Schema gi a Diniwroko Konmakandra

Wiki di e bigin 13 december

Singi 47

10 min: Wan tu sani fu a gemeente nanga wan tu sani di teki puru fu Wi Kownukondre diniwroko. Gi ala sma deki-ati fu leisi Numeri kapitel 25 nanga Inzicht, Deel 2, blz. 353 par. 1-3, èn fu luku a video Waarschuwende voorbeelden voor onze tijd, so taki den de srekasreka gi a takimakandra fu tra wiki. Taki syatu fu den spesrutu preikiwroko konmakandra di seti gi 25 nanga 26 december èn 1 yanuari. Efu a fiti gi a kontren fu yu, dan yu kan gebroiki den eksempre na tapu bladzijde 6 fu sori na ini tu demonstrâsi fa wi kan pristeri A Waktitoren fu 15 november nanga na Ontwaakt! fu 22 november. Yu kan gebroiki tra demonstrâsi tu di e sori fa sani e waka trutru na ini a preikiwroko. Na ini ala den tu demonstrâsi yu musu sori den difrenti sani di wi kan du te wan sma e suku fu tapu a takimakandra, fu di a e taki: „Mi sabi ala sani kaba foe a wroko foe oenoe.”—Luku a pikin buku di nen Fa foe bigin èn go doro nanga bijbel takimakandra, blz. 12.

15 min: „Yu yepi de fanowdu”.a Hori wan syatu takimakandra nanga wan owruman. Aksi en fu fruteri san gi en deki-ati fu meki muiti fu dini na ini a gemeente èn san ben yepi en fu doro den markitiki fu man du dati.

20 min: „Fa wi kan gi kotoigi na famiriman?”b Gebroiki den aksi di skrifi. Aksi den arkiman fu fruteri syatu san den ben du fu meki taki den famiriman fu den kisi na angri fu kon sabi moro, èn fa den ben gi kotoigi na den.

Singi 17 nanga lasti begi.

Wiki di e bigin 20 december

Singi 68

5 min: Wan tu sani fu a gemeente.

15 min: „Fa wi e kisi wini fu a Theokrasia Diniwroko-skoro”. A skoro-opziener musu hori a lezing disi. Taki syatu fu wan tu sani di teki puru fu na inibere pisi fu Wi Kownukondre diniwroko fu oktober 2004. Seti sani na fesi so taki wán, noso tu sma kan fruteri fa den e kisi wini fu a skoro.

25 min: „Wan seryusu deki-ati fu poti prakseri na Waarschuwende voorbeelden voor onze tijd” (Eksempre di de leki wan warskow gi wi na ini a ten disi). Den sani di yu e taki na a bigin no musu teki moro leki wán miniti. Go doro baka dati nanga wan takimakandra nanga den arkiman aladi yu e gebroiki ala den aksi di kari na ini na artikel.

Singi 50 nanga lasti begi.

Wiki di e bigin 27 december

Singi 36

10 min: Wan tu sani fu a gemeente. Raportu fu moni afersi. Memre den preikiman fu gi den preikiwroko raportu fu a mun december. Efu a fiti gi a kontren fu yu, dan yu kan gebroiki den eksempre na tapu bladzijde 6 fu sori na ini wan demonstrâsi fa wi kan pristeri A Waktitoren fu 1 december noso na Ontwaakt! fu 8 december.

25 min: Gi yesi na a komando fu Gado fu no teki brudu. Lezing di wan owruman e hori, aladi a e gebroiki a manuscript di a kisi fu a bijkantoro. Sori na a bigin fu a lezing taki den preikiman no musu skrifi noti na tapu den Brudukarta a neti dati. Te a takiman e leisi a manuscript, dan a kan taki wan tu sani syatu fu poti krakti tapu prenspari penti, ma a no musu taki fu tra eksempre, noso tra tekst boiti den wan di kari na ini a manuscript. Efu ten de ete, dan a takiman kan leisi, noso kari den tekst di skrifi. A sekretarsi musu gi ala dopu preikiman wan Vooraf opgestelde medische richtlijn/ontheffing kaart (brudukarta) so taki den luku en aladi a takiman e hori a prati. A sekretarsi musu sorgu tu taki nofo Identiteit-karta de fu kisi.

10 min: Mi musu teki dopu? Wan lezing di wan owruman e hori, di teki puru fu na artikel Jonge mensen vragen (Yongu sma e aksi) di de fu feni na ini na Ontwaakt! fu 22 maart 1990, bladzijde 25-27. Hori wan takimakandra nanga wan yonguwan di dopu kaba èn di de wan bun eksempre. A yonguwan disi e fruteri fu san ede a de wan yepi te wan sma e gi ensrefi na Gado èn e teki dopu.

Singi 8 nanga lasti begi.

Wiki di e bigin 3 yanuari

Singi 27

Hori na prakseri: Den gemeente no musu skoifi a dei di den o hori a Diniwroko Konmakandra fu a wiki fu 3 yanuari go na wan dei bifo a ten dati, boiti efu a kring-opziener e fisiti a gemeente a wiki dati. Ala den gemeente musu hori a takimakandra fu a kongres di de na a inibere pisi fu Wi Kownukondre diniwroko, soleki fa a schema fu a Diniwroko Konmakandra e sori. Efu wan kring konmakandra e hori a wiki disi, dan den bukustudie-opziener musu meki bekènti na den bukustudie pe èn o ten den kongres o hori.

5 min: Wan tu sani fu a gemeente. Taki fu den sani di wi sa pristeri na ini yanuari.

15 min: „Hori bijbelstudie di e go na fesi—Pisi 4”. Baka te yu taki wán miniti fu wan tu sani fu paragraaf 1, dan meki wan preikiman hori wan demonstrâsi fu feifi miniti, pe a e gebroiki paragraaf 2 nanga 3 fu sori fa wan sma di e hori wan bijbelstudie e sori a studenti fu en fa a musu sreka gi a studie. Gebroiki wan paragraaf fu a Sabi-buku noso a San Gado e aksi-brochure fu hori a demonstrâsi disi. Baka dati, hori wan aksi nanga piki takimakandra fu paragraaf 2 te go miti 5, aladi yu e poti prakseri na den prenspari penti di kon na krin na ini a demonstrâsi.

25 min: „’Gi yesi na Gado’ Distrikt Kongres fu Yehovah Kotoigi 2005”.c A gemeente sekretarsi musu hori a pisi disi. Baka te yu taki fu paragraaf 2, dan taki pe èn o ten a kongres fu a gemeente fu unu sa hori. Gi ala sma a deki-ati fu seti sani gi a kongres so esi leki a kan.

Singi 79 nanga lasti begi.

[Futuwortu]