Schema gi a Diniwroko Konmakandra

Wiki di e bigin 14 februari

Singi 174

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Efu a fiti gi a kontren fu yu, dan yu kan gebroiki den eksempre na tapu bladzijde 8 fu hori demonstrâsi di e sori fa wi kan pristeri A Waktitoren fu 15 yanuari nanga na Ontwaakt! fu 22 yanuari. Sori syatu fa yu kan fiti den demonstrâsi na a situwâsi fu a kontren fu a gemeente pe yu de.​—Luku Wi Kownukondre diniwroko fu yanuari 2005, blz. 8.

35 min: „A ten fu a Memrefesa​—Wan ten fu du moro na ini a diniwroko”.a A dienst-opziener musu hori a pisi disi. Te yu e taki fu paragraaf 6, dan taki sosrefi wan tu sani fu na Ontwaakt! fu 8 september 2004, bladzijde 12, 13. Meki bekènti suma gi den nen fu dini leki yepipionier. Taigi den arkiman sortu sani seti fu hori moro preikiwroko konmakandra. Gi ala sma deki-ati fu du moro na yeye fasi na a pisi ten fu a Memrefesa disi.

Singi 14 nanga lasti begi.

Wiki di e bigin 21 februari

Singi 31

10 min: Wan tu sani fu a gemeente. Luku den moro prenspari penti fu a faki na tapu bladzijde 6 di nen „Yepi den fu kon sabi moro”. Gi ala sma deki-ati fu gebroiki a papira Te bezoeken anderstalig adres (S-43) te dati de fanowdu.

20 min: „Taki Yehovah tangi gi a lobi bun-ati fu en”.b Meki bekènti o lati èn pe a Memrefesa sa hori, èn sosrefi a nen fu a sma di sa hori a lezing, nanga tra prenspari sani di abi fu du nanga a Memrefesa. Te yu e taki fu paragraaf 4, dan hori wan syatu demonstrâsi di e sori fa wan preikiman e gi wan sma di e teki tijdschrift doronomo, wan kari fu kon na a Memrefesa. Efu unu no ben prati den karta di wi e gebroiki fu gi sma wan kari fu kon na a Memrefesa, dan unu kan du dati baka a konmakandra.

15 min: „Hori bijbelstudie di e go na fesi​—Pisi 6”.c Hori wan demonstrâsi fu fo miniti, pe wan bijbelstudenti e aksi fu san ede wan tu sma nomo na a Memrefesa e nyan a brede èn e dringi a win. A sma di e hori a studie e prèise a studenti taki a poti so wan aksi, a e skrifi na aksi, èn a e taigi a studenti taki den sa luku a tori dati baka te den o studeri a pisi di den ben musu luku a wiki dati. Na a kaba fu a studie, a preikiman e sori a studenti a pisi tori na tapu bladzijde 192–196 fu a buku Teki leri fu a Bigi Leriman di e taki suma na den sma di e nyan a brede èn e dringi a win. Den e leisi a pisi disi makandra, èn a studenti e sori warderi gi a krin piki di a kisi tapu na aksi di a poti.

Singi 21 nanga lasti begi.

Wiki di e bigin 28 februari

Singi 42

15 min: Wan tu sani fu a gemeente. Raportu fu moni afersi. Memre den preikiman fu gi den preikiwroko raportu fu a mun februari. Efu a fiti gi a kontren fu yu, dan yu kan gebroiki den eksempre na tapu bladzijde 8 fu hori demonstrâsi di e sori fa wi kan pristeri A Waktitoren fu 1 februari nanga na Ontwaakt! fu 8 februari. Yu kan gebroiki tra demonstrâsi tu di e sori fa sani e waka trutru na ini a preikiwroko. Sori na a kaba fu wan fu den demonstrâsi, fa a preikiman e gebroiki a bakasei kafti fu na Ontwaakt! fu 8 maart, fu gi na ososma wan kari fu kon na a Memrefesa.

20 min: Sori taki yu e broko yu ede nanga den wan di swaki (Tori. 20:35). Baka te yu taki wan tu sani na a bigin di no e teki moro langa leki wan miniti, dan abi wan aksi-nanga-piki takimakandra fu A Waktitoren fu 1 yuli 2004, bladzijde 17, 18, paragraaf 12-16; hori a pisi disi neleki fa yu ben o hori a Waktitoren-studie. Meki wan brada di sabi leisi bun, leisi den paragraaf. Poti spesrutu prakseri na a fasi fa wi kan fiti a pisi tori na a Memrefesa nanga a spesrutu lezing di e kon.

10 min: Pristeri a brochure Tan na ai! Abi wan takimakandra èn sori na ini wan demonstrâsi fa wi kan pristeri a brochure na ini a mun maart. Gebroiki den eksempre di de ini na inibere pisi fu Wi Kownukondre diniwroko fu yanuari 2005 fu sori fa wi kan pristeri a brochure, noso gebroiki tra eksempre di e wroko bun na ini a kontren fu a gemeente.

Singi 72 nanga lasti begi.

Wiki di e bigin 7 maart

Singi 12

10 min: Wan tu sani fu a gemeente. Luku den moro prenspari penti fu a faki „Sani di wi musu hori na prakseri na a Memrefesa”.

15 min: Sani di a gemeente abi fanowdu.

20 min: „Prati moro tijdschrift na ini yu diniwroko”.d Te yu e taki fu paragraaf 3 nanga 4, dan sori fa fu fiti den sani dati na ini a kontren fu a gemeente. Hori wan syatu interview nanga wán, noso tu preikiman, di man prati tijdschrift bun na ini bisnis kontren, na stratiwroko, na presi pe furu sma de, noso te den e du okasi-preiki. Aksi den fu fruteri fa den e pristeri den tijdschrift na ini den situwâsi dati. Hori wan syatu demonstrâsi di e sori fa wi kan pristeri den tijdschrift, noso hori wan demonstrâsi di e sori fa wan ondrofenitori waka trutru.

Singi 192 nanga lasti begi.

[Futuwortu]