Syatu luku fu a Theokrasia Diniwroko-skoro

Wi sa abi wan takimakandra fu den aksi di e kon now na a Theokrasia Diniwroko-skoro. Wi sa du disi na ini a wiki fu 27 yuni 2005. A skoro-opziener sa teki 30 miniti fu luku baka san wi ben leri fu den lezing di ben hori na ini den wiki fu 2 mei te go miti 27 yuni 2005. [Wan sani: Efu noti no skrifi baka na aksi, dan yusrefi sa abi fu suku a piki na ini den difrenti publikâsi.​—Luku na ini a Diniwroko-skoro-buku na tapu bladzijde 36, 37.]

FA FU TAKI MORO BUN

1. Fu san ede agersitori na bun yepisani fu gi sma leri? (Gen. 22:17; Ps. 1:3; Yak. 3:6) [be blz. 240 par. 2–blz. 241 par. 1; boksu blz. 240]

2. Pe wi kan feni tori di wi kan teki leki eksempre fu gi bun leri, ma nanga san wi musu luku bun ini a tori disi? [be blz. 242 par. 2, 3]

3. San wi musu hori na prakseri te wi e suku agersitori di sa abi furu krakti tapu den arkiman? [be blz. 244 par. 1, 2]

4. Fu san ede wi musu gebroiki sani di sma kan si nanga den eigi ai te wi e gi leri, èn fa Yehovah srefi du disi? [be blz. 247 par. 1, 2, boksu]

5. Fa wi kan gebroiki sani di sma kan si nanga den ai, te wi de na ini a preikiwroko? [be blz. 248 par. 1–blz. 249 par. 2]

LEZING NR.1

6. Sortu tiri wi e feni na ini a Wortu fu Gado di abi fu du nanga a leri di pikin musu kisi? [w03 15/3 blz. 12 par. 2; blz. 14 par. 3]

7. Fa Yehovah ben broko en ede nanga David di David ben yongu, èn fa David ben sori taki a ben broko en ede nanga Yehovah? [w03 15/4 blz. 29 par. 4; blz. 30 par. 3]

8. Fu san ede Yehovah ben poti prakseri na a srakti-ofrandi fu Abel, èn sortu dyaranti disi e gi wi? (Gen. 4:4) [w03 1/5 blz. 28 par. 4–blz. 29 par. 1]

9. San na „a trangaleri fu Yehovah” di wi no musu trowe, soleki fa Odo 3:11 e warskow wi? [w03 1/10 blz. 20 par. 2-4]

10. San a wani taki fu ’de tevrede nanga den sani di yu abi’, soleki fa dati skrifi na ini 1 Timoteyus 6:6-8? [w03 1/6 blz. 9 par. 1, 2; blz. 10 par. 1]

ALAWIKI LEISIPISI FU BIJBEL

11. San a banti di Yonatan nanga David ben abi nanga makandra e prenki? (2 Sam. 1:26) [w89 1/1 blz. 26 par. 13]

12. San wi kan leri fu a fosi leisi di David ben pruberi fu tyari na ark fu a frubontu go na ini Yerusalem? (2 Sam. 6:2-9)

13. Baka di David nanga Batseiba sondu, dan a manpikin fu den kon dede. Fu san ede disi pasa, bika Deuteronomium 24:16 nanga Esekièl 18:20 e taki dati wan manpikin no musu dede gi wan fowtu di en papa meki? (2 Sam. 12:14; 22:31)

14. Fa wi sabi taki Siba ben lei gi Mefibosèt? (2 Sam. 16:1-4)

15. Fu san ede a fasi fa Mefibosèt ben handri na ini a tori fu en nanga Siba na wan moi eksempre gi wi? (2 Sam. 19:24-30)