Schema gi a Diniwroko Konmakandra
Wiki di e bigin 13 september
12 min: Wan tu sani fu a gemeente. Wan tu sani di teki puru fu Wi Kownukondre diniwroko. Efu den rai na tapu bladzijde 4 fiti gi a kontren fu yu gemeente, dan yu kan gebroiki den fu hori tu demonstrâsi di e sori fa fu pristeri A Waktitoren fu 15 augustus nanga na Ontwaakt! fu 22 augustus. Yu kan gebroiki tra eksempre tu. Baka ibri demonstrâsi, yu kan taki syatu fu wan moi sani di kon na krin na ini a demonstrâsi.
15 min: „Hori yu ai krin”.a Gebroiki den aksi di skrifi. Efu ten de ete, dan taki fu den bijbeltekst di kari.
18 min: Sma e si den bun wroko fu wi nanga den eigi ai (1 Petr. 2:12). Lezing èn takimakandra nanga a publiki di teki puru fu A Waktitoren fu 1 november 2002, bladzijde 12-14, paragraaf 14-20. Aksi den arkiman fu fruteri sortu krakti a ben abi tapu sma na ini a kontren fu wi di den si den bun wroko di wi du.
Singi 162 nanga lasti begi.
Wiki di e bigin 20 september
10 min: Wan tu sani fu a gemeente. Taki syatu fu den edepenti fu a brifi fu a bijkantoro di de na tapu a fosi bladzijde fu a Kownukondre diniwroko disi. Gi ala sma deki-ati fu luku a video Getrouw onder beproevingen — Jehovah’s Getuigen in de Sovjet-Unie (Den ben horidoro ondro tesi—Yehovah Kotoigi na ini Sovyet-Unie), so taki den de srekasreka gi a Diniwroko Konmakandra fu a wiki fu 4 oktober.
15 min: Fa sani waka na ini a yari di pasa? Wan lezing di wan owruman e hori, di teki puru fu a diniwroko raportu fu a gemeente gi a dienstyari 2004. Poti prakseri na den bun sani di de na ini a raportu, èn prèise a gemeente fu den bun sani di den du. Poti prakseri na a tranga wroko di den pionier e du. Taki fu wán, noso tu sani na san a gemeente kan poti prakseri na ini a nyun dienstyari.
20 min: Horidoro na ini bun wroko (Gal. 6:10). Interview tu, noso dri gewoon pionier, noso preikiman di e go na ini a yepi pionierwroko ten na ten. Sortu problema den kisi na ini a diniwroko fu Yehovah, èn fa den pasa den problema dati? San yepi den fu tan du bun gi trawan? Fa den, èn trawan sosrefi kisi wini fu a muiti den meki na ini a Kresten diniwroko? Efu a fiti, dan fruteri san unu ben du fu man prati a bun nyunsu gi sma di e taki wan tra tongo. Prèise ala sma gi ’a wroko di den du na wan getrow fasi èn gi a lobi-ati fasi fa den e horidoro’.—1 Tes. 1:2, 3.
Singi 103 nanga lasti begi.
Wiki di e bigin 27 september
15 min: Wan tu sani fu a gemeente. Raportu fu moni afersi. Memre den preikiman fu gi den preikiwroko raportu fu a mun september. Sori na ini tu demonstrâsi fa fu pristeri A Waktitoren fu 1 september nanga na Ontwaakt! fu 8 september.
10 min: A Wortu fu Yehovah de libilibi. Wan lezing. Ten na ten, wan tu artikel di nen „A Wortu fu Yehovah de libilibi”, sa de fu feni na ini A Waktitoren. Den artikel disi sa yepi wi fu kisi moro wini fu na alawiki leisipisi fu Bijbel na a Theokrasia Diniwroko-skoro. Gebroiki A Waktitoren fu 15 september 2004, bladzijde 24-27 fu taki fu den moi sani di e kon na krin na ini den artikel. Na a fosi presi na artikel e gi wan syatu luku fu wan Bijbel buku, èn baka dati na edeprakseri „Piki tapu den aksi fu Bijbel” e fruklari wan tu bijbeltekst di muilek fu frustan. Den sani di skrifi na ondro na edeprakseri „Sani di wi kan leri” e sori fa wi kan fiti den sani dati na ini wi libi. Poti prakseri na wan tu eksempre di e sori finifini fa na artikel disi kan yepi wi fu kon frustan a Wortu fu Gado moro bun. Gi ala sma deki-ati fu gebroiki na artikel disi te wi sa bigin leisi a buku Deuteronomium tra wiki.
20 min: „Gebroiki Bijbel na wan bun fasi”.b Gebroiki den aksi di skrifi. Te yu e bigin, dan taki wan tu sani di teki puru fu a Diniwroko-skoro-buku, bladzijde 145, paragraaf 2, 3. Hori tu demonstrâsi di e sori fa wan preikiman e miti wan ososma fu a fosi leisi, èn fa a e tyari wan gobaka na a sma dati. Den demonstrâsi musu sori fa wi kan gebroiki den rai di gi.
Singi 38 nanga lasti begi.
Wiki di e bigin 4 oktober
5 min: Wan tu sani fu a gemeente.
15 min: Sani di a gemeente abi fanowdu.
25 min: „Wan video di sa tyari sani kon na krin gi yu, èn di sa gi yu deki-ati!” Bigin wantewante nanga wan takimakandra nanga den arkiman, fu a video Getrouw onder beproevingen — Jehovah’s Getuigen in de Sovjet-Unie, èn gebroiki den aksi di skrifi. Prati a ten bun so taki den arkiman kan gi moro leki wán piki tapu na lasti aksi. Leisi a faki na tapu bladzijde 192 fu a Jaarboek 2002 na a kaba fu a takimakandra.
Singi 99 nanga lasti begi.
[Futuwortu]
a Den sani di yu e taki na a bigin no musu teki moro leki wán miniti. Go doro baka dati nanga wan aksi-nanga-piki takimakandra.
b Den sani di yu e taki na a bigin no musu teki moro leki wán miniti. Go doro baka dati nanga wan aksi-nanga-piki takimakandra.