Schema gi a Diniwroko Konmakandra
Wiki di e bigin 12 yuli
12 min: Wan tu sani fu a gemeente. Wan tu sani di teki puru fu Wi Kownukondre diniwroko. Gebroiki den rai na tapu bladzijde 4 fu hori tu demonstrâsi di e sori fa yu kan pristeri A Waktitoren fu 15 yuni nanga na Ontwaakt! fu 22 yuni. Sori na ini wán demonstrâsi fa wi kan pristeri wan tijdschrift gi wan sma di wi miti na strati èn di no man taki a tongo fu wi so bun.
18 min: „Sori retidu neleki fa Yehovah e du dati.”a Efu ten de ete, dan aksi den arkiman fu gi piki tapu den tekst di skrifi.
15 min: Bijbel—Wan buku nanga profeititori di yu kan frutrow. Lezing èn takimakandra nanga den arkiman di teki puru fu a brochure Een boek voor alle mensen, bladzijde 27-29. Furu leisi na ini wi diniwroko, wi e miti sma di wani sabi moro fu a tamara. Bijbel abi tori na ini di yu kan frutrow èn di e sori go na wan koloku tamara gi den sma di e gi yesi na Gado. Poti prakseri na wan tu Bijbel profeititori di e tranga wi bribi na ini tra Bijbel profeititori di musu kon tru ete. Meki wan preikiman hori wan syatu demonstrâsi di e sori fa wi kan gebroiki Bijbel profeititori fu meki wan sma di wani kon sabi moro, kisi moro frutrow na ini Bijbel.
Singi 16 nanga lasti begi.
Wiki di e bigin 19 yuli
10 min: Wan tu sani fu a gemeente.
15 min: Sani di a gemeente abi fanowdu.
20 min: „Hori bijbelstudie di e go na fesi—Pisi 1.” Wan lezing di a dienstopziener e hori. Gi den arkiman na okasi fu gi piki tapu den sani di skrifi na ini a Verkondigers-buku, bladzijde 572-574, pe wi e leisi fa a bijbelstudie wroko waka na ini a ten fu wi. Gi den arkiman deki-ati fu luku den Wi Kownukondre diniwroko di sa taki fu den tra pisi fu na artikel disi. Den tori di wi sa luku na ini den pisi di e kon na: fa fu sreka wisrefi fu hori wan bijbelstudie, fa wi kan yepi a studenti fu sreka ensrefi gi a studie, o furu sani wi kan studeri nanga a sma, fa fu gebroiki den tekst na wan bun fasi, fa fu gi piki tapu den aksi di a studenti e poti, fa fu bigin a fosi leisi nanga begi, èn fa fu yepi a studenti fu moksi ensrefi nanga na organisâsi. Gi ala sma deki-ati fu fiti den rai di den e kisi èn fu kibri den artikel so taki den kan luku den bakaten.
Singi 10 nanga lasti begi.
Wiki di e bigin 26 yuli
12 min: Wan tu sani fu a gemeente. Raportu fu moni afersi. Memre den preikiman fu gi den preikiwroko raportu fu a mun yuli. Gebroiki den rai na tapu bladzijde 4 fu hori tu demonstrâsi di e sori fa yu kan pristeri A Waktitoren fu 1 yuli nanga na Ontwaakt! fu 8 yuli. Sori na ini ala tu demonstrâsi san wan preikiman kan du te wan sma e pruberi fu tapu a takimakandra fu di a e taki: „Foe san ede oenoe e kon so foeroe?”—Luku a pikin brochure Fa foe bigin èn go doro nanga bijbel takimakandra, bladzijde 12.
8 min: Aksi di opo kon. Wan owruman musu hori a prati disi. Leisi èn taki fu na heri artikel.
25 min: „Fa fu preiki na ini bisnis kontren.”b Taki fu den sani di a gemeente seti fu gi kotoigi na ini bisnis kontren. Sori syatu na ini wan demonstrâsi fa wi kan gebroiki den tu eksempre fu paragraaf 4, nanga 5, noso wan tra eksempre di abi bun bakapisi na ini a kontren fu yu. Efu ten de ete, aksi den arkiman fu fruteri fu den bun bakapisi di den ben abi di den preiki na ini bisnis kontren.
Singi 173 nanga lasti begi.
Wiki di e bigin 2 augustus
8 min: Wan tu sani fu a gemeente. Sori o prenspari a de fu hori wisrefi na wan schema fu leisi Bijbel ala dei, awansi wi e du tra sani te wi abi fakansi. Taki fu wan tu sani di teki puru fu A Waktitoren fu 15 augustus 2000, bladzijde 32.
22 min: Yu e sori yu arkiman fu san ede wan sani de so? Lezing èn takimakandra di teki puru fu a Diniwroko-skoro-buku, bladzijde 254, paragraaf 1, nanga 2. Te wi e fruklari wan bijbeltekst na ini a preikiwroko noso na tapu a podium èn te wi e sori sma fa fu fiti a tekst dati, dan wi o man gi leri moro bun te wi e sori den arkiman fu san ede den sani di wi e taki de so trutru, na presi fu taigi den nomo taki wan sani de so. Gebroiki eksempre di fiti a kontren fu yu. Puru eksempre na ini a Redeneren-buku noso tra publikâsi fu sori den preikiman (1) fa fu poti prakseri èn fruklari prenspari wortu na ini wan bijbeltekst, (2) fa fu fruklari a tekst nanga yepi fu den tra tekst na en lontu, noso nanga yepi fu tra bijbeltekst di e horibaka gi a srefi tori fu san yu e taki, (3) fa fu gebroiki wan agersitori fu sori taki san yu taki tru, èn (4) fa fu gebroiki aksi fu yepi den arkiman prakseri fu a tori. Poti krakti tapu den winimarki di wi sa kisi te wi e taki-go-taki-kon nanga sma.
15 min: Ondrofenitori fu a gemeente. Aksi den arkiman fu fruteri ondrofenitori di e gi deki-ati èn di abi fu du nanga a distrikt kongres, a yepi pionierwroko, noso tra yeye sani di den du sensi a fakansi bigin.
Singi 32 nanga lasti begi.
[Futuwortu]
a Den sani di yu e taki na a bigin no musu teki moro leki wán miniti. Go doro baka dati nanga wan aksi-nanga-piki takimakandra.
b Den sani di yu e taki na a bigin no musu teki moro leki wán miniti. Go doro baka dati nanga wan aksi-nanga-piki takimakandra.