/3 blz. 6; yb98-O blz. 55-60). Aksi den arkiman fu taki san wi e leri fu den ondrofenitori èn na sortu fasi wi kan kisi blesi te wi e hori bijbelstudie.

Singi 172 nanga lasti begi.

Wiki di e bigin 20 oktober

Singi 86

5 min: Wan tu sani fu a gemeente.

40 min: „Den Distrikt Kongres nanga den Internationaal Kongres e gi wi deki-ati fu gi Gado glori!” Wan owruman musu hori a pisi disi. Baka te yu taki wan tu sani na a bigin di teki wán miniti noso moro mendri leki dati, dan hori wan takimakandra nanga den arkiman fu a kongres programa. Gebroiki den aksi na ini na artikel. Prati a ten bun, so taki yu kan poti prakseri na ala den aksi; kande a de fanowdu fu gi wán piki nomo na son aksi. A no ala den tekst musu leisi na ini a ten di yu kisi fu hori a pisi disi. Den tekst disi poti fu feni den piki tapu den aksi moro makriki. Te den sma e gi piki, dan den musu poti prakseri na den winimarki di den kisi fu di den du den sani di den ben leri.

Singi 112 nanga lasti begi.

Wiki di e bigin 27 oktober

Singi 64

12 min: Wan tu sani fu a gemeente. Raportu fu moni afersi. Memre den preikiman fu gi den preikiwroko raportu fu a mun oktober. Gi ala sma deki-ati fu luku den sani baka di den ben skrifi na a Spesrutu Dei Konmakandra fu a dienstyari di pasa, so taki den kan sreka densrefi gi a Diniwroko Konmakandra fu a tra wiki. Gebroiki den rai na tapu bladzijde 8 fu hori tu demonstrâsi di e sori fa fu pristeri A Waktitoren fu 1 oktober nanga Ontwaakt! fu 8 oktober. Pristeri ala tu tijdschrift na ini den demonstrâsi, aladi yu e taki fu wán tijdschrift nomo. Sori na ini wan fu den demonstrâsi fa fu taki nanga wan sma di e pruberi fu tapu a takimakandra fu di a e taki: „Mi no abi belangstelling.”​—Luku a buku Fa foe bigin èn go doro nanga bijbel takimakandra, blz. 8.

20 min: Gebroiki a feti-owru fu a yeye (Ef. 6:17). Takimakandra nanga den arkiman di teki puru fu a Diniwroko-skoro-buku bladzijde 143, 144. Aksi den arkiman fu gi piki tapu den aksi disi: (1) Fu san ede wi e gebroiki Bijbel te wi e gi piki tapu den aksi fu sma? (2) San a nen Yehovah Kotoigi e sori fu wi? (3) Sortu eksempre Yesus gi wi èn fa wi kan waka baka na eksempre fu en? (4) San na wan bun fasi fa wi kan bigin wan takimakandra fu Bijbel na ini a kontren fu wi? (5) Fu san ede a de wan bun sani fu leisi langalanga komoto fu Bijbel te wi kisi na okasi? (6) Fa owruman kan gi trawan deki-ati fu gebroiki Bijbel na wan bun fasi? Sori na ini wan demonstrâsi di sreka bun na fesi fa wan preikiman di abi ondrofeni e gebroiki wán, noso moro tekst fu gi piki tapu wan aksi. Meki a gebroiki na eksempre di gi na tapu bladzijde 144 fu du disi. Gi ala sma deki-ati fu poti en leki marki fu gebroiki Bijbel ibri tron te den e gi kotoigi.

13 min: Ondrofenitori fu a gemeente. Aksi a gemeente fu fruteri sortu prisiri sani den ondrofeni di den ben go na a Distrikt Kongres noso di den gi kotoigi na wan okasi na wrokope, na skoro, noso na wan tra presi.

Singi 52 nanga lasti begi.

Wiki di e bigin 3 november

Singi 147

5 min: Wan tu sani fu a gemeente.

15 min: Sani di a gemeente abi fanowdu.

25 min: Du furu bun wroko (1 Tim. 6:18). Wan owruman e hori wan takimakandra nanga den arkiman fu a Spesrutu Dei Konmakandra programa fu a dienstyari di pasa, aladi a e gebroiki den aksi di skrifi dyaso. Aksi a gemeente fu fruteri fa den fiti den sani di den leri, na ini a libi fu den. (Sani kan sreka na fesi so taki wan tu sma e gi piki.) Poti prakseri na wan tu pisi fu a programa: (1) „Wi sa kisi furu wini te wi e du bun wroko” (Preik. 2:11). Fu san ede futuboi fu Gado e meki muiti fu du bun wroko soleki fa Gado Wortu e taki, na presi fu du den soso sani fu a grontapu disi? (2) „Suku a gudu di Gado feni bun” (Mat. 6:20). Fa son sma ’kibri gudu na ini hemel’ èn sortu winimarki den kisi? (3) „Kisi moro prisiri na ini yu diniwroko fu di yu abi wan bijbelstudie” (om-O blz. 93, 94). San kan yepi wi fu bigin èn fu hori wan bijbelstudie? (4) „Bun wroko na ini a ten disi fu a kotiwroko” (Mat. 13:37-39). Sortu eksempre fu bun wroko den fosi Kresten gi? Fa a Kownukondre wroko e panya na ala sei na ini a ten fu wi? (5) „Gi glori na Yehovah nanga yepi fu den bun wroko fu yu” (Mat. 5:14-16). Fa son sma meki trawan ’si a leti fu den’? (6) „Prèise den yonguwan di e gi Yehovah grani nanga den bun wroko di den e du” (Ps. 148:12, 13). Fa Kresten yonguwan na ini a kring fu wi e prèise Yehovah? (7) „Tan du bun wroko èn yu sa kisi blesi fu Yehovah” (Odo 10:22). Te wi e tan du furu bun wroko, dan sortu blesi ibriwan sma kan kisi èn sortu blesi de gi osofamiri, gi gemeente, èn gi na organisâsi na heri grontapu?

Singi 180 nanga lasti begi.

[Futuwortu]